استفسار بخصوص البوجيهات

**semsem_uno** · 13-03-2009 12:05 PM

انا كان ليا سؤل بخصوص البوجيهات
عندنا اكسيل موديل 1997 و لسه خارجة من العمرة و متلينة
هي 1500سي سي وكنت عايز اركب بوجيهات Ngk اليابانية ال3 شمعة
هي ب75 جنيه في محطة البنزين بس اعرف منين المغشوشة من الأصلية و هل هتضر الموتور او تنقر في البساتم ولا لأ و ياريت الرد في وقت قريب و شكرااااااااااااااااااا

**samirayad** · 13-03-2009 01:23 PM

_ البوجيهات بتكون أنت وحظك.....ولازم تختار مكان كويس تشترى منه.....وبرضه تطمن أنها مغلفه كويس (وتعملها فحص كده بالنظر ...ولو شكيت فى أى حاجه فيها مش طبيعيه ماتشتريهاش ).............................ومن ناحية ضررها للموتور (هى حتخللى الحريق معاك مش كويس والمكنه تنتش مثلا والسرعه مش حتكون مستقره وممكن تبقى المكنه متلته والسحب مش كويس وأستهلاك البنزين يزيد.....دا لو البوجيهات وحشه )ومش حتنقر معاك بساتم ولاحاجه زى مابتقول (وكده كده حترغمك على تغييرها لو لاقدر الله كانت مش كويسه )

**semsem_uno** · 13-03-2009 04:09 PM

شكراااا اوي يا باشا
بس لو الأصلية هل هتبقي فعلا كويسة و هتفرق معايا؟

**samirayad** · 13-03-2009 04:15 PM

_ بدون شك...............

**anwarnono** · 13-03-2009 04:26 PM

سمسم طيب أحسن ماتجيب بوجيهات splitfire انا صراحة لسه ماجربتهاش بس ان شاء الله هاجبها الاسبوع ده هى امريكى وبتكون من 100 الى 150 بس بيقولوا بتفرق جامد ولو كمان جبت السلوك بتاعتها هيكون احسن بكتير فى الاداء.(وانا كنت طارح موضوع على ngk وقالولى ان النوع التانى احسن بكتير) ولا انا ايه رايك يابشمهندس سمير.

**samirayad** · 13-03-2009 04:51 PM

ولا انا ايه رايك يابشمهندس سمير

الصراحه أنا مقنع جدا بالنوع الngk اليابانى طبعا......وبرضه كنت مجرب ال Bosch قبل كده فى عربيه أوبل وكان ممتاز (ودايما بفضل البوجيه الشمعه الواحده )....................دا رأيى

**semsem_uno** · 13-03-2009 08:43 PM

والله يا انور باشا انا اسمع كتير عن السبليت فاير و شكرا عالنصيحة و هي فعلا جامد اوي بس انا عايز حاجة سعرها في المعقول يعني

و شكرا يا استاز سمير علي سرعة رد حضرتك
و شكرا للأهتمام ايها الأعضاء الكرام

**anwarnono** · 15-03-2009 03:50 AM

أنا طبعا ما اقدرش اتكلم بعد البشمهندس.
وياريت تقولى احسن نوع فى Ngk بمعنى اسمها ايه(ارديوم) ( R) صح هيه دية ولا حاجه تانيه.
والشمعه واحدة احسن من الثلاثة ليه ياهندسه؟

**Drift_Lover** · 15-03-2009 03:59 AM

والشمعه واحدة احسن من الثلاثة ليه ياهندسه؟

انا كمان عاوز اعرف الافضلية بعد اذن المهندس سمير.

**samirayad** · 15-03-2009 07:30 AM

أصل البوجيهات دى فعلا حظوظ والله (ممكن تكون لسه شارى بوجيهات جديده وترميها تانى علشان مرطبه )...........علشان كده بالنسبه ليا شخصيا (فى البوجيهات بحب أشترى يا Ngk و البوش ).......علشان تمنهم أقل من الأيريديم ........علشان لوطلعوا أى كلام تبقى خســـــــــــــاره بسيطه..................دى وجهة نظرى فى الحته دى.........ودايما فى البوجيهات (ماتشتريش من المناطق الساحليه ...وخليك فى المحافظات المتوسطه (وسط الدلتا مثلا ككلام عام ) فى بلدنا المحروسه )