هو المنتدى ده اتقلب غم

**wesam_salom** · 12-03-2009 04:13 PM

مش عارف ليه حاسس انها غلبت بغم فى المنتدى الاجتماعى

هى ناقصه

ما الهم موجود فى كل حته

انا زهقت من الغم ده

فى البيت

فى الشغل

فى التليفزيون

فى الجرايد

حتى فى نايل موتورز

كفايه حرام

عاوزين نغير شويه

**Imhotep** · 12-03-2009 04:19 PM

انا رأيى ان التوازن مطلوب فى كل شئ..... يعنى صحيح حاجات كتير من الواقع اللى حوالينا محزنة و تسبب الاكتئاب و الاحباط و غيره من المشاعر السلبية، لكن هذا لا يمنع المشاركة فى المفيد و المريح للنفس و العقل حتى لو كان قصة طريفة او نكتة او موقف..... ماهو و لا هينفع انبساط و فرفشة على طول الخط ولا اكتئاب و احباط على طول الخط..... حبة فوق و حبة تحت C'est la vie

**أبو إياد** · 12-03-2009 04:19 PM

ممكن راى خامس
هو ان الواحد فى الاجتماعى ممكن يفضفض عن الواقع
ممكن يسرح بخياله بحياه افضل
ممكن يدخل يتسلى بالمسابقات
ممكن يزود معلوماته
ممكن يفيد غيره من معلوماته
يحل مشكلته او يقول رايه فى حل مشكله للاخرين
دايما نبص من نص الكوب الممتلىء
وشكرا ع الموضوع

**data_call** · 12-03-2009 04:32 PM

هو معاك حق عاوزين نخرج شوية من الهم والغم نضحك ونلعب ونغير المود الكئيب اللى حوالينا
بس كمان كلنا اصدقاء لو مفضفضناش مع بعض باللى مضايقنا تبقا ازاى صداقة
اللى مضايق يفضفض واحنا نهزر ونخرجه من المود

**wesam_salom** · 12-03-2009 04:45 PM

المشاركة الأصلية كتبت بواسطة data_call

هو معاك حق عاوزين نخرج شوية من الهم والغم نضحك ونلعب ونغير المود الكئيب اللى حوالينا
بس كمان كلنا اصدقاء لو مفضفضناش مع بعض باللى مضايقنا تبقا ازاى صداقة
اللى مضايق يفضفض واحنا نهزر ونخرجه من المود

ازاى نخرجه من الموود اللى احنا عايشين فيه

ده كل المواضيع بقت تجيب الهم

انا عن نفسى بدخل اشوف المواضيع علشان اسلى نفسى وانسى وابعد شويه عن اللى انا شايفه

الاقيكم نفس الوضع وكله رايح لسكه الاكتئاب