-
مشكلة بباور الاكسيل
النهاردة حصلت لي مشكلة في العربية
سمعت تزيقه جامدة عند العجلة الشمال قدام ودخانة والعربية بقت تقيلة جدا ودخانة جامدة علشان بس اركن
المهم اتصلت بواحد قريبي شافها قالي ان طارة الباور قفشه على سير الباور وده سبب الدخان
اضطر يقطع السير ده علشان اقدر امشي بالعربية لحد البيت
دلوقت عايزة اعرف المشكله في انهي قطعه
او اسم القطعه اللي المفروض اغيرها ايه واشتريها منين وبكام
ياريت سرعة الرد علشان العربية صعبة جدا من غير باور
-
المشكله عندك غالبا فى طرمبه البور قفشت و دى مش بتتصلح يا تجيبيها جديده و هاتكون غاليا فى حدود 1000 او ممكن اكتر او قل بحاجه بسيط (انا مش متعمق فى قطع غيار الاكسيل )
ممكن استيراد تكون فى حدود 400 جنيه
-
طيب اشتريها منين سواء الجديدة و الاستيراد
-
لسه سأل عليها لعمى فى الحرفيين ب 250 جنيه أستيراد
-
شكرا مومو
بس من فضلك الحرفيين دي فين
وياترى ده سعرها النهائي ولا في فصال
-
الحرفيين دى فى اخر جسر السويس و يفضل طبعا انك ماتروحيهاش لوحدك كل الصنايعيه معلش سورى فى اللفظ ممكن يشتغلوكى لازم اللى يروح يجيبهالك يكون عارف حد هناك كويس
-
شكرا لكم
في كل الاحوال مكنتش هاشتريها بنفسي
ااشترناها من محل في المريوطية فيصل ب 250 جنيه بعد فصال من 350 جنيه والميكانيكي اجرته 100 جنيه
وكويس انها من مكان قريب مننا لان جبنا في الاول واحدة كان فيها عيب ورغيرناها
-
مبروك على حل المشكله بس 100 جنيه مصنعيه انا شايف انهم كتير بصراحه
-
سوري بجد انا مش عارفه 100 جنيه جات منين
هي 40 بس للميكانيكي + 10 سير الباور + 10 زيت الباور
-
ايوه كده الحسابات صحيحه مع انها لو كانت فى عربيتى كنت غيرتها بنفى ربنا يباركلك فيها يارب
Content Relevant URLs by
vBSEO 3.6.0 PL2