الموضوع: استهلاك بخصوص البنزين في الفيرنا

المشاركة الأصلية كتبت بواسطة ahmedcar

فى طريقه افضل من كده لنقد اراء الاخريين

شكرا يا باشا, و كل شيخ و ليه طريقة. و من الافضل ان كل واحد يتكلم عدل من الاول.
و طبعا بخصوص الاستهلاك هقولك بيرجع للى بيسوق و لو ليك رأى يا ريت تقوله.. بس حضرتك مذكرتش نوعية سواقتك ايه.

المشاركة الأصلية كتبت بواسطة AHMEDCAR

هيه فعلا بترجع للسواق

انا سواقتى هاديه جدا بالكاد لا اتخطى 3 ار بى ام فى كل الغيارات

و احد صديقى معاه فيرنا برضو نفس الموديل ممكن اقولك انى لو مشيت على رجلى هاكون اسرع منه بيعمل 220الى 230 بالكتير جدا جدا

انا عملت مره 300 بس على طريق سريع و مازدتش عن 120

غريبه جداااااااااااااااااااااا
انا بنقل عند 3000 لفه على طول يعنى 20-40-60-80 و طبعا السحب عالى حضرتك عارف, الاستهلاك كده يمكن يختلف فى الفيرنا بس المفروض ان وزنها اخف يعنى الحمل على المحرك اقل!!!!!!
بس فى حاجه مهمه جدا على فكره لاحظتها انك لو مش بتحرق و مبتعديش ال 3000 لفه لكن بتدوس على دواسة البنزين بمعدل عالى علشان التسارع يكون اعلى هتلاقى استهلاك البنزين عااااااااااالى و ده عن تجربة, و كمان الحرق البطىء بيعلى الاستهلاك و بيزود الانبعاثات معاك و ده انا قريته من فترة.
و نصيحه ليك علشان تقلل استهلاك البنزين انك متسيبش العربيه دايره كتيير على الفاضى.. و كمان لو فى اشاره زحمه متبطلش علشان لما بتعمل start up تانى الاستهلاك بيزيد الا لو كانت الاشاره واقفه جامد فممكن تبطل شويه. و ان شاء الله الاقيك عامل 400 كم فى الصفيحة.

انا عايز اضيف حاجه كمان..
العربية 2007 و متعملش غير صيانة 5000 كم فى غبور و العربية جديدة. و حتى الان مغيرتش فلتر هواء و لا بوجيهات.
بغير زيت المحرك و الفلتر كل 10000 كم فى البنزينة و بستعمل 10,000 Mobil 1 مش شيل, لان شيل بيعلى صوت الموتور.
و ناوى اغير البوجيهات و سير الكاتينة علشان عدت ال 56000 كم و اشتريت فلتر هواء من غبور.
الظاهر ان غبور بيبهدل العربيات

المشاركة الأصلية كتبت بواسطة mecho_392

عامه الارقام الهلاميه الي بنسمع عنها 300 و350 كيلو في الصفيحه والهلس ده نادرا ما بيبقى صح

طبعا لا تعليق
بس مقدرش لان الماتريكس بتعمل 660 كم ب 42 لتر بعنى 315 كم فى الصفيحة و ده فى الزحمة و المدينة و ممكن احسن كمان و عملت 650 كم مره فيهم نص ساعه العربية دايره و هى واقفه (سلانسيه).
و مع القرص و الحرق شويه بعمل 550 كم ب 40 لتر يعنى 275 كم فى الصفيحة.
الكلام ده مش هلس ولا حاجة لكن ده بيعتمد على طريقة سواقتك.. و يا ريت نتكلم على قد اللى نعرفه لان مش كل الناس بتسوق زى بعضها ولا كل الناس بيفهموا علميا و عندهم خلفية, فى اللى بيتكلم من منطلق مفهومه و خلاص ده لو كان عنده اصلا.
لا و كمان معاك نيو اكسنت يعنى 1600 سى سى و CVVT و العربية وزنها اخف يعنى لو معايا اعمل احسن من الماتريكس لان التكنولوجيا اللى فى المحرك ليها غرض مش هلس.

شكرا على التعليق

بس رقم 660 في 42 ده مستحيل بكل المقاييس
خصوصا في الزحمه
على الطريق ممكن تعمل رقم قريب من كده بدون تجاوز سرعه 100
ومن جهه اتكلم على قد الي اعرفه لا انا مبفتيش الحمد لله انا عارف انابقول ايه كويس اوي اوي واي وبفهم الحمد لله
وانا كلامي كان كويس ومفيهوش غلط من الاول
ومفيش يا جدعان عربيه هتعمل اكتر من 250 كيلو في الصفيحه بالنسبه لل 1.6

ومن جهه اسلوب السواقه انا جربت كل اساليب السواقه الموضوع بيختلف شويه اه بس استحاله الارقام بتاعه حضرتك دي الا بقى لو مش بتعدي ال 80 وسواقه بطييئه جدا جدا

المشاركة الأصلية كتبت بواسطة mecho_392

انا عايز اضيف حاجه كمان..
العربية 2007 و متعملش غير صيانة 5000 كم فى غبور و العربية جديدة. و حتى الان مغيرتش فلتر هواء و لا بوجيهات.
بغير زيت المحرك و الفلتر كل 10000 كم فى البنزينة و بستعمل 10,000 Mobil 1 مش شيل, لان شيل بيعلى صوت الموتور.
و ناوى اغير البوجيهات و سير الكاتينة علشان عدت ال 56000 كم و اشتريت فلتر هواء من غبور.
الظاهر ان غبور بيبهدل العربيات

اسمحلي بقى انت عاكس كل حاجه بصراحه مين قال ان شيل بيعلي صوت المووتور بالعكس
ده هيونداي كوريا بتوصي بشل من قبل ما توكيل هيونداي في مصر يتعامل مع شل

ولما كان هيونداي بتتعامل مع موبيل كنت بحط موبيل في الصيانه ال 5 وال 10 وبصراحه كان صوت الموتور عالي
والتوكيل غير تعامله وخلاه مع شيل حسينا الفرق فعلا كل اصحاب عربيات هيونداي حسوا الفرق وشيل افضل مليوون الف مره سواء ال 5 او ال 10

ومعروف ان موبيل 1 خصوصا كان في مشاكل فيه

المشاركة الأصلية كتبت بواسطة حماده المصري

شكرا على التعليق

بس رقم 660 في 42 ده مستحيل بكل المقاييس
خصوصا في الزحمه
على الطريق ممكن تعمل رقم قريب من كده بدون تجاوز سرعه 100
ومن جهه اتكلم على قد الي اعرفه لا انا مبفتيش الحمد لله انا عارف انابقول ايه كويس اوي اوي واي وبفهم الحمد لله
وانا كلامي كان كويس ومفيهوش غلط من الاول
ومفيش يا جدعان عربيه هتعمل اكتر من 250 كيلو في الصفيحه بالنسبه لل 1.6

ومن جهه اسلوب السواقه انا جربت كل اساليب السواقه الموضوع بيختلف شويه اه بس استحاله الارقام بتاعه حضرتك دي الا بقى لو مش بتعدي ال 80 وسواقه بطييئه جدا جدا

يا باشا يعنى انا بضحك على الناس!!! طيب هستفيد ايه؟؟ و كمان قلت: ومفيش يا جدعان عربيه هتعمل اكتر من 250 كيلو في الصفيحه بالنسبه لل 1.6
انا مش هتكلم خش على المنتدى العام و افتح موضوع و شوف.
و كمان كل الارقام اللى مكتوبة دى فى الزحمة و المدينة على الطرق السريعة بتعدى اكتر من كده يعنى بتوصل لل 750. و عايز اقولك انى لو سوقت عند 80 الاستهلاك مش هيبقى كويس اوى.. يعنى 90-100 احسن استهلاك. ولاحظت الموضوع ده فى الi10.
و بالنسبة للزيت دى تجربتى و انا عارف ان هيونداى بتنصح بزيت شيل هيلكس و احتمال اجرب فى الi10 اهى 2009 و هقولك لانها هاديه جدا و هلاحظ عليها لو الصوت على.

دى مواصفات الماتريكس فى استهلاك البنزين:
Hyundai Matrix Fuel Consumption :: (1.6 Classic Manual)

Urban Fuel
31 mpg

Extra Urban
44.8 mpg

Combined
38.7 mpg


Theoretical Range to Empty
468 miles

468 ميل فى التانك
468*1.609=753 كم
التانك 55 لتر
يعنى 753/55=13.691 كم/لتر
يعنى الصفيحة بتعمل 13.691*20=274 كم

274 كم فى الصفيحة

اظن دى اعلى من 250 كم فى الصفيحة اللى حضرتك قلت عليها!!!!!.