السلام عليكم ,
حد يا جماعه يعرف شركة محترمه عندها نظام حضور وانصراف ببصمه الاصبع
انا لقيت كذا شركة على النت بس ياريت لو حد يعرف شركة موثوق فيها وفى الجهاز والبرنامج
عرض للطباعة
السلام عليكم ,
حد يا جماعه يعرف شركة محترمه عندها نظام حضور وانصراف ببصمه الاصبع
انا لقيت كذا شركة على النت بس ياريت لو حد يعرف شركة موثوق فيها وفى الجهاز والبرنامج
البنك عندنا لسه متعاقد مع شركه لتوريد الاجهزه ونظام تشغيلها بس هى شركة كبيره وبتعمل الشغل على حسب حجم الشركات لو تحب انا ممكن ابعتلك اسم الشركه والمهندس المختص وتليفونه وتوصيه كمان
ياريت ... هو احنا عندنا الدنيا صغيره مش هايعدى ال 50 واحد
شكرا ليك يا باشا
اسم الشركه (شركة مبتكرات الاتصالات)
وباقى البيانات هابعتهالك ع الخاص
شاكرين جدا يا باشا تم الاتصال
فى شركة اسمها كريستال اشتريت منها الجهاز دة من خمس سنين
هحاول اجيب نمرتهم و انزلها
مطبقينوا عندنا فى الشركة و بصراحة نظام غير عملى و اعطاله كتيير و بتتطلع صور و بصمات الناس لبعضها و بنقف نضحك كل يوم فى الحضور و الانصراف
ياريت التليفون بتاعهم .... بس ياترى الجهاز عامل ايه عندك باعتبار انه عندك بقاله خمس سنين
متهيألى ان ده يرجع حسب جوده الجهاز ونوعه اكيد اللى عندكوا نوعه مش اد كده .. ياريت لو تعرف تقولى نوعه ايه ... قصدى ماركته اللى مكتوبه عليه
والله حضرتك انا اشتغلت فى المجال ده فتره طويلة وفى النهاية ممكن اقولك انى اعرف شركة عندهم
الماكينة كويسة بنسبة 80% وديه نسبة معقولة
البرنامج كويس بنسبة 90 % ومفيش اى مقارنة بينة وبين اى برنامج موجود فى مصر والوطن العربى كله فعلا هو الاحسن على الاطلاق
خدمة عملاء زى الزفت والطين والقطران - صباح الخير عندهم بفلوس حتى لو فى الضمان / بيقولوا ان ضمانهم سنه لكن فعليا الضمان بيكون على الماكينة بس - اى حاجة خاصة بالسوفت ووير يحسبك على زياره من غير تفكير
لو مهتم ممكن ابعت لك عنوانهم وارقام تليفوناتهم