بيكانتو بتعوم

**amr_elrashidy** · 12-03-2009 03:46 PM

الحقيقة انا عربيتى من ساعه ماجبتها و انا حاسس انها فى المطبات و عيون القطط بتعوم اكتر من اللازم..و سألت الناس اللى معاها لكن واضح ان المشكلة كانت اكبر و قد كان...روحت من كام يوم عملت ظبط زوايا عند واحد فى الحى السادس بس محترف فعلا..المهم من غير ماقوله لاقيته بيقولى العربية بتعوم منك فى المطبات مش كده قلتله تمام..قالى انت عندك العجلة اليمين ورا واخده خبطه و مرحلة 2سم بس الحمد لله الكاوتش متاكلش..المهم قلتله ايه الحل قالى لازم يتفك الدونجل(البار الخلفى المسؤل عن الاتزان) الخلفى و يتعمل على مكبس عشان نصلح اللوحة اللى في..ووصفلى واحد و قالى اوعى حد يقولك زراجين ...انسى..لازم مكبس ..المهم روحت لواحد هو ميكانيكى و عنده خراط جنبه عنده المكبس..يادب نزل تحت العربية قالى المكبس مش حيجيب اللوحة دى لازم الدونجل يتغير..اهلا وسهلا
سألت الجندى على الجديد قالى 700 لحلوح بدون الطنابير..سألت عليه فى الحرفيين قالولى مش موجود..و جارى البحث عليه..انا قلت احكى القصة دى عشان لو حد عنده نفس المشكلة ولاقالها حل غير ده او حد عنده خبرة يقولى الناس دى كده بتتكلم تمام و لا اى كلام.

**ahmed_su** · 12-03-2009 04:01 PM

الموضوع صح لحد كبير

وبعدين الخراط ده عنده ضمير انه قلك مش

هيفيد الاستعدال وهتبقى تكاليف على الفاضى

كان فيه موضع هنا احد الاعضاء فى عربيته السينا

الدنجل الخلفى تعرض لحادث وكان الحل بالاستعدال

وللاسف تم بالتسخين والطرق على الدنجل وبعد مابيمشى

شوية بيرجع تانى لان المعدن بيفقد خواصه ومابيرجعش

زى الاول وهو اتكلف على الفاضى مرتين استعدال بدون

جدوى والحل فى الاستبدال باخر جديد او استيراد

وكمان اسئل فى التوكيل لان الجندى بقى يستهبل

فى الاسعار سئلته على فانوس خلفى للسيراتو كان

اغلى من التوكيل و نادر لما عمل صيانة لعربيته

فى التوكيل لان اسعار قطع الغيار عند الجندى اغلى من التوكيل برضه

**NaderNabil** · 12-03-2009 04:09 PM

معلش ممكن طلب يا عمرو باشا..؟؟

لو تعرف تصورلنا الدنجل من تحت بالكامل...و يفضل لو هي مرفوعه
عشان بس الصورة تبقي أوضح

**amr_elrashidy** · 12-03-2009 05:06 PM

متشكر ياجماعه...انا فعلا يانادر حظى مش كويس فى العربية دى..بس الحمد لله انا لميت كل اللى فيها تقريبا و بقت تمام ماعدا المشكلة دى...ححاول اصورلكم الدونجل افندى ده لعل حد يفيدنى