لمبة تشيك نورت

**abouzaid555** · 11-03-2009 03:56 PM

كل سنة و اعضاء المنتدى كلهم طيبين بمناسبة المولد النبوى الشريف .
من يومين كنت مسافر من الاسكندرية الى القاهرة على الصحراوى و كانت حوالى الساعة اربعة الفجر المهم قلت اجرى بالعربية شوية لحد لما جبت عداد السرعات على 150 ساعتها و انا بارفع رجلى من على دواسة البنزين لقيت لمبة تشيك نورت لمدة 3 ثوانى تقريبا المهم قلقت و قولت اجرب تانى زودت السرعة لحد 160 محصلش حاجة و لما اجى ارفع رجلى من على دواسة البنزين الاقى لمبة تشيك نورت تانى قولت ياواد لم نفسك و كفاية خليك توصل بالسلامة ياترى الموضوع ده ليه تفسير عند خبراء المنتدى يعنى هل عندى اى مشكلة فى الحساسات او اى حاجة تانية مع العلم ان العربية انا مش شايف فيها حاجة و السحب زى الفل و استهلاك البنزين تقريبا عملت 600 ك فى 45 لتر بالرشاشات البى ام و شكرا لحضراتكم و اسف على الاطالة

**samirayad** · 11-03-2009 04:16 PM

دا بيبقى عيب مؤقت فى عملية التحكم....وليس له أى تأثير على آداء منظومة التحكم طالما اللمبه طفت........ويمكنك حاليا التأكيد على جودة الأتصال لوحدة التحكم بكبلاتها.....وكذلك فيش الحساسات وكذلك فيوزات التغذيه الكهربيه من علبة الفيوزات الصغيره (داخل الصالون).......وكذلك على جودة أتصال خرطوم حساس الماب .....وكذلك جودة الأتصال الأرضى للبطاريه......................... يعنى فيه حاجه يا أستاذ /أبو زيد مهزوزه شويه (غير كده مفيش حاجه مقلقه )

**abouzaid555** · 11-03-2009 04:22 PM

الف شكر على سرعة الرد يا استاذ سمير و ربنا يبارك فى حضرتك بس معلش انا اسف فين خرطوم حساس الماب اللى حضرتك نوهت عنه

**samirayad** · 11-03-2009 04:28 PM

فين خرطوم حساس الماب اللى حضرتك نوهت عنه

خرطوم كاوتش رفيع واصل من البوابه من الخلف لحساس الماب (اللى راكب على صدر العربيه فوق الأسكترا ).....يعنى علشان ينقل هواء من البوابه (علشان الحساس يشتغل ويودى أشاره لوحدة التحكم ).....ولو فيه بوش أو بيفصل ومكنش متوصل كويس (حيخللى اللمبه تنور )

**abouzaid555** · 11-03-2009 05:58 PM

الف شكر يا استاذ سمير و جزاك الله خيرا

**samirayad** · 11-03-2009 06:29 PM

المشاركة الأصلية كتبت بواسطة abouzaid555

الف شكر يا استاذ سمير و جزاك الله خيرا

الله يخليك .....وكلنا تحت أمر جميع الأخوه الأفاضل

**samirayad** · 12-03-2009 01:23 PM

خد أقرأ الموضوع ده يا أستاذ /أبو زيد .......وقوللى رأيك...............وشوف حالة أخونا الفاضل azamell .............مع ملاحظة أن العيوب المؤقته فى عملية التحكم (ممكن تكلف الكتير بدون داعى )..........**** وعلشان كده أنصحك من منطلق الأخوه والأمانه (أنا لا تفعل الا اللى أنت تراه مقبول ومنطقى )........أصل أساسا محدش بيدفع لحد حاجه وصاحب المشكله هو اللى بيشيل الليله...................فلا بد من أن نعقلها (لك تحياتى واليك اللينك ) http://www.nilemotors.net/Nile/showthread.php?t=62155

**samirayad** · 12-03-2009 03:11 PM

لا وغلاوتك ياهندسه.....هما موضوعين

_ واحد فى الأول بتاع أخونا رامى

_ والتانى فى الآخر بتاع أخونا azamell ....وأنا واخد بالى كويس من اللى بأكتبه وبعمل حساب أى حاجه قبل ما أكتبها................

_ والحمد لله أخونا azamell

...ما دفعش ولا ملطوش ( دا حتى أشترى باللى وفره حلاوة المولد ........بدل مايديى الملاطيش لبتوع الأسكانر ....طالما فيه وسيله للقضاء لى العيب ومن الكتالوج مش من عندى (لأن ممكن يدفع كمان تمن حساس ويكون اصلا سليم ومش شغال علشان مش مودى أشاره كويس ومع تركيب الجديد يتم ظبط التركيب وهنا بقه ماينوبه الا الخساره على الفاضى ....أما لو عمل الفحوصات المبدئيه ومقدرش يتخلص من العيب فده وضع تانى خاااااااااااااااااااااااا لص)......