بتؤمن ب "العين" في العربية الجديدة؟

**hanyelrakhawy** · 12-03-2009 10:19 PM

مكنتش مؤمن بقصة الحسد .... إلا لما حصل معايا حاجه فى العربيه لايمكن تفسيرها إلا بإنها حسد .... و للأسف نفس الشخص حصل منه موقف قبل كده بس مكانش فى العربيه ... بس ساعتها م ركزتش إنه ممكن يكون السبب .... و الأغرب إنه شخص كويس و مبسوط

**youssefmustang** · 13-03-2009 12:30 AM

طبعا بؤمن بيه حتى مع قديم وجديد ولازم تدبح خروف على اى حاجة جديدة ربنا كرمك بيها زى العربية اشتريت بيت جديد جالك مولود لازم لازم لازم الدبح ده لانه بيشيل بلاوى سودا ومنيلة وبيعد الحسد والعين
اخوكم يوسف

**SeiffoZ** · 13-03-2009 01:39 AM

إللى حصل إن العربية الجديدة لازم بيحصلها حاجة ... يمكن حسد , يمكن أى حاجة تانية ..
و الحمد لله إنها بتيجى فى العربية أهه حاجة تافهة مقدور عليها ...

**mrghost** · 13-03-2009 07:00 AM

وانا كمان مؤمن بالعين لانها مذكوره فى القرآن الكريم وفعلا حصلى حاجات كتير اول ما اشترينا العربيه وكانت زيرو

**karimone** · 13-03-2009 11:20 AM

المشاركة الأصلية كتبت بواسطة أشرف فتحى

انا اعتقد ان مش كل اللى بيحسد بيبقى قاصد او فى نيته الضرر ليك ممكن بس يكون عائن على الحسد.
مش فى مثل بيقول ما يحسد المال إلا صحابه
انا اقصد ان العين ممكن تبقى من صاحب العربيه لو مذكرش الله وده انا اعتقد انه حصل معانا كلنا
ممكن تبقى ملمع العربيه وعجباك قوى ومقلتش ما شاء الله تلاقيها اتحكت

الله ينور عليك يا أشرف باشا...

انت ركزت فعلاً علي نقطه مهمه...