السيارات الكورى

**ahmed_soft89** · 07-05-2009 06:43 AM

المشاركة الأصلية كتبت بواسطة unounobebo

العربيات الكوري و غيرها كويسة كلة محتاج عناية بس الكوري محتاج عناية أكتر شوية من الياباني مثلا بس مش معني كدة إن الياباني لو إتبهدل هيستحمل .كل حاجة محتاجة عناية

انا معه حضرتك في الكلام ان العربية لازم الحفاظ عليها مهما كانت صناعتها لو كانت العربية مصنعه زي الدبابه لو محافظتش عليها ختستحمل كتير بس هتجلها فترخ وهتموت خلاص مش هتقوم
وانا بابايا مهندس ميكانيكا سيارات قالي ان الكوري في تقدم مستمر اوي والسيارات الكوري بالذات عاوزة محافظة وعنايه تامه
وانا قرايت في احد المجلات ان السيارات الكوري بالذات الهيونداي انها طورت من محراكتها زي الياباني تقريبا وعملت علي تطويل عمر المحرك

**M.Osman** · 07-05-2009 06:46 PM

المشاركة الأصلية كتبت بواسطة maka

ممكن يكون اليابانى اغلى علشان بياخد نجمة ازيد من الكورى فى اختبار التصادم

مين اللي قال الكلام الغريب دا ؟
اتفضل شوف بنفسك الـi30 واخدة 5 نجوم من اصل 5 :
http://www.euroncap.com/tests/hyundai_i30_2008/331.aspx

اوكتافيا A5 ( حاصلة على 4 )
http://www.euroncap.com/tests/skoda_..._2004/206.aspx

و عربية يــــــــــــــــــــــاب ـــــــــــــــــــــانــ ـــــــــــي .. اسمها هوندا سيفيك حاصلة على 4 برضه :
http://www.euroncap.com/tests/honda_civic_2007/307.aspx

(يا ريت حضرتك تفتح اللينكات يمكن اكون انا بألف )

**a7med_hitman** · 13-06-2009 12:26 AM

و زى مافى يبانى حلو فى وحش
و زى ما الكورى فية حلو فيه وحش

**sa3dawy** · 21-06-2009 04:41 AM

طب ياجماعة...

انا ملاحظ ان الكل شايف ان سعر الياريس غالى ومبالغ فيه ..على اساس انها فئة صغيرة و 1.3 سى سى..

طيب فورد نزلت الفييستا وهى نفس فئة الياريس..

ونزلت 1400 ب 117 الف جنيه...

طب دا معناه ايه....

هل الفورد برده بتغالى فى ثمنها ....

الهوندا سيتى ب 127 الف جنيه ودى 1500
الياريس 1500 خليجى بحوالى 118 الف

فين بقى ان الياريس غالية؟؟

انا معاكم ان الكورولا مبالغ فى سعرها..

لكن الياريس انا شايف ان سعرها معقول..

لان الفئة الساب كومباكت فى العالم كله بقت غالية ...واصبحت قريبة جدا من الفئة الى فوقها..الى هى الكومباكت..والفييستا خير مثال على ذلك....وايضا السيتى الجديدة

**sa3dawy** · 21-06-2009 04:51 AM

المشاركة الأصلية كتبت بواسطة mokhtar

الله ينور عليك يا استاذ توت بجد نفسى الناس هنا تخلص من عقده الخواجه دى
لسه بيتكلموا فى ان الكور ى كويس ولا وحش مع ان العالم كله بيركب الكورى وبيحترمه
يا جماعه والله الكورى اتغير كتير معدش الهيونداى البونى والاكسيل التسعينات دلوقتى فى حاجه اسمها هيونداى جينسيس الاسطوره اللى ابهرت العالم ونزلت منافس شرس جدا للمرسيدس واللكزس والاكيورا
الهيونداى دلوقتى فى امريكا الالنترا بتتفوق على الجميع وبدات تنافس الكامرى والاكورد المتربعين على عرش السيارات السيدان المتوسطه والصغيره من 20 سنه
فى الخليج دلوقتى الهيونداى عامه والالنترا والاكسنت خاصه علامه ذهبيه ادخلوا على اى منتدى خليجى واتكلم فى الالنترا والنيو اكسنت هتلاقيهم بيقولوا شعر بجد عربيات اعتماديه جدا ومش تقلش على اليابانى كتير هو فرق العلامه التجاريه اللى بيخلى اليابانى اغلى

وبعدين الكورى ده بيخلينى اركب عربيه محترمه باوبشن معقوله بسعر اقل من اليابانى بكتير يعنى دلوقتى اليابانى كله شريحه اسعاره قفزت فوق ال100000 ماعدا اللانسر البومه والياريس والصنى اللى لسه بياعبوا فوق ال90000
ليه اروح اجيب تويوتا ياريس 1.3 واسيب الاكسنت 1.6 والفرق بينهم فى السعر مش اقل من 18000 ليييييييييه...؟ مع الاحترام لملاك الياريس
الدايو اللانوس ماشاء الله عليها 10 سنين فى مصر وانتشرت زى الرز والله مالشوفت حد بيشتكى منها مر الشكوى واعرف ناس معاهم لانوس 2004 و2005 والله لحد دلوقتى بنزين وتغيير زيت واستعمال قمه القسوه ومابتعملش معاهم دقه نقص ابدا معنى كده ان كمان لو انت محافظ على العربيه وياسلام بقى لو بتعملها صيانه دوريه هتشيلك على دماغها

ياجماعه والله انا بعشق اليابانى بس لو اسعاره معتدله يعنى ماروحش اجيب كورولا ولا لانسر شارك ب145000 وعندى النترا وسيراتو ب100000 حرام الفرق ده انا اولى بيه

ياجماعه ...الكورى غيييييييييييييييييير

ياعزيزى ..النيو اكسنت دلوقتى بكام....ب 85 الف جنيه على حد علمى..
طيب الياريس الاوتوا اول فئة بكام...ب 97 الف جنيه..

طب فرق السعر دا ليه؟؟

اولا عشان الاكسنت مفيهاش فرامل مانعة للانغلاق ..ولا فيها اى بى اس...يعنى بتفتقد لتجهيزات اساسية....وصحيح مفيش ايرباجز كمان تخيل...

لكن فى حالة الياريس كل دا موجود...

يبقى يستاهل يبقى فى فرق 15 الف والا لا؟؟؟

يعنى بالعقل كده...الاكسنت الى بتنزل فى اوروبا وبيشكروا فيها بتبقى كاملة المواصفات...ولو نزلت هنا بالمواصفات دى اؤكدلك ان سعرها هيوصل ل 110 الف ...

نفس الموضوع بالنسبة للانترا....سعرها اوتوا فى منها ب 102
السعر لقطة ...بس وبعدين...مفيش برده اى بى اس ولا اى بى دى...ولا ايرباجز....طب امال فيها ايه...صاحب المعرض قالى احنا بنبيعلك صالون ياباشا.

المهم عرفت بعد كده ان الانترا الى فيها كل التجهيزات الى انا بسأل عنها موجودة...بس الراجل يومها مكنش يعرف...وعرفت ان سعرها 122 الف ...

بصوا يا جماعة انا اتفقت مع الاخ توت انى بحثت ودورت عن الاسعار بره...وقررت اقارن بين الكورى والياابانى ..

بس المشكلة لحد دلوقتى ان مش لاقى نفس الموديلات الى بتنزلنا مصر هنا..

بس اهو...مع مزيد من البحث هوصل اكيد

**M.Osman** · 22-06-2009 04:46 PM

متفق في حتة الأكسنت و الياريس دي..
انا كنت دايما بقارن الياريس بالأكسنت لكن فعلا الأكسنت بالنسبة للياريس فاضية اوي اوي .. ففرق السعر للياريس يغتبر مش كتير ( لكن هما الإتنين غاليين برضه )

**mishtawy** · 07-07-2009 11:06 AM

هو لما سعر السيتي ينزل من 127الف الى 115الف وسعر البلوبيرد ينزل من 159الف الى 140الف ده يبقى اسمه ايه
اظن متاجرة باسم اليابان ولما الكل يتجه الى صناعات اخرى جيدة ايضا لكن السعر اقل اظن ان الميزان سيعتدل قريبا جدا

**tarekabosdera** · 16-07-2009 04:26 AM

احب اوضح حاجة بالنسبة للسيارت الكورية :

لما نيجي نتكلم عن الكوري مينفعش نتكلم بشكل عام يعني لازم نقسمها اتنين

1- هيونداي 2- باقي الكوري (كيا - دايو)

شركة هيونداي اصبحت من اكبر الشركات العالمية المنافسة لاكبر الشركات اليابانية والالمانية. الكلام ده مش كلامي ده كلام تقرير j.d power العالمي حيث اخذت هوينداي المركز الرابع على شركات العالم لسنة 2009 وده ترتيب مذهل بمعنى الكلمة

شركة هوينداي في التقرير ده سبقت كتير من الشركات العملاقة زي مرسيدس وبي ام دبليو وتويوتا وهوندا.

ده يدل على مدى التقدم اللي وصلتله شركو هيونداي لدرجة انها لما نزلت الجنيسيس في السوق وابهرت العالم . شركة بي ام دبليو اخذت نسخة من السيارة عشان تشوف ايه التكتنولوجيا الجديدة اللي وصلتلها هيونداي.

دلوقتي اصبحت شركة هيونداي زيها زي اي شركة سيارات يابانية كبيرة .

عشان كده هيونداي هي قمة السيارات الكورية ولازم لما نقول كوري يكون في تفرقة بينها وين الباقي لان الفروقات شاسعة.

**faron525** · 16-07-2009 06:45 PM

السيارات الكورية مناسبة جدا لشريحة كبير من المصريين بسبب سعرها المعقول و قطع الغيار متناول الايدي وكذلك الصيانة

**Qamar** · 16-07-2009 07:04 PM

فيه حاجتين
أولا صاحبي معاه فيرنا (اقل الهيونداي) من اول ما نزلت يعني حوالي من 4 سنين. بيعاملها بقسوة وهي ما شاء الله مريحاه لدرجة انه لما كان بيشتري عربية لزوجته فكر فيها تاني.
ثا نيا: الياريس ما فيهاش abs غير في أعلى فئة فقط على حد علمي (المصدر كونتاكت كارز) و برضه 1300