-
SX4
-
انا مقتنع بيها اكتر من التريوس لان واضح انها اعرض منها فبالتالي ثباتها علي السرعات العاليه هيكون احسن
-
وفي كمان الفولكس واجن الكروس فوكس زيها، بس اعتقد ان التريوس هتتقدم عليها بسبب السعر لان توكيل سوزوكي هنا معروف باسعارة الخيالية.
-
أنا شوفت النهاردة الصبح فى ملحق السيارات مع اخبار اليوم اعلان عن السوزوكى اس اكس 4 تقريبا الوكيل هينزلها قريب .... وعلى فكرة هى عربية جامدة جدا وكل الريفيوهات اللى فى النت بتقول انها عربية جامدة جدا وهى سعرها المانيول بيقل عن سعر الفيتارا الثلاث ابواب بحوالى الفين جنيه استرلينى يعنى المفروض انها تقل عن الفيتارا بحوالى 25000 الف جنيه عالموم بكرة نشوف الوكيل هينزلها بكام ... وانا لوعرفت حاجة هاقولكم لانى ناوى اروح للوكيل واساله عليها.
وده لينك عليه بعض الصور لها
http://www.channel4.com/4car/gl/gallery/gallery/401/13
-
نجاحها متوقف على السعر الية هاتنزل بية ........ فى ليها منافسين زى الكروس فوكس التريوس
-
ان رأى زى حضرتك ما قولت ان نجاحها متوقف على سعرها
بس انت موش معايا ان لو سعرها زى سعر التيريوس مانيوال مثلا .... السوزوكى تكسب بمراحل على العموم هى اخذت تقيمات اعلى بكتير من التيريوس الجديدة فى الانترنت
وخلينا نشوف التوكيل هينزلها بكام
-
أنا مش فاهم يعني العربية بتنزل من شركتين بإسمين مختلفين!!!
-
على فكرة العربية دى نازل منها السيدان برضه
دا اللينك اللى فيه صور السيدان
http://www.nilemotors.net/Forum/viewtopic.php?t=914
يا ترى أنهى فيهم اللى حتنزل مصر ؟
-
على فكرة يا جماعة
انا رحت امبارح توكيل سوزوكى اللى فى شارع المساحة بالدقى
وقال ان الاس اكس فور هاتنزل فى خلال شهرين على الاكثر ولكن هو قال ان السعر لسه ما تحددش ... ولكن لما سألته عن السعر ممكن يكون فى حدود كام قال لى ان هايكون بداية من 115 الى 120 الف
-
العربية sx4 عربية ممتازة
بس ..............
انت قيلت لو نزلت بنفس سعر التريوس يبقى تكسب التريوس وانا ليا ملحوظات على الكلام دا
اولا : التريوس عربية نجحت فى مصر وانتشرت الى حد كويس يعنى كلها كام سنة ينتشر قطع غيار ليها برة التوكيل ودا ميزة وكمان يبقى فيها ميكانيكية بيفهوا فيها يعنى اللى مش عاوز التوكيل مش مضطر يتعامل معاه
ثانيا : توكيل ديهاتسو محترم جدا وليا سمعة ممتازة وتوكيل سوزوكى وان كان ملوش سمعة اصلا بحكم سياسات التوزيع اللى انا شايفها غريبة يعنى بيبالغ فى الاسعار وبينزل عربيات ملهاش سوق ( وان كان الوضع دا بقى احسن بعد نزول sx4 هاتش باك وسيدان)
-
هو عموما الفئة دي ليها مستقبل كبير في مصر
عشان كلنا نفسنا في عربيات دفع رباعي عالية و قوية عشان شوارعنا الظريفة
و في نفس الوقت منقدرش علي سعر SUV الكبيرة
بس أنا مع أبو حميد اللي سبق أكل النبأ و التيريروس سبقت
-
يا جماعة انا سألت فى مودرن موتورز قالولى السيدان عادة 103 الف واوتوماتيك 107 الف والهاتشباك عادة 109 الف و الاوتوماتيك 113 الف. للعلم التريوس السرعة القصوى ليها 150كم/ساعة (عداد 180كم/س) اما السوزوكى 175كم/س (عداد 200كم/س) - منقول من جلوبال اوتو- للعلم الموضوع ده بيفرق مع ناس كتير.
ومن رأيى ان السوزوكى افضل من الدايهاتسو بس مش عارف هل السوزوكى اللى نازلة مصر 4*4 ولا سحب امامى ياريت لو حد عنده معلومة مؤكدة يقول خصوصا ان اعلان الاهرام ومجلة السيارات مش كاتبين نظام الجر .
-
السوزوكى اللى نازلة مصر سيدان و هاتشباك مش الSUV و داللينك اللى فيه صورها
http://www.nilemotors.net/Forum/viewtopic.php?t=914
Content Relevant URLs by
vBSEO 3.6.0 PL2