ممكن اعرف العمر الافتراضى للكاوتش التيوبلس
والعمر الافتراضى للبطارية السيلة؟
مع الشكر
نقل للورشة بمعرفتى
مشرف المنتدى العام
عرض للطباعة
ممكن اعرف العمر الافتراضى للكاوتش التيوبلس
والعمر الافتراضى للبطارية السيلة؟
مع الشكر
نقل للورشة بمعرفتى
مشرف المنتدى العام
الكاوتش بيتغير كل 50-60 الف كم حسب نوعه...
البطاريه السايله اعتقد انها بتقعد سنتين او اكتر والله اعلم...
على حسب معلوماتى الكاوتش 40 الف أو 3 سنوات
البطارية السائلة من سنة و نصف إلى سنتين
انا لما سألت المهندس نجاد عن موضوع العمر الافتراضي للكاوتش كانت اجابته ان مفيش عدد كيلومترات معين... و دي حاجه حسب الاستخدام. الفيصل هوه حاله الكاوتش. ميكونش ظهرت فيه شقوق... و الرسمه سمكها ميقلش عن 1.6 مم "ودي كمان ليها مؤشر زي مربع داخل النقشه"
انا سألت كذا واحد بتاع كاوتش و قالولى مفيش عد كم معين ...
المهم حالة الكاوتش ايه ؟؟
البطاريه معرفش بصراحه لان بطاريتى جافه
بص ياباشا خليك فى المضمون غيرة كل 50 الف او 60
البطرية السيلة من سنة ل3 سنين وانت ونصيبك
انا هقولك وجهه نظرى
البطاريه عمرها سنه (السائله)
لو زادت عن كده انت الكسبان بس مش هتزيد كتير رغم ان زمان كانت البطاريه بتعيش سنين
الكاوتش بيبان عليه انتهاء عمره الافتراضى
بيبداء يشقق او يتعوج او كل يومين يتخرم بس مقياس له مفيش
لانهم بيعملوا له عمر افتراضى بس عمر ما حد فيهم مشى فى شوارع المحروسه
+1000000000000اقتباس:
المشاركة الأصلية كتبت بواسطة mobitek
الكوتش المهم والأهم ان الواحد ميستهترش بالحكاية ديه ابدا
لو الكوتش مش ممسوح من الفرك و التخميس و الكلام ده يبقي 40 الف او 3 سنين ايهما اقرب
الف شكر....................
الكاوتش المفروض يتغير كل 40 الف كيلو او بعد مرور 6 سنوات على انتاجة
صحيح فيه ناس بعد 40 الف بيبقى الكاوتش بتاعها "شكلة" كويس لكن مش معنى كدة ان الكاوتش فعلا كويس... الكاوتش بيتعرض لاجهاد و العربية ماشية و دة بياثر فى قوة تحملة و ملوش مظاهر خارجية... و اعتقد كتير منكم سمع عن ناس كانت مسافرة و ضرب منها فردة بدون سابق انذار
ده غالبا بيبقى نتيجة ان الفردة خلاص وصلت لمستوى اجهاد عالى و بدات البنية الداخلية ليها تضعف و بالتالى اجهاد السير على الطريق مع ضغط الهواء الداخلى ممكن يسبب انفجار الاطار
تاريخ الانتاج بيبقى مكتوب على الفردة و كنت سالت موزع كاوتش على الصلاحية و قاللى ان الكاوتش مبيبقاش صالح للاستخدام بعد مرور 6 سنوات على تاريخ انتاجة
اما بالنسبة لعمق النفشة فا دة منطقى جدا... لو حد عندة النقشة بقت رفيعة جدا حتاثر بالسلب على تماسك العربية فى الميه و ممكن اوى تبقى خطر و بالتالى لازم يتغير الكاوتش لو النقشة اتاكلت و ظهرت علامات تاكل النقشة
http://www.askamechanic.info/askamec...ar%20marks.jpg
بالنسبة للبطارية فا دى بتتغير لما تتوفى
MMamdouh
من أهم الأسباب اللى بتتحكم فى عمر الكاوتش..........1- مدى الالتزام بالضغط المقنن لنفخ الكاوتش.....بمعنى لو الكاوتش منفوخ زياده عن اللازم سيتآكل الكاوتش من النصف عن منطقة الأطراف....ولو درجة النفخ أقل من المقنن ستتآكل أطراف الفرده قبل منطقة المنتصف لنفس الفرده ...وده طبعا بيقلل من عمر الكاوتش لأنك ببساطه مخللى جزء من الكاوتش فقط هو اللى شايل الحمل ...فى حالة النفخ القليل (بتكون أطراف الفرده هى اللى شايله الحمل أكبر ).....وفى حالة النفخ الزياده (بيكون نصف الفرده هو اللى شايل الحمل كله )2- طريقة أستعمال الفرامل من العناصر المهمه فى تحديد عمر الكاوتش .....بمعنى أن السائق اللى متعود يستعمل الفرامل بقوه وبعنف بيسرع من تقليل عمر الكاوتش والعكس صحيح..........3-أيضا عدم الأعتناء بترصيص الكاوتش وعملية ظبط الزوايا بتقلل من عمر الكاوتش ............4- أختيارك للمكان الذى تسير عليه السياره بيحدد عمر الكاوتش (لأن ببساطه مش معقول اللى متعود يمش على الطرق النظيفه حيكون معاه عمر الكاوتش زى اللى لا يعطى أهتمام لمثل تلك النقطه وماشى فى أى مكان وخلاص ( بلاعات - عيون القطط - أرض مش سليمه ومرصوفه )...........5- أيضا عادات القياده من العوامل اللى بتحدد عمر الكاوتش (بمعنى طبعا اللى معتاد على نظام الكيك داون فى القياده ....بيعجل بعمر الكاوتش عن سائق تانى بيستعمل السياره صح ).........6- عدم الالتزام بمسافة الأمان أثناء القياده بيحدد عمر الكاوتش (لأنه فى الحاله دى ستكون ببساطه مضطر دائما لأستعمال الفرامل طالما متعود دايما تكون لازق فى اللى ماشى قدامك وأنت سايق والا حتعمل حادثه لا قدر الله ).......7- القياده أيضا بسرعات عاليه بتعجل بعمر الكاوتش ...._ الخامه اللى مصنوع منها الكاوتش بتختلف من صانع لصانع .وبالتالى يجب أختيار شركات حستة السمعه عند شراء الكاوتش .............