والله يا أخي أحمد سأحاول واجتهد واشوف المعلومات الي تحت إيدي وأكيد مش حبخل على حضرتك في حاجة طول مانت حتدعيلي بالهداية والصلاح
عرض للطباعة
والله يا أخي أحمد سأحاول واجتهد واشوف المعلومات الي تحت إيدي وأكيد مش حبخل على حضرتك في حاجة طول مانت حتدعيلي بالهداية والصلاح
السلام عليكم ورحمة الله وبركاته ازيك يا شباب اخباركم ايه ؟
انا عايز اسال سؤال بس هو ملوش علاقه تقريبا بموضوعكوا دا بس هو جه على دماغى بعد ما قرات الموضوع .
انا عندى بولو 2001 بها سنتر بس طبعا مفيهاش انذار وانا عايز اركبلها انذار بس يكون نوعه نظيف لان انا كنت نزلت سألت عند كذا واحد بتاع اكسسورات سيارات وكذا كهربائى سيارات برده كلهم قالولى ان انظف واحد نوع اسمه ( sun one ) او ( one sun ) على ما افتكر تقريبا وانه تايوانى ودا الى بيكون جاى ب2 ريموت واحد اسود مربع زرايره رصاصى والتانى بنى بأريل صغير كدا زرايره بنفس لون الريموت نفسه ودا الأنذار الى اكترية الناس جايباه بس انا مش عارف مش مرتاحله ليه وكان واحد بس صاحب محل اكسسوارات سيارات كان قالى ان فى نوع اسمه ( wolf ) ودا الى بيجى ب2 ريموت نفس الشكل والى بيكون شكلهم اسود مستطيل وله باب انزلاق لفوق زى باب الموبايل كدا وزرايره ودا طبعا ارتحتله شويه وتايوانى برده مع العلم ان محدش من كهربائية السيارات شكرلى فيه كله بيشكرلى فى الأولااانى مش عارف ليه قال ايه حساس اكتر .
مع ان الاول الى بيشكروا فيه ب 170 جنيه
والتانى الى قالولى عليه مجرد شكل بس وما فضلوهوش ب 200 جنيه
فإيه رأيكوا يا جماعه أعمل ايه فى الموضوع دا وهل لو انا جبت الى شكله عاجبنى فعلا ممكن يفرق فى حساسيته بشكل ملحوظ وجامد عن الى بيرجحوه كهربائية السيارات ولا لاء ؟
أرجو الافاده ( ومعلش طولت عليكوا كتير)
سنتر أصلي؟
لو سنتر أصلي أنا ممكن اركبلك إنذار لو العربية فيها Convenience System لكن لو مفهاش مش حينفع
بس لو فيها لازم برضو تعرف ان الإنذار الأصلي مبيشتغلش على الحاجات العادية زي مثلاُ إن حد يسقف جنب العربية أو عربية تضرب كالكس جامد جنب عربيتك فالإنذار يشتغل أو حد يخبط الباب والحاجات العادية دي..
الإنذار الأصلي شغال على فتح العربية بغير مفتاحها وكمان بيكون معاه حاجة اسمها المراقبة الداخلية ودي شغالة بالمواجات الصوتية علشان لو فتح الزجاج مثلاً عن طريق كسره يقوم يحس بحركة غريبة داخل العربية فيشغل الإنذار
وبعدين الإنذار الأصلي مبيخليش العربية تدور.
أما بقى لو عربيتك مش مجهزة، فدا معناه إن جميع اجهزة الإنذار الموجودة في السوق كلهم سواء
ممكن الناس هنا تشور عليك بنوع معين هما استخدموه، بس أهم حاجة يكون نوع محترم مش نوع يخلص بطارية العربية ويعمل تحميل عليها
أظن عماد مركب نوع كويس في عربيته البولو ممكن تسأله
في أنواع إنذار بتركب فيها SIM Card ولو حد جه يفتح العربية والإنذار اشتغل تتصل بيك علشان لو كنت بعيد عنها.
في أنواع معاها مراقبة داخلية بس أهم حاجة تركبها في مكان مش ظاهر ويكون شكلها مش سخيف لأن الأصلي ليها مكام مش ظاهر أصلاً ومحدش بيعرف إنه نظام مراقبة داخلية.
ممكن تنزل شارع دمشق وتروح عند السجان والكام محل الي موجودين في المنطقة - دول المشهورين والي شغالين في الموضوع ده وحتلاقي فروق الأسعار بسيطة ومتقاربة
طيب سؤال تاني خارج الموضوع
قريت في مشاركة لاحد الاعضاء ان وكيل فولكس فاجن بيحاول يعدل في السوفتوير في محرك tsi 1.4 الللي نازل في الباسات عشان يشتغل علي بنزين 92 مع العلم ان نسبة الانضغاط تقريبا 10
هل ده ممكن ولا مستحيل
الإجابة على السؤال ده سهلة وبسيطة جداً وهي إن الي قال كده مبيفهمش أي حاجة
كنترول العربية مالوش علاقة بنوع البنزين بدليل إنك لو مسافر وملقتش بنزين 95 بتضطر تحط بنزين 92 لحد ماتوصل
ولو استمريت في استخدام بنزين 92 الموتور هو الي بيبوظ مش الكنترول
يبقى بمنتهى البساطة الي قال كده مفروض نقوله شكراً على المعلومة الثاقبة دي.
ثانياً لو كان كلامه صح، يبقى حيلعب في السوفت وير بتاع العربية يعني كدا حيخرج الكنترول برة الضمان ولو كلمت فولكس في المانيا حتقولك الكنترول ملعوب فيه...
ثالثاً: دا كلام بيع علشان الناس تشتري وحسبي الله ونعم الوكيل في الكلام ده ولو تعرف اسم الي قال كده في اوتوموتيف قولي على اسمه وانا اروح اكلمه
الموضوع الي كلمتك عليه شوف اول مشارك
http://nilemotors.net/Nile/showthread.php?t=62960
الموضوع ده انا اتسألت فيه بشكل مباشر
وجاوبت عليه من النواحي الفنية والنكنولوجيا المستخدمة وعيوب البي إن بس الفكرة إن كل واحد شارك في الموضوع ده رد من حيث التفضيلات الشخصية بدون أي خلفية فنية إطلاقاً
وفي الآخر انت مش حتقدر تحجر على رأي الناس كل واحد من حقه يقول الي هو عايزه وبرضو كل واحد من حقه يدافع عن وجهة نظرة وبرضو الواحد لما يكون بقى شغال في الموضوع وعنده خلفية بالجوانب الفنية والمتعلقة بالأداء من حقه ينصح ويشير لكن لما الناس تصر على حاجة غلط وتطلعك ان كلامك غلط خلاص كل واحد دماغه مكفياه
الف شكر يا بشمهندس اسامه على المعلومات دى
بس انا اولا معرفش انا عندى ال Convenience System ولا لاء طب اعرف ان عندى النظام دا ولا لاء أزاى ؟
اما بالنسبه للحاجات العاديه الى انت بتقولى عليها مبتحصلش مع الانذار الاصلى فدا ميهمنيش بس انا ألااقى حاجه اصلى نظيفه تركب عندى
اما بالنسبه لان مبيدورش العربيه فأكترالانذارات بل كلها مبتدورش العربيه فدا ميمثليش اهميه برده
اما بالنسبه لأن عربيتى مجهزه ولا لاء برده معرفش لان انا جايبها فيها تكييف وبور وسنتربالمفتاح بس
اما بالنسبه للمكان الى انت وصفتهولى فطبعا مش هعرف اروحه لان انا من دمياط فلو فى حد او مكان فى بورسعيد او المنصوره ممكن اروحله اشوف عنده يا ريت تقولهولى
وجزاك الله خيراً
طيب سؤال مفتاح العربية بتاعك في ريموت ولا مفتاح عادي؟
لاء مفتاح عادى .
بس انا قصدت انه سنتر بالمفتاح مش ريموت بالمفتاح بيفتح ويقفل السنتر لاء انا قصدت ان السنتر بيقفل ويفتح بالمفتاح نفسه يعنى .