الموضوع: عايز اشتري فيرنا بس في حاجة

يا الجماعة في المقارنة طلعت الفيرنا أفضل :arrow: :?: :?: :?:
عايز رأي صريح علشان انا حيران :x
الفيرنا تنفع ولا لأ :|
تستحمل 350 كيلو ولا لأ :|
و شكرا :(

السلام عليكم ورحمة الله وبركاته
الاخ العزيز اولا اهلا بك معانا في المنتدي
ثانيا بالنسبة للفيرنا انا من ملاك الفيرنا وهقولك راي عن تجربة
العربية عاملة معايا حوالي 3500 كم في شهرين وبالنسبة لي ممتازة ليه :
1 - انا بسافر كثير جدا لظروف شغلي والسيارة حمالية قسية
2 - الزوايا فعلا فيها حدفة بس انا شايفها مش مؤثرة
3 - الثبات انا وزوجتي وابني في السيارة وعلي طريق مرسي علم ماشي حوالي 150 او اكثر شوية الثبات معقول والزوايا الدفة موجودة لكن مش مؤثرة معايا خالص
4 - كنت في المصيف بالاسكندرية ومعايا العائلة الكبيرة كلها انا + 4 افراد +3 اطفال + عد لا نهائي من الشنط والمشتريات الاسكندرانية والهريسة طبعا وخلافههههههههههههههههه يعني تقدر تقول اكثر من 450 كم اوزان وفعلا العربية كانت واطيه وبتحك في المطبات العالية لكن لما كنت اخد المطب بزاوية وبالراحة مكنش في اي مشكلة
5 - صوت الموتور فعلا عالي خصوصا مع التكييف
6 - صوت العفشة والات الجر يكاد لا يكون مسموع
ده رايي الشخصي عن تجربتي ولك الاختيار وربنا يوفقك ومتنساش الاستخارة

انا شايف انها افضل سيارة فى فئتها

بص حضرتك بتحملنا أمانة كبيرة،
بتسألنا مش هندم لوجبتها
إنشاءالله مش هتندم و هي أفضل إختيار في فئتها
بس لو ندمت ، اوعي تدعي علينا

يا حبيبي انا مقدرش ادعي عليكو بالعكس انا نفسي انضملكم :)
و بعدين محدش قالي الفانوس الامامي بكام ؟
هو محدش لسه خبطه :twisted: :twisted:
و العربية هصرف عليها قد ايه بعد ما اشتريها علي طول علي اعتبار ان توكيلها شوربة؟؟(علشان الزوايا و الحاجات اللي بتقولو عليها دي)
أصل انا هقسط يعني مش ناقص مصاريف
و هل صوت الموتور بيوطي بعد التليين؟
و شكرا يا رجالة