الحقوني يا جماعه العربيه طلعت دخنه وانا راجع النهرده الصبح

**aymoonoo** · 12-03-2009 08:40 PM

انا يا جماعه مكنتش مالي الرادياتير بقالي 15 يوم والنهرده وانا راجع من اكتوبر العربيه كانت بطلع دخنه خفيفه :K_crying[1]: كان في نقل قدامي الي كانو فيها شاورولي ووقفت فتحت الكبوت لقيت الرادياتير بيطلع دخنه بالزبط لما تكون فيه ميه سخنه واطلعها الصبح فالبرد يعني زي الميه الي متبخره المهم رحت عاقرب حته وعبيت ميه كنت ماشي على 60 وزي منا كنت فاكر انه انتو قلتو يا جماعه العربيه لازم تتملي وهيا دايره او لما تكون بارده والواحد مش لازم يبطل العربيه ويملى عشان متجبش وش سلندر مليت الميه الردياتير طلع هوا سخن ووالميه الي كنت بحطها كانت بتغلي وبعدين مش عارف انا مليتو بس ايه ممكن الي يحصل او ايه الي ممكن حصل ولا هيا عدت المرادي على خير؟انا سؤال ايه ممكن حصل للعربيه عشان انا كنت بسوقها وهيا ناشفه ومفيهاش ميه؟وحاجه تانيه انا لولا شفت الدخان مكنتش عرفت انها سخنت والمؤشر عندي كان فالنص هوا مش المفروض كان طلع عالHIGH ولا ليه ايه المشكله؟ممكن ميكنش مزبوط وازاي ازبطو لو مش مزبوط!!

**Maged_Samy** · 12-03-2009 08:50 PM

ممكن اللى حصل ده يأثر على عمر جوان وش السلندر ولا حصل كده هتلاقى الزيت لونه اتحول وبقى عامل ذى الطحينة وكده يبقى جوان وش السلندر ضرب ، ده غير ان السخونة ليها تأثير سلبى على اجزاء المحرك الداخلية مثل البساتم والصبابات ، بس إن شاء الله يكون ربنا ستر المرة دى بس اكشف على الزيت دلوقتى وقولى لونه عادى ولا ايه ، وبالنسبة لمؤشر الحرارة انت اكتر واحد تقدر تتابعة هو شغال ولا لا وياريت تقول ماركة عربيتك وهل مؤشر الحرارة فيه ارقام ولا لا

**tmedhat** · 12-03-2009 09:38 PM

خد
بالك
يا ما مواتير باظت بسبب نقص المية
دايما بص على المية
المؤشر كان فى النص عشان مفيش مية اساسا فى الرادياتير
هو بيقيس درجة حرارة المية

**aymoonoo** · 12-03-2009 11:07 PM

العربيه سويفت 93 ومش عارف هوا الواحد يعرف ازاي انها جابت وش ولا لأ؟؟! اصلو انا روحت فيها من اكتوبر وعادي ماشي 100 وكانت ممكن تزيد عكس امبارح امبارح وقبل كده العربيه كانت تعبانه ويدوب بتجيب الميه انا لاحظت الفرق من امبارح والنهرده بس هيا بيتهيألي الي كان طاله هوا تبخر الميه الي كانت فاضله فالرادياتير بس بانت عشان الجو كان زقعه الصبح الساعه 8 انا هشوف الزيت انشالله بكره وهقلكو هوا لازم يكون لونو غريب ازاي؟يعني لو كان الون عامل زي الطحينه ابيض كده هيكون الوش اللع يعوض عليه فيه بس لو عاادي يبقا عدت على خير؟!!والمؤشر مفيهوش ارقام عادي من غير ارقام

**SAMEH_FOUAD** · 14-03-2009 02:54 PM

ياباشا خلى بالك بعد كدة واكشف على ترموستات الحرارة عشان دية مهمة جدا لانها هاتعرفك اذا كان الماتور عايز مية ولا لأ وبردة اكشف على المروحة شوفها بتشتغل ولا لأ لانها لو مابتشغلش هتلاقى المية خلصت من الريداتير على طول وكمان المية مابتنقصش قوى كدة الا لما يكون فية تسريب فاتاكد كويس يمكن يكون الردياتير مخروم او الطرمبة مش شغالة كويس فبتخلى المية تتبخر بسرعة لو لقيت المروحة شغالة اتاكد من دة وان شاء الله خير وتكون حاجة بسيطة جدا

**memobeeh** · 14-03-2009 10:30 PM

**FIATBloodline** · 15-03-2009 03:51 AM

احب بس اقول حاجه....شوف لو لقيت الزيت بقي خفيف مش لزج تعرف ان الميه بتاعة دورة التبريد سرحت (الجوان باظ)..عشان ممكن تقولاه الزيت كويس بس خفيف شويه- و راقب هل استهلاك المياه زاد بمعني بدل م كنت بتزود كل 10 ايم بقيت تزود كل سبعه...هل العربيه بقت تقطع زي ما يكون في بوجيه قاطع ..عشان كل ده حوارات الجوان بتاع الوش...و لمل تيجي تشتريه ..دور علي الماركه النضيفه عشان الجوانات بتفرق في السمك والخامات بين الاصلي و التقليد

**powerofhelll** · 15-03-2009 03:56 AM

بسيطه هتجيب وش سلندر بس

**Drift_Lover** · 15-03-2009 03:57 AM

ياباشا خلى بالك بعد كدة واكشف على ترموستات الحرارة عشان دية مهمة جدا لانها هاتعرفك اذا كان الماتور عايز مية ولا لأ وبردة اكشف على المروحة شوفها بتشتغل ولا لأ لانها لو مابتشغلش هتلاقى المية خلصت من الريداتير على طول وكمان المية مابتنقصش قوى كدة الا لما يكون فية تسريب فاتاكد كويس يمكن يكون الردياتير مخروم او الطرمبة مش شغالة كويس فبتخلى المية تتبخر بسرعة لو لقيت المروحة شغالة اتاكد من دة وان شاء الله خير وتكون حاجة بسيطة جدا

+1111111111111111111111111

الموضوع: الحقوني يا جماعه العربيه طلعت دخنه وانا راجع النهرده الصبح

LinkBack

أدوات الموضوع

عرض

-

-

-

-

-

المواضيع المتشابهه

الحقوني ال e12 طلعت عينني

يا جماعه الحقوني بسرعه .......!! سقف العربيه

دية بلدى وانا راجع راجع

الحقوني يا جدعان النهرده حصل حاجه مش حلوه خالص

وانا جاى النهارده الصبح العربيه طلعت عينى

الكلمات الدلالية لهذا الموضوع

المفضلات

المفضلات

ضوابط المشاركة