محتاج كهربائى يركبلى كتاوت للنور بدون لعب فى الضفيره

**lol656** · 14-03-2009 03:20 AM

شيل من دماغك موضوع التوكيل يعني التوكيل حيعمل ايه حتي لو العربية عطلت خليك مع الله وركب الكتاوت ولا ناوي تمشي في الضلمة عشان التوكيل

**swimmer25** · 15-03-2009 10:29 AM

المشاركة الأصلية كتبت بواسطة lol656

ههههههههههههههه

معاك انا

كل الاراء دي بتقول فكك من التوكيل
ان شاء الله في اقرب فرصة هعملها
شكرا علي كل الردود

**Michael_Lanos** · 02-04-2009 08:41 PM

المشاركة الأصلية كتبت بواسطة Badrowi

ان شخصي ركبت كتاوت نور للنوبيرا بتاعتنا يوم الحد يعنى من كام يوم

روحت لمحمد ياسين اشهر كهربائى فى دمياط طلب منى بضاعة جبتهاله ب 105 جنيه

كتاوت تركى
لمبات نور نارفا المانى تقريبا 200/120 مش فاكر بالظبط

بكرة شيكارتون
سلوك وخرطزم اسود
كليبسات نحاس

المصنعية 40 جنيه بدل 50 علشان انا من كل اصحابى زباينه

10 جنه دخان للصنايعى

يعنى 155 جنيه بس شغل دولى
عمل السلوك من علبة الفيوزات بدل البطارية والكتاوت مثبت فى الاكصدام تحت الفانوس من الاخر مش باينه مطلقا

الله ينور احي الشغل النضيف ده

**mohelmy** · 02-04-2009 09:21 PM

المشاركة الأصلية كتبت بواسطة waleedrahmy

لو فضلت ماشي وراء التوكيل والضمان يبقي ولا أنت رايح ولا أنت جي أنا عربيتي مو 2008
وركبت كل ال نفسي فيه من سنتر وانذار وكتاوت و طارة متحركة وفوج لايت ولمبة ستوب وزجاج كهربائي أمامي وعداد RPMولا همني ضمان ولا يحزنون مش حايعملوا أي حاجة ولا يغيروا أي حاجة ولو في حاجة تالفة حايقولوا لك مستهلاكات او سؤء تشغيل وحا يدفعوك فلوس ومدام انت دافع دافع فكك من التوكيل والضمان واعمل أل نفسك فيه دي عربيتك مش عربيتهم

والله انا عربيتى برضة لانوس 2008 s وعاملة 23000 كم وعاوز افض موضوع التوكيل دة لانى فعلا باحس ان اسعارهم مبالغ فيها جدا وتكاليف الصيانة عالية جدا بالنسبة لاى صنايعى برة ...بس عاوز حد يشجعنى...