ابتسامة نتشارك فيها سوا عن اصوات محركات بعض ماركات السيارات اللى انا دايما بحب اتابعها بودنى سواء وانا سايق او ماشى فى الشارع:
أشهر صوت محرك سيارة عرفته مصر والعالم هو صوت الفولكس فاجن بيتلز القديمة:
اول ما العربية تطلع الموتور بيقول: "وظا وظا وظا وظا وظا" تتحول مع التسارع الى "وظ وظ وظ وظ" ومع السرعة العالية تصبح ظظظظظظظظظظ
العربية ال127 (الموتور ال900 سى سى) لما تكون واقفة سلانسية الموتور بتاعها بيقول "كلنلنكلنكلنكلنك" ودا نظرا لإن الكاتينة بتاعتها نظام جنزير مش سير وهى اللى بتعمل الصوت دا
العربية السيات 133 : او ل ما تطلع من الإشارة محركها بيقول: وووووووووع (وبعدين تسكت لحظة النقل من الأول للتانى) ويعدين كمان ووووووووع اطول من الأولانية، وبعد ين وووووووووووع تالتة بتاعه التالت وبعيدين عووووووووووووووووووووووو طول ما العربية ماشية
ال128 موتورها له صفارة مميزة عاملة زى الصفارة المتصلة اللى يتسمعها فى التليفزيون قبل الإرسال لما يكونو حاطين الشاشة اللى عليها الوان بالطول(كانت احلى حاجة بحبها فى128)تسمعها من 80 وطالع
الفيات 126 موتورها بيقول: عرررررررررررر
تاكسيات البيجو 504 لما تكون واقف جنبها فى الإشارة تلاقى موتورها بيقول :لكلكلكلكلكلكلكلكلكلك
العربية اللانوس موتورها بيقول:زززززززززززززززز
العربية الشاهين لما تكون سايقها تسمع صوتين: صوت جاي من بطن العربية بيقولVVVVVVVV (حرف فى الإنجليزى) وصوت تانى جاى من برة العربية تسمه لو فاتح الشباك بيقول :هييييييييس
العربيات الفولفو القديمة صوتها ساعة لما تيجى تطلع بيقول: هوووووووووووف
العربيات الأمريكانى ذات ال8 سلندر لما تيجى طالعه موتورها يبقول:
أولولوء أولولوء أولولوء أولولوء أولولوء
الهوندا سيفيك لما تكبس عليها بنزين تلاقى موتورها بيقول: وىىىىىىىى
العربيات الديزل لما تكون وافقة سلانسية(مثال انص نقل الدبابة) تلاقى موتورها بيقول : رك رك رك رك رك رك رك رك
التاكسيات القديمة لما بتكون الكورونا بتاعتها بايظة تلاقيها ماشية فى الشارع تجعر بعلو حسها قائلة: ععععععععععععععععععععععععع ععععع
( :@: ) سبعاوى
