إيه رأيك؟ حلو ولا وحش؟

**umoussa** · 13-03-2009 05:50 PM

الموضوع ده لأصدقائي وإخواني الفولوكساوية الجامدين

إيه رأيكم في الصورة دي، لأني بفكر اتوكل على الله واجيب الصدر ده؟

حالياً:

فيما بعد إن شاء الله:

منتظر الردود بمنتهى الحيادية بدون أي مجاملات

**ahit** · 13-03-2009 08:03 PM

الجديد شكله تحفة و قريب من شكل الجيتا الجديدة
و كمان راسم شكل البولو جداً

**mohamed_hamdi** · 13-03-2009 09:08 PM

بصراحة الشكل المتوقع حلو جدا على البولو و رياضي خالص و ان كنت اتوقع أن الفوانيس الأمامية لازم تبقى بعدسات و زينون زي الشكل الحالي و بعدين انت كده هتنافسنا في شكل الجيتا و لا ايه.
ربنا يبارك لك في جميع الأحوال و انت راجل محترم و لا تتأخر عن اي عضو في المنتدى بصراحة تامة.
محمد حمدي

**M.Mostafa80** · 14-03-2009 02:23 AM

ماشاء الله تحفه بجد أنا مكنتش عارف أتخيل شكلو وأنت بتتكلم معايا بس بجد بجد ماشاء الله هيغير شكل العربيه تماما أتكل على الله

**umoussa** · 14-03-2009 02:29 AM

أنا أكيد حستعمل الفوانيس بتاعتي مش معقول يعني أرمي فوانيس وكنترولات تمنها أكتر من 10000 جنيه واخلي العربية من غير زينزن... والله ما قصدي تريقة

بس أنا حاسس فعلاً إن شكله جامد وحيعمل فرق شديد في العربية

**snakeson2** · 14-03-2009 05:01 AM

طب منخليهم اتنين!!انا معاك الشكل تحفة !

**umoussa** · 14-03-2009 05:04 AM

أنا برضو بقول كده

لو لقيت حد يشجعني حدوس مستني بقية الزملاء

**elshrpeny** · 14-03-2009 09:16 AM

لاء بصراحه الشكل جميل جدا والله

بس ليه استفسار بعد اذنك يا اسامه هو دا مش اكصدام حته واحده بيركب بدل العادى يعنى مجرد فك القديم وتركيب الجديد ولا بيبقى أكصدام جزئين مثلاً

والحاجه التانيه لو فرضاً حد حب يجيبه يبقى منين وهل هو موجود فى مصر ولا لاء اساسا ولو موجود هيبقى بكام ؟

وفى سؤال كنت عايز اساله بمناسبة الاكصدام الامامى هل ينفع يركب للبولو ال 2001 صداده حديد ادام زى كدا بتاعة الهيونداى ماتريكس ولا مفيش حاجه تنفعلها ولا لو فى حاجه تنفعلها هيبقى منظرها وحش ؟

لان بصراحه انا حصلى موقف فى الاكصدام الامامى دا عقدتنى وهو انى طلعت على مطب غبى عالى بس هو ميعتبرش مطب بصراحه هو ممكن تقول عليه جبل صغير لانه كان من طوب ومتغطى بالرمل ومن ساعتها و انا عايز احمى الاكصدام فجتلى الفكره دى فأيه رأيك يا أسامه ؟

ودا على ما يبقى الواحد يجيبله واحده ( جيب شيروكى ) عشان الواحد يدوس وميهموش