بخصوص استلام السيارة

**eng_amrazek** · 04-09-2007 11:34 PM

السلام عليكم
يا جماعة معلش هتقل عليكو بالنسبة لاستلام السيارة ايه الحاجات اللى الواحد ياخد باله منها و هو بيستلم و الاوراق اللى بياخدها من المعرض و الاجراءات و اى معلومات تانية
وشكرا للجميع

**ابوحميد** · 05-09-2007 01:00 AM

بتستلم
1 : مستند نقل المسئولية عبارة عن اثبات فيه بتمضى انك استملت العربية وبكدا اى حاجة تعملها بالعربية بقى مسئوليتك مش المعرض يعنى المعرض بيخلى مسئوليته من العربية وفيه ان العربية سليمة بدون عيوب
2 : مستند الملكية وفيه ان المعرض باع العربية لفلان ودا فى الاغلب بيتختم من مرور الدراسة لو حضرتك حترخص محافظات
3 : الافراج الجمركى لو العربية مستوردة ودا بيتختم فى مرور مدينة نصر لو حضرتك من المحافظات وحترخص فى محافظتك

**eng_amrazek** · 05-09-2007 08:54 AM

شكرا يا ابوحميد باشا على الرد السريع
طب بالنسبة لاستلام العربية اركز على ايه بالضبط؟

**Nader** · 05-09-2007 10:18 AM

طب بالنسبة لاستلام العربية اركز على ايه بالضبط؟

عادي شيك عليها كويس متكونش متجرحة او فيها خبطة، شيك على العدة بالكامل واستبن العربية ولو فيها ولاعة في الغالب مش هتلاقيها جوة العربية ابقى اطلبها. ولو بينزل مع العربية قلم دوكو متنساهوش.