الحمد لله على كل شئ أنا كاتب الموضوع ده هنا حبا منني بصراحه لبيجو و كمان عايز أقول (ارحموا عزيز قوم ذل) يا أصحاب المعارض المال للدنيا و العمل للآخره انت عايز تكسب اكسب في العربيه بس اتديني اللي أنا عايزه حراااااااااام عليكم بجد
رقم العضوية : 6734
تاريخ التسجيل : 02Mar2008
المشاركات : 32
الحالة :
نعم هذا هو شعارنا في سوق السيارات سوااء كانت زيروو أو كانت كسر زيرو أو كانت مستعمله من سنين
وهنا تبدأ القصه عنما يتم الفرد من ال 18 سنه و يجري يجيب واسطه عشان يطلع الرخصه و بعد كده يتعلم القياده لو مكنش متعلم و يشتري عربيه وهنا المشكله
أنا راجل لللأسف اتولدت بره و عشت بره ونزلت من 2 إعدادي أقعد هنا فللأسف خبرتي في السوق ضعيفه والدي يعمل بالخارج وأهل والدي بعاد عشان الوالد بعيد و أهل الأم برده مسافرين فمفيش حد جنبنا
انا من عشقي و حبي للبيجو مفكرتش أجيب أي عربيه أبتدي بيها و قلت أجيب 307 2007 كسر زيرو قعدت أدور وفي الآخر لقيت واحده نزلت شفتها مع والدي(كان ساعتها في مصر) أخدتها التوكيل كشفت عليها وطلعت مغيره الربع الأواني كله ما شاء الله والدي بعد ما عرف كده حسيت انه قفل من العربيات كلها أصل العربيه كانت شكلها فابريكه 100\100
المهم والدي بعد ما فقد الأمل من سيارات مصر مش عشان ال 307 بس عشان عربيات كتير شافها من هوندا لتويوتا لكل حاجه
في الآخر والدي سابلي بتاع 50 ألف و قاللي هات أي عربيه و خلاص قلت خلاص أنزل أجيب اي يوزد بس حاجه نضيفه نزلت الحمد لله لقيت اليوزد بس ملقيتش النضيفه و الكارثه إن الناس بتغلي في تمن اللي مش نضيفه عشان الناس تفتكر انها نضيفه يعني ممكن تدفع فلوس كتير في حاجه مش نضيفه عد سنتين و الحمد لله و في ظل انخفاض الزيرو قلت مبدهاش بقى انت يا واد تنزل تجيب فيرنااا زيرووو لوووووووووز
قلت لوادتي معلش زويديلي الفلوس و أنزل اشتري فيرناا زيرووو قالتلي بييس و أخدت بتاع 70 ألف بس الحلو مبيكملش سألت الحبايب من الأصدقاء أروح لمين أجيب منه زيرو فيرنا نااس كتير قالوا التوكيل هيعسفك في التسليم و بيني و بينكم أنا والدتي كانت هتعمل عمليه فكنت بفكر أدفع 50 ألف و أقسط لحد متخرج من العمليه بالسلامه وبعد كده أدفع باقي الفلوس
نصحوني ولاد الحلال بالمعارض وقالولي فكك من غبوور قلت خلاص رحت لمين يا سيدي
رحت المصريه للسيارات
حاجه تفرح والله الناس ذووووق فووق الوصف حاجه ما شاء الله فلتله أنا معايا 50 و هقسط و بتاع قاللي تحت أمرك يا فندم و حسسنس انني ملك والله
طب عندك كل الألواان أكيد يا فندم إزاي دحنا معرض كبيير المهم عملوا الإستعلامات و مضينا الأبليكيشان و كلمني الراجل النهارده و قاللي تعالي يا باشا استلم قلتله أجي امتى قاللي تعالي 8 بليل كمان ساعه من دلوقتي كان قصده يعني بس معلش العربيه الفضي اللي حضرتك طالبها مخدوشه
قلتله نعم ؟؟؟ قاللي خربوش صغير قلتله معلش حضرتك شوفلي غيرها قاللي كل الفضي مخدوش خد لون تاني مهو بمذاااج سعادته أصله
المهم أنا دلوقتي أنا طبعا فقدت الأمل بعد سنتين انتظار في موضوع السياره ده وبصراحه أي صاحب معرض في نظري حرامي بس تفرق من معرض كبير(حرامي كبير) لمعرض صغير(حرامي صغير)
وفي النهايه بحمد ربنا انني مصري مش عارف كنت هشوف ناس زي ديه فين و معلش للتجريح
وحسبي الله و نعم الوكيل
رقم العضوية : 6734
تاريخ التسجيل : 02Mar2008
المشاركات : 32
الحالة :
الحمد لله على كل شئ أنا كاتب الموضوع ده هنا حبا منني بصراحه لبيجو و كمان عايز أقول (ارحموا عزيز قوم ذل) يا أصحاب المعارض المال للدنيا و العمل للآخره انت عايز تكسب اكسب في العربيه بس اتديني اللي أنا عايزه حراااااااااام عليكم بجد
رقم العضوية : 6734
تاريخ التسجيل : 02Mar2008
المشاركات : 32
الحالة :
أأه نسيت أقول حاجه و انا بكلم الراجل قاللي انا على فكره كان ممكن أرشهاا و مكنتش هتعرف حاجه حضرتك يعني أي حد بعد كده بيشتري من معرض يكشف على العربيه الأول
و ايييييييه الدنيا بقت غابه يا صاحبي
رقم العضوية : 15062
تاريخ التسجيل : 24Jul2008
المشاركات : 229
النوع : ذكر
الاقامة : القاهره
السيارة: Proton Saga 2010 auto
السيارة[2]: بيجو 305
دراجة بخارية: No
الحالة :
لا حول ولا قو الا بالله
ازاي يسلمك عربيه جديده زيرو و تبقي مخدوشه كمان !!
انت دافع فلوس ، و زم تستلم عربيتك علي الزير ، مش هيبقشش هو عليك
طيب و دلوقتي هتعمل ايه معاهم ؟؟
اللي سمعته والله أعلم عن معرض المصرية ان تعاملهم مش كويس
هذا والله أعلم ،
رقم العضوية : 6734
تاريخ التسجيل : 02Mar2008
المشاركات : 32
الحالة :
حتى والدتي والله مش عارفه هي مضت على ايه يعني مش عارف اقدر انسحب ولا لأ من البيعه ديه وللأسف الطيب في البلد ديه هو الوحيد اللي لازم يتحمل غلطه انا معرفش والله زي ما تيجي بس أنا لسه مدفعتش مليم الحمدلله بس البنك عمل الإستعلام و خلاص خلص
رقم العضوية : 15062
تاريخ التسجيل : 24Jul2008
المشاركات : 229
النوع : ذكر
الاقامة : القاهره
السيارة: Proton Saga 2010 auto
السيارة[2]: بيجو 305
دراجة بخارية: No
الحالة :
اممممم طيب هو انت المفروض هتقسط ال 20 ألف الباقيين علي قد ايه ؟
رقم العضوية : 6734
تاريخ التسجيل : 02Mar2008
المشاركات : 32
الحالة :
سنه بالكتير سنتين
المصريه كان كاتب في الجرنان التقسيط بدون فوائد رحت لقيت فايده 10% يعني في السنتين هدفع 5700 الف زياده في السنتين
رقم العضوية : 17151
تاريخ التسجيل : 25Aug2008
المشاركات : 120
الحالة :
سؤال جانبي بس .. حضرتك كنت عايش فين قبل مصر ؟ :)
راي اخر : ممكن حضرتك تستورد عربيه زيرو من الخارج تكون اقل من 1600 سيسي (اعتقد ده كفايه) ..و بالنسبه للجمارك تدفع جزء و تقسط الباقي (اسال في النقطه دي حضرتك الاول ) و بكده تكون حضرتك راكب عربيه زيرو مستورده من الخارج كمالياتها اعلي من المصري و في نفس الوقت تقسط الجمارك (علي حد علمي انه ممكن يتقسط)
الظلم له اخر ..
الرجاله مماتتش ..
رقم العضوية : 6734
تاريخ التسجيل : 02Mar2008
المشاركات : 32
الحالة :
وانت فكرك مفكرتش في ده ههههههههههههه
يا عم عن تجربه العربيه بتنزل الميناء في السويس بتتسرق بتجيبها من بره كامله بتيجي هنا هاف أوبشنز و من غير كاسيت و طاسات
بس الحمد لله بيسيبوا الدريكسيون و الداواسات و البيبان و كده يعني
رقم العضوية : 6734
تاريخ التسجيل : 02Mar2008
المشاركات : 32
الحالة :
أنا اتولدت و عشت في الإمارات ووالدي هناك من بتاع 30 سنه ويمكن أكتر رغم انهم هناك بيمشوا الناس بسبب الأزمه العالميه والدي مش عايز يسيبها و بيقاوح عشان مينزلش
المفضلات