بتؤمن ب "العين" في العربية الجديدة؟

**fars777** · 12-03-2009 01:07 AM

أنا صاحبي كان راكن على جنب طريق واسع جدا ووراه حوالي أكتر من كيلومتر فاضي وقدامه أكتر من كيلو متر فاضي وجت عربية يتجري بسرعة خبطت في عربيته وهي واقفة...يعني مفيش أي احتمال انه يكون غلط في أي حاجه،بس سواق العربية التانية بيقول أن عجلة عربيتة القدامانية فرقعت فجأه فمعرفش يسيطر عليها...بس ليه المكان ده بالذات؟ نصيب ...

**himatros** · 12-03-2009 01:20 AM

والله بكون ماشي بالعربية ال504 والاقي واحد صاحبي قصدي كان صحبي واقف وميرضاش يسلم عليا او يبصلي عشان انا ماشي بالعربية فجاة والله الاقي العربية وقفت مني

**karimone** · 12-03-2009 01:33 AM

الموضوع طبعاً نصيب و الحسد ماحدش يقدر ينكره...

قدر الله و ما شاء فعل...

أهم حاجه الصحه... طول ما المصيبه في الحديد يبقي الحمد لله علي كل شئ

ربنا يستر طريقنا كلنا و يكفينا شر المصائب...

برده الواحد لازم ياخد بالو و هو ماشي في شوارع مصر...

**ezzatfox** · 12-03-2009 01:52 AM

اول يوم استلمت فية العربية و روحت ركنتها تحت البيت و لسة بالاستيكر اللى عليها
نزلت بالليل و يدوب بفتح المراية بايدى لقيت الكف الازاز وقع ادشدش .. قلت الحمد لله و مشيت عادى .. روحت مشوار صغير .. و نزلت الاقى فردة نايمة على الارض خالص .. لاقيتها اتخرمت و فيها مسمار محترم .. ركبت الاستبن فى اول يوم
الحمد لله على كل شىء و الحسد موجود فعلا ..

**Dr_Smart** · 12-03-2009 02:21 AM

اهم حاجة ذكر الله والاستعاذه به من الحسد

عود نفسك تقرا كل يوم سورة الاخلاص والفلق والناس 3 مرات الصبح وبالليل

وتقول بسم الله الذي لا يضر مع اسمه شيء في الارض ولا في السماء وهو السميع العليم 3 مرات الصبح وبالليل

قال صلى الله عليه وسلم : ( من قرأ سورة ( الكهف ) في يوم الجمعة أضاء له من النور ما بين الجمعتين )

وآية الكرسي بعد كل صلاة

وربنا يحفظنا جميعا من شر الحسد والحاسدين

**MoToRiZeR** · 12-03-2009 02:36 AM

انا مأمنتش بمقولة "العين تفلق الحجر" غير بموقف حصلي

كنت لسة غاسل العربية و مخلي البواب يخليها فلة و كنت قاعد فيها مستني تنشف عشان أركنها .. و انا بغسلها كنت شايف كل حاجة كويسة طبعاَ .

شفت واحد معرفة معروف بموضوع عينيه جي من بعيد و شافني في العربية بس عمل نفسه مش واخد باله مني .. و قام واخد العربية من فوق لتحت لدرجة كنت شايفه في المرايا مدور وشه لسة بيبص بعد ما عداها يعني ناقص يمشي بضهره مع إن مش فيراري يعني .

انا أول ما شفت كدة و الله قلت البصة دي مش هتعدي علي خير .. نزلت .. و الله في ساعتها يا مؤمن ! لقيت تجريح غائر في الكبوت في النص بالزبط زي ما يكون معمول بمفك ! و شكله باين و رخم جداَ جابلي إكتئاب .. قلت بركاتك يابن ال ***** !! أصل متعرفش التجريح ده جه منين !! ده لسة من دقيقة كانت سليمة و بعدين ده انا كنت قاعد جواها يعني مستحيل حد جه عملها بعد ما إتغسلت من غير ما أخد بالي .

المفروض يبقي فيه مؤسسة لتعويض أصحاب العربيات الحمراء من الحاجات دي، و الحمد لله علي كل شئ .
فعلاَ يا جماعة العين تفلق الكبوت .

**MoToRiZeR** · 12-03-2009 02:46 AM

المشاركة الأصلية كتبت بواسطة samaa0078

انا امنت بيها جدا جدا جدا
احنا جبنا علابية ريتمو على قدنا وبعد 10 ايام بس اتقلبت فى المنطقة الصناعية يوم 6 اكتوبر يعنى لوحدها فى الشارع 5 مرات
والعجيب والغريب ان الحمد لله كان فيها زوجى و 2 زمايله لم يححصل لهما خدش والعربيه اتفشفشت مليون حتة واتباعت خردة احنا كنا شرينها ب 17500 + 4000 تجديد وبعناها ب 4000 بس
العربية قعدت 10 ايام 7 عند الميكانيكى و2 تحت العمارة وركبناها 2 مشوار فقط

فى عين احلى من كدة!!!!

عين وحشة أوي فعلاَ يا ساتر يا رب !
بس الحمد لله إنها جت في العربية و زوجك بخير، لو كان حصله حاجة كان هيبقي الفلوس ملهاش أي معني .. حمد الله علي سلامته و ربنا يعوضكم خير بإذن الله .

**magyver** · 12-03-2009 03:33 AM

فعلا صح
كل اما اشد العربية تتخبط

**powerofhelll** · 12-03-2009 03:48 AM

الموضوع ده نتفق عليه من كل من ركب سياره حديده قديمه
حتي لو قرده

**bishoo33** · 12-03-2009 05:44 AM

بسم الله الرحمن الرحيم
ومن شر حاسد اذا حسد
صدق الله العظيم
أكثر حاجتين معرضين للحسد
ابنائك وسيارتك
يعنى ممكن يكون انت مشيك عيالك ومظبطهم ونازل رايح مشوار تيجى بيهم عيانين
وممكن تكون ملمع سيارتك ومدلعها وفرحان بيها وفجأة من غير مقدمات ...........وتزعل وتضايق
ربنا يحمينا كلنا ويكفينا شر العين

الموضوع: بتؤمن ب "العين" في العربية الجديدة؟

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

_""""""""الاسطورة لكزس gs الكوبيه تنتظركم في عام 2013 """"""""_

الحمد لله.. العربية اتقلبت بوالدي علي طريق العين السخنة "صور"

الحكومة بتفلس""""تخفيض حوافز الاطباء """خلوها تخرب""

الحقنى يا استاذ سبعاوى """"""""""""""""""""""""""""""""""""""

يا جماعه محتاج مساعده سريعه لضيق الوقت """"""""""""""

الكلمات الدلالية لهذا الموضوع

المفضلات

المفضلات

ضوابط المشاركة