صوابع الكاليبر والدشم

**mohsen** · 12-03-2009 01:45 PM

لو سمحتوا
دايما صوابع الكاليبر بيحصلها صدا وتاكل
وبتعمل بوش بيسبب رزع وتخبيط فى المطبات وبالتالى الناس بتغيرها وبتجيب طقم جديد بحوالى 100 جنيه
والسؤال هو ان صوابع الكاليبر بتبقى داخلة فى الدشم فهل الصوابع بس هى الى بيحصلها تاكل ولا الدشم من الداخل كمان بيحصلها تاكل وهل فى دشم جديدة بتتباع لوحدها وبكام وياريت كل الاخوة الافاضل الى غيرو صوابع الكاليبر بس بصوابع جديدة يقولولنا ان البوش اختفى وصوت التخبيط راح ولا النتيجة كانت ايه باظبط
ولكم جزيل الشكر

**MMamdouh** · 12-03-2009 02:16 PM

الدوشم نفسها ممكن تعمل بوش بس على المدى الطويل... و فى الغالب بيبقى المشكلة من الصوابع مش من الدوشم

انا مغير طقم صوابع و المشكلة اتحلت... و دايما مع كل تغيير تيل لازم الصوابع تتنضف جويس و تتشحم للحفاظ عليها

MMamdouh

**khater87** · 12-03-2009 07:39 PM

**samirayad** · 12-03-2009 07:59 PM

لاء لاء بالراحه علينا كده
لا اما تنزلوا الترجمه مع الكلام ده
ايه بقي الدشم والصوابع دي

الليله دى بلغة صنايعية الفرامل (الدشم والكلبرات ).....دول الجزئين اللى بيبقوا راكبين على طنابير الفرامل الأماميه وبيبقوا راكبين ومعشقين فى بعض ومكونين بيت بشكل معين وعليه ماستر العجله بتاع زيت الفرامل........ومن جواهم التيل .....دا على ما أتذكر من تغيير التيل لسيارتى الأولى (ويفضل أن تراهم على الطبيعه )....ساعة تغيير التيل الأمامى للتعرف عليهم عن قرب......وعلى ما أفتكر برضه أن الكالبر كلمه فعلا أنجليزيه فى الأصل والصنايعيه أستخدموها.......هذا والله أعلم (بس حبييت أرد عليك علشان ماتتخضش أوى كده من الأسماء دى )

**khater87** · 12-03-2009 08:23 PM

الليله دى بلغة صنايعية الفرامل (الدشم والكلبرات ).....دول الجزئين اللى بيبقوا راكبين على طنابير الفرامل الأماميه وبيبقوا راكبين ومعشقين فى بعض ومكونين بيت بشكل معين وعليه ماستر العجله بتاع زيت الفرامل........ومن جواهم التيل .....دا على ما أتذكر من تغيير التيل لسيارتى الأولى (ويفضل أن تراهم على الطبيعه )....ساعة تغيير التيل الأمامى للتعرف عليهم عن قرب......وعلى ما أفتكر برضه أن الكالبر كلمه فعلا أنجليزيه فى الأصل والصنايعيه أستخدموها.......هذا والله أعلم (بس حبييت أرد عليك علشان ماتتخضش أوى كده من الأسماء دى )

ايوه كده يااستاذ سمير الله يكرمك
طمنتني
انا اتحولت اول لما قريت الليله دي
قلت هو العربي اتغير ولا ايه :)

**samirayad** · 12-03-2009 08:29 PM

المشاركة الأصلية كتبت بواسطة khater87

ايوه كده يااستاذ سمير الله يكرمك
طمنتني
انا اتحولت اول لما قريت الليله دي
قلت هو العربي اتغير ولا ايه :)

يا باشا تحت أمرك ومعلش مش قادر أضيف أكتر من كده (لأننى أنا فاكر الموضوع ده من أيام عربيتى الأوبل الأولى فى بورسعيد من حوالى 5 سنوات ).....وأكيد حنلاقى تحاليل أفضل من الزملاء ..........بس خفت عليك من تغيير اللغه..علشان كده رضيت

**mohsen** · 15-03-2009 10:34 AM

المشاركة الأصلية كتبت بواسطة MMamdouh

الدوشم نفسها ممكن تعمل بوش بس على المدى الطويل... و فى الغالب بيبقى المشكلة من الصوابع مش من الدوشم

انا مغير طقم صوابع و المشكلة اتحلت... و دايما مع كل تغيير تيل لازم الصوابع تتنضف جويس و تتشحم للحفاظ عليها

MMamdouh

طيب يا استاذ محمد انا معايا لانوس موديل 97
عاملة 170 الف كم
محتاجة تغير الطنابير الامامية بتاعة الفابريكة لانها اتاكلت وبقى فيها ريجة وبقت تاكل التيل بسرعة وفى بوش جامد بس السؤال ازاى نعرف ان البوش ده من الالصوابع ولا من الدشم
المشكلة ان علشان مفيش دشم بتتباع جديدة لوحدها هبقى مجبر ان اشترى دشم وصوابع استيراد وانا مش عايز اجيب اى حاجةاستيراد فى الفرامل
طيب ايه رايك اشترى صوابع جديدة مع الطنابير والتيل الجديد واجرب وانا وحظى ولا اعمل ايه
اسف للاطالة

**MMamdouh** · 15-03-2009 10:46 AM

الصوابع بتيجى جديدة مش استيراد... و لما تركبها فى الدوشمة حتحس اذا كان لسة فيه بوش جامد ولا لا... لو لسة فيه بوش مع الصوابع الجديدة يبقى لازم تشترى دوشم استيراد مع الصوابع الجديدة

MMamdouh

-

الموضوع: صوابع الكاليبر والدشم

LinkBack

أدوات الموضوع

عرض

-

-

-

-

المواضيع المتشابهه

صوت تخبيط صوابع الكاليبر مع دشم الفرامل الامامية فى اللانوس

كاوتشة بنوز الكاليبر

تخبيط علبة الدركسيون وتخبيط الكاليبر

صوابع الكاليبر

كافح أبو صوابع

الكلمات الدلالية لهذا الموضوع

المفضلات

المفضلات

ضوابط المشاركة