الموضوع: لماذا يضع بعضنا اسماء مستعارة

بص يا أستاذ نبيل أنا معاك وضدك في نفس الوقت بمعنى :-

هو فعلا لايمكن إجبار أي شخص على تسجيل اسمه الحقيقي وحتى هو لو عمل كده هتعرف منين إنه الحقيقي ؟؟ ما هو ممكن يكون اسمه أحمد وكتب عمر فاهمني طبعا .

لكن أنا ليا اعتراض شخصي على الاسماء اللي زي الأخ زعبلة ال .... طبعا إنت فاهم الباقي وهو فاهم لأن مش من المفروض إني أكتب اسم يكون مثار سخرية من الآخرين وده الطبيعي ماهو مش هتكتب زعبلة وعايز الناس تكلمك كويس لكن فيه اسماء افتراضية تانية مقبولة وأذكر منها شاركي مثلا و نيل هارت و ووووو إلخ وهي أسماء لها معنى على الأقل ، لكن من يرغب في تسجيل اسمه الحقيقي فليتفضل ومن لا يرغب فهو حر ولكن بشرط ألا يتحفنا يأسماء ما أنزل الله بها من سلطان .

وبعدين الشخص اللي بيدخل باسم غريب زيادة عن اللزوم بيكون شخص ولامؤاخذة عنده حب إثارة لفت الانتباه ليه طبعا مقهوم وهو شخص يحب أن يثار حوله الجدل ليظل محو للحوار ممن حوله ، يعني عندك الأخ زعبلة مثلا قال إنه يعمل في جهة أمنية حساسة ولا يمكن أن يذكر اسم عائلته لأنها أكبر من أن تذكر في منتدى افتراضي طيب ليه كام سؤال :-
بما إن حضرتك تعمل في جهة أمنية حساسة خايف من إيه ؟
وإزاي جهة أمنية يعني المفروض إنك حاجة كبيرة يعني يبقى يا راجل اسمك زعبلة ؟
كان الاستاذ حسام حسن بعت صورة في موضوع تاني وطلب منك الرد عليه لو تعرف صاحبها حضرتك هربت من الموضوع اللي هناك ومردتش ليه .

أستاذي الفاضل نبيل لا تغضب فاللي يعيش ياما يشوف زعبولات كثير .

بما إن حضرتك تعمل في جهة أمنية حساسة خايف من إيه ؟

انا مقلتش انني شغال في جهة امنية.؟؟
انا قلت:( و انا للأسف اسم عائلتي اكبر بكثير من ان انشره في عالم افتراضي مثل الانترنت و عملي في منتهى الحساسية و لا يمكن ان يكون علنيا لأسباب امنية و ارجو تقدير ذلك مشكورا)
مش معنى ذلك انني شغال في جهة امنية و لكن التحليل الذكي من الاعضاء هوه اللي قال كده

كان الاستاذ حسام حسن بعت صورة في موضوع تاني وطلب منك الرد عليه لو تعرف صاحبها حضرتك هربت من الموضوع اللي هناك ومردتش ليه .

للأسف ملحقتش الصورة الظريفة اللي بعتها الاخ المذكور..حد شالها قبل ما اشوفها..انا مش قايم نايم على نايل موتورز وللا قاطع هنا وللا حياتي هنا طول اليوم و منين حضرتك افترضت اني هربت؟؟ مش عيب كده؟؟

وبعدين الشخص اللي بيدخل باسم غريب زيادة عن اللزوم بيكون شخص ولامؤاخذة عنده حب إثارة لفت الانتباه ليه طبعا مقهوم وهو شخص يحب أن يثار حوله الجدل ليظل محو للحوار ممن حوله

جدل ايه و بتاع ايه يا استاذ اسلام؟؟ هوة انا طالع في التليفيزيون؟؟ ده (مع كامل احترامي) سايت متواضع عدد مشاركاته والاقبال عليه متواضعين اكتر من بعض...و مش معنى كده انني مش بحبه لا ابدا....لكن القصد انه مش بالأهمية اللي انتوا متخيلينها دي خالص ده حتى اكبر عدد من المستخدمن تواجدوا في نفس الوقت كانوا 65 في الاحد 9 سبتمبر 2007 15:21
و عدد المشتركين لا يتعدى 2200
يعني لا في مجال ولا مكان لأثارة الجدل اصلا...و السايت لا يتعدي قعدة ظريفة بنتبادل فيها خبرات متواضعة و نحاول نحل مشاكل بعض و خلاص...

اترك الامر للاشراف