الموضوع: (بناء على طلب الجماهير) اسعار قطع غيار الرومستر فى التوكيل

ندخل فى الموضوع على طول ...
انا كلمت المهندس الى شغال فى توكيل سكودا فرع اسكندريه (نور الدين شريف)...
المهم انا فهمته انى معايا رومستر و مخبوطه خبطه كبيره و عايز اصلحها عندهم
و عملت كده ليييه ؟؟
لانى بلو قلتله انا عايز اعرف اخبرا قطع الغيار و متوفره ولا لا هيقولى اه موجوده و ممكن يشتغلنى انما لو انا هروح اصلح ميقدرش يكدب ..

الهم انا قلتله انى عايز الاتى :
1-فانوس ادام يمين(الى فيه عدسه بتاع الكامله)
2-فانوس ورا شمال
3-اكصدام ادام(من الى فيه بخاخات بتاع الكامله)
4-فوج يمين
5-رفرف يمين
6-شبكه
7-قلتله عايز اغير التيل لانه اتاكل ...


المهم قالى خمس دقايق و كلمنى و اقولك ....

و بالفعل خمس دقايق و كلمته
و قالى الاتى:
1-فانوس ادام يمين 960
2-فانوس ورا 430
3-اكصدام 1250
4-فوج 465
5-رفرف 1100
6-شبكه 620
7-تيل قالى منه انواع كتير بس الى فيها بيكون فى حدود 400 جندى ........

و قالى ان قطع الغيار دى غالبيتها عنده و الباقى هيجيبه من القاهر (ارتوك اوتو ) ...
يعنى انا هسلم العربيه فى اسكندريه و هم هيبعتو يجيبو الى ناقصهم من القاهره ....
و كل حاجه من الى انا سألت عليها موجوده فى القاهره .....


اظن ان كده قطع الغيار موجوده و متوفره فى الوكيل و كمان مش غاليه و خصوصا لو قارنتها بانها معمرمه جدا جدا ....


يا رب اكون افدتكو