الموضوع: عايز اشتري فيرنا بس في حاجة

لأ قصدي هتبتدي تخش في الصيانة الدورية التقيلة بقه ، عفشة ، خراطيم بتبوز ، سيور ،، حاجات كده، يعني و ده إعتقادي مش أكثر
عموما رد analyzer شافي و وافي، و معتقدش حضرتك حتحتاج دليل اكتر من كده
بخصوص موضوع الإيجار ده ، من الحاجات اللي حببتني في الفيرنا إن أخويا شغال في دبي ، يعني بيركب عربيات حاجة تانية خالص غير اللي بنركبها ، مرة نزل أجازة مصر اجر فيرنا الشهر بتاع الإجازة، قاللي إنه معجب جدا بأدائها و سواقتها

الحقيقة شرح وافى جدااا مقدرش اقول حاجة بعده

السلام عليكم
م/احمد اهلا وسلا بيك
معايا فيرنا من 20/1/2007 وعامله الى الان 42000كم ( متستغربش على الرقم - اثنان واربعوب الف كم ) وده لانى بركب العربيه وفى نفس الوقت باجرها ........ واخد بالك من الكلام ..... باجرها يعنى ايه يعنى لو هى فيها كل العيوب الى انتا خايف منها دى مكنتش جبتها اصلا علشان اشغلها . للعلم انا جايبها قسط يعنى كنت ممكن اجيب اى ماركه انا عايزها ولاكن لاقيت الفيرنا هى افضلهم
راى الشخصى من خلال تجاربى الشخصيه : الفيرنا افضل من (الانوس - الافيو - النوبيرا الى هى اعلى ) حيث ان لدينا كل هذه الانواع فى المكتب ( مكتب ايجار ) + ماركات اخرى .
1- الموتور على حسب الاستخدم ( ومفيش اصعب من استخدم الايجار ) ومع ذلك الحمد لله ماشيه زى الفل الى الان ..
لدى مكتب زميل لنا فيرنا عامله 250000كم وموتورها لسه بحالته لا تشعر بفرق بينها وبين بتاعتنا الى عامله 42000
2- مفيش اى عيب فى الزوايل فى موديل 2007 ولا بتاعتنا ولا كل الى نعرفه .
اول ما تجيبها هتلاقيها بتحدف يمين هتروح نظبط زوايا وترصص هتلاقيها بقت زى الفل وهتسي الدركسيون وتمشى بيها ولا هتتحرك سم يمين ولا شمال
3- فعلا العربيه توحى ليك انها واطيه وده حقيقى بس مش مع 350ك
ولنفرض ان دى مشكله - بس الحل موجود - تبقى مبقتش مشكله - ازاى تاخد المطب بكيرف مش هتحك لو كنت محمل معاك طن
للعلم الانسر بتحك فى مطباط الفيرنا مبتحكش فيها - تجربه شخصيه لى
للعلم فى قضيبين حديد اسقل العربيه بطولها هما الى بيحكو ( مش الكرتيرة ولا الشكمان ولا اى حاجه تانيه ) يعنى لو حكت منك لا تقلق
4- صوت الموتور بيتحسن بعد 7000كم مبيبقى هادى - وكمان فى حاجه النغمه بتاعته مش مزعجه هى مريحه جدا بالنسبه لى
5- اول ماتجيببها هتلاقى فى صوت زنه عالى من الطابلوه مع الضغط على البنزين بشده يعنى لما دوس جامد على الدواسه تقريبا بعد 130كم .بس بيروح بعد كده لما الطابلوه بيريح وبيطبع
6- الفانوس الامامى فى التوكيل ثمنه 750جنيه بره التوكيل ثمنه 375جنيه تقريبا وهاتاكدلك منه تاى
7- الفانوس الخلفى ثمنه فى التوكيل 400جم بره بحوالى 220 وبردو هتاكدلك منه
لاننا بنركب كله اصلى من التوكيل ( لان كله على حساب الى بياجر العربيه وبيخبطها - لانى بسلمهالو كلها اصلى يبقى لازم استلمها اصلى )
صلى استخاره الاول على اى عربيه سواء الفيرنا او غيرها
اخى افاضل يشرفنا انضمامك الى المنتدى .
لمزيد من الاستفسار 0123742967
م/ عبدالمجيد سالم

بصراحة انا نفسي أبوسك :lol: :D :D :D :D :D :D
انت طمنتني و ريحتني علي الاخر و هشتريها ان شاء الله
و أول ما أجبها هتكونوا أول ناس تعرفو :D

انا عامل بفيرنا 1500 سىسى حوالى 18500 كيلومتر ومعايا من سنة ونصف وماشاء الله ممتازة جدا بس فيها ثلاثة مشكلات بالنسبة ليا:
1- المطبات ودى عالجتها بتركيب 4 جنوط حديد 14 بوصة بدل ال 13 بوصة بس الاهم ركبت كاوتش 175-70 بدل من 185 -60 وده بيرفع العربية حوالى 1.25سم والاهم بيقصر المسافة بين العجلتين حوالى 2.5 سم وده بيساعد جدا على تفادى الاصطدام بالمطبات وعن تجربة مؤكدة المشكلة انه المفروض الاجراء ده يخلى العربية تعوم بس انا مشيت بيها على طريق العلمين على 150 كم/ساعة وكان ممكن ازود بس صوت الموتور على وانا معنديش ار بى ام فخفت على الموتور مع العلم بأن اقصى سرعة جبتها قبل تغيير الكاوتش كانت 160 كم/ساعة ومكانش فى فرق فى الثبات.
2- انا من ذوى الحجم الكبير بحس انى وانا داخل العربية لازم اوطى شوية والا هاخبط فى القائم يعنى فتحة الدخول بالنسبة لية صغيرة ومن الخلف المكان بحسه ضيق وعلشان اجلس فى الخلف لازم اقدم الكرسى الامامى جدا.
3- صوت الموتور عالى وبصراحه ده شيئ مضايقنى و خصوصا ان معديش ار بى ام وياريت لو حد يعرف الفيرنا بيركبلها ار بى ام زى بتاع استاذ كريم يقولى وله جزيل الشكر. وشكرا

يا باشا شكرا علي ردك
بس بصراحة انا مش معايا فلوس جنوط :( :(
بس انت ممكن تسلفني :mrgreen: :mrgreen:

اشاذى الفاضل انا مشيت بالفرنا مسافه حوالى 15كم بسرعة من 180كم الى 190كم ولما طفيت التكييف جبت 200كم لمده حوالى 10 ثوانى وبعدين خفت بصراحه ونزلت كملت على 180 كم لمسافه طويله وعلى حسب الطريق انزل 160 واطلع 180 ومكنش الحمد لله فى عومان ولا حاجه وكانت ثابته بس مش السبات المطمئن على 200 بس هى حلوة لحد 180

يا باشا انا قلبي مش جامد زيك :shock: :shock:
انا اخري 120 و رضا اوي :D
و عموما انا همشي في اجراءات شيراها
ولا استني مو 2008؟؟ :?: :?: :roll: :roll: :roll: :roll:
و عموما انتم أفضل منتدي سيارات واقعي و مفيد شوفتو في حياتي و هبقي سعيد اني انضم ليكم
و مستني التأكيد علي سعر الفانوس