بلد المنشأ لموديلات الفيات!!!

**MohabSaeed** · 13-03-2009 03:38 PM

المشاركة الأصلية كتبت بواسطة Demirell

اللي أنا أعرفه إن البونتو كلاسيك إيطالي والـ 500 بولندي!

إنما الباقي زي ما أنت قلت يا abou_ruqi

لا فعلا ال500 بولندى و ده نفس المصنع الى بينتج الفورد كا الجديده " فيات بتصنعها لحساب فورد على شاسيه ال500 " + فيات باندا و فيات 600 .
, المصنع ده وصل للطاقه الانتاجيه القصوى بسبب الطلب الكبير على ال500 و الباندا .
ال500 استفادت من رخص الايدى العامله فى بولندا و فى نفس الوقت فيات اهتمت جدا بالتفاصيل الداخليه و جوده الخامات .
فطلعت بالشكل المبهر ده .

**MohabSaeed** · 13-03-2009 03:40 PM

المشاركة الأصلية كتبت بواسطة AmAAmAs

ال 500 مش ايطالى فعلا
طب البرافو اخر كلام اية ؟

ايطالى حتى النُخاع " قصدى الى اصغر مسمار " .
و الكلام مؤكد مليار % .

**abou_ruqi** · 13-03-2009 05:43 PM

المشاركة الأصلية كتبت بواسطة AmAAmAs

ال 500 مش ايطالى فعلا
طب البرافو اخر كلام اية ؟

ايطالي مافيش خلاف عليها دي

**د.محمد** · 18-03-2009 09:14 PM

شكرا علي الاهتمام والمشاركة

**roky** · 19-03-2009 12:25 PM

المشاركة الأصلية كتبت بواسطة MohabSaeed

فيات ليها مصانع خارج ايطاليا فى :-
- بولندا
- اشترت مصنع زستافا " بالكامل " فى يوجوسلافيا بس لسه ماطلعش منه انتاج و تم التأجيل لفتره " نظرا للركود العالمى "
- الارجنتين
- البرازيل " فيات فى البرازيل مستحوزه على 30 % من سوق السيارات "
- الهند بالاشتراك مع تاتا
- تركيا بالاشتراك مع توفاش
و انهت الشراكه الصينيه .

و بعد التحالف مع كرايزلر , حتبقى مصانع كرايزلر تحت تصرفهم .و حيجمعو موديلات الفاروميو للسوق الامريكيه بالاضافه للسيارات الصغيره " جراند بونتو , 500 , الفا - مي تو " .

الكلام ده خطير ...
و بيزيد أحترمي و تقديري لفيات يوم عن يوم

**MohabSaeed** · 19-03-2009 03:44 PM

المشاركة الأصلية كتبت بواسطة roky

الكلام ده خطير ...
و بيزيد أحترمي و تقديري لفيات يوم عن يوم

مستقبل فيات فى الفتره الجايه مشرق بالرغم من الازمه العالميه الطاحنه , لان فيات متميزه فى السيارات الصغيرو تعتبر افضل شركه فى العالم لانتاج السيارات الصغيره " وده الى محتاجه السوق دلوقتى "+ ان المستهلكين الامريكان منتظرين وصول ماركه الفاروميو بفارغ الصبر لانهم زهقو من عربياتهم المستهلكه للبنزين .. اقدر اقول ان زمن الفيات بتاع زمان حيرجع تانى و يمكن اقوى بكتير .
"" ممكن نقارن الفتره ديه بفتره السبعينيات و ازمة البترول الى فيات تسيدت فيها مبيعات السيارات فى العالم لانها كانت اقتصاديه و اعتماديه جدا فى وقتها "".

* فيات دلوقتى طورت تكنولوجيا جديده فى المحركات اسمها " مالتى اير " "MultiAir " و ديه حتكتسح تقنيات ال VVTI , v-tec , Valvetronic .الى بتسمع بتعديل فتح و غلق صمامات دخول الهواء ..لانها بتعتمد على الاجزاء ميكانيكيه " عامود الكامه " و بالمقارنه بالمالتى اير تعتبر تكنولوجيا قديمه "

المالتى اير "MultiAir " بتهتمد على تغير فتح و غلق صمامات دخول الهواء بشكل هيدروليكى " بدون كامه " و ده بيسمح بتغير وضع فتح و قفل الصمامات بشكل اكثر انسيابيه + انه قلل من الاجزاء الميكانيكيه فى الموتور و بالتالى زود قدره خرج المحرك 10 % و عزم الدوران 15 % و توفير فى استهلاك الوقود 10 % .
تكنولوجيا متطوره جدا مافيش شركه فى العالم قدرت توصلها او تنفزها فعليا . فيات بتراهن بيها الجميع .