الحمد لله رب العالمين اشتريت سيارة أمس لانوس II موديل 2001، سؤالي لو فيه حد يعرف قيمه تسجيل هذه السيارة في الشهر العقاري كام يبقى كثر خيره علشان اعمل حسابي عليه.
عرض للطباعة
الحمد لله رب العالمين اشتريت سيارة أمس لانوس II موديل 2001، سؤالي لو فيه حد يعرف قيمه تسجيل هذه السيارة في الشهر العقاري كام يبقى كثر خيره علشان اعمل حسابي عليه.
معلش هو يمكن يكون السؤال غريب بس اعذورني دي أول سيارة ليه ومعنديش خبرة كويسه بالمواضيع دي
740 جنية
MMamdouh
ما اعتقدش انه حيزيد عن ال 500 جنيه علشان عربيتك مصري.
و الف مبروك العربيه :)
ألف شكر MMamdouh
ألف شكر حازم خضر وبارك الله فيك
يعني أفهم انه في الرانج من 500 إلى 740 جنيه
دايماً ربنا يجعلكم عون للناس .. وجزاكم الله كل خير
اكيد ان شاء الله مش حيزيد عن كده و طبعا الاستاذ ممدوح ادري مني
اصل انا لسه شارى لانوس 2001 يوم السبت و سجلت ب 740 جنية... و المبلغ بيتقدر دلوقتى حسب السعة اللترية و الموديل مش قيمة العربية زى زمان
MMamdouh
:) ماهو انا بقول انت ادري يا باشا علشان كده و بعدين لو تلاحظ انا بعت الرساله نفس وقتك بالضبط :)اقتباس:
اصل انا لسه شارى لانوس 2001 يوم السبت و سجلت ب 740 جنية... و المبلغ بيتقدر دلوقتى حسب السعة اللترية و الموديل مش قيمة العربية زى زمان
لو تسمحولى انى اضيف اضافه بسيطه
فيه ورقه او شهاده بتحصل عليها من المرور بتفيد ان سيارتك تجميع محلى وليست مستوره الشهاده ده بتنزل من رسوم الشهر العقارى حوالى 100 او 150 جنيه
انا عملت كده لما كنت بسجل عربيتى لانوس 99 سنه 2005 كان المفروض ان تكون الرسوم 680 وبعد الشهاده بقت 530 او 540 مش فاكر بالضبط
الف مبروك على العربيه الجديده وربنا يبارك فيها :lol:
فعلاً زي ما قال MMamdouh قيمة التسجيل 740 جنيه، وواضح أنك خبير في اللانوس، حتى من ردودك على الناس، ما شاء الله عليك. بس نرجو أنك متملش من أسئلتنا وخصوصاً أسئلتي لإني خبرتي ضعيفة جداً تكاد تكون معدومة في ميكانيكا السيارات.
إضافة جديرة أن الواحد يوصل مشوار للمرور ويجيب الشهادة دي، والله يبارك فيك يا limoاقتباس:
المشاركة الأصلية كتبت بواسطة limo
شكراً لكم جميعاً
مفيش ملل ولا حاجة و انا دايما فى الخدمة :)
ختم الانتاج المحلى بيبقى على شهادة البيانات الموجهة الى الشهر العقارى و هى فعلا بتفرق فى قيمة نقل الملكية
MMamdouh
بارك الله فيك يا MMamdouh إن شاء الله ربنا هيكرمك علشان مبتمنعش العلم اللي عندك وبتنفع بيه الناس.
الله يخليك
MMamdouh
و كمان اعمل حسابك على الفحص فى المرور و تغير النمر و اصدار رخصة جديدة لمدة 3 سنين اعمل حسابك من 300 الى 350 جم
دا متضمن الاكراميات :)
80 جنية تامين اجبارى
50 جنية ورق نقل ملكية و خلافة
70 جنية ترخيص سنة
97 جنية طفاية لو ممعكش او طفايتك اقدم من 5 سنوات
و لو حظك وحش زى حالاتى و طلعت من الناس اللى اتنفلت مرور البساتين يبقى ادفع التامين فى اى مرور تانى عشان مفيش شركات تامين فى البساتين و كمان مفيش نمر و حتشى بتصريح 3 شهور
MMamdouh
انا اعدت اتحابل على الامين علشان اشتيرى طفاية رفض بشدة و كل شوية يقول متئلائشاقتباس:
جنية طفاية لو ممعكش او طفايتك اقدم من 5 سنوات
كل دا عشان ياخد ال5 جنية فى جيبة :D
خرجت اشتريتها من برة
حاجة زفت
مع أحترامي لجميع ردود الأعضاء بس أنا سجلت قبل كدة لانوس موديل 2000 ب960جنيه وليا صديق مسجل رينو موديل99 , 1300سي سي ب740جنيه معرفش بقي أنتوا بتقولوا الاسعار دي ازاي بالنسبة لموديل زي 2001 أنا أعتقد أنها مش هاتقل عن 1000جنيه واللة أعلم
حضرتك الموضوع مش موضوع فتى من الاعضاء او حاجة
كل واحد وضح التكلفة الى دفعها
انا دفعت عند التسجيل مبلغ مختلف تماما 820 جم و كانت موديل 99
فا المشكلة مش فينا دى فى الشهر العقارى
فا متركزش اوى مع حكومتنا الرشيدة الحريصة على مصالح الشعب :? :cry:
مفيش مشكله فى الشهر العقارى
عوامل التحكم فى الرسوم هى كالآتى
1- سنه الموديل كل ما يعلى الموديل تعلى الرسوم
2- السعه اللتريه كل ماتزيد تزيد الرسوم
3- صناعه السياره محليه ولا مستورده الستورده رسومها أعلى من المصرى حتى لو نفس السياره
وهذا هو القول الفصل
كلام حضرتك منطقى جدا
بس الحصل فى الواقع غير كدة
انا سجلت فى شهر عقارى العجوزة و كان فى شهر 11 الى فات و كلفنى 820 جم لعربية لانوس 1500 موديل 99
واحد اريبى جاب نفس العربية بعدى بشهر بس مشفاكر راح انهى شهر عقارى و دفع حوالى 775 جم مش متذكر الرقم بظبط بس كان اقل منى بحاجة بسيطة و دلؤتى محمد ممدوح ذكر رقم مختلف تماما لعربية المفروض انها اعلى فى الموديل
شريف خليفه كتب (كلام حضرتك منطقى جدا
بس الحصل فى الواقع غير كدة
انا سجلت فى شهر عقارى العجوزة و كان فى شهر 11 الى فات و كلفنى 820 جم لعربية لانوس 1500 موديل 99
واحد اريبى جاب نفس العربية بعدى بشهر بس مشفاكر راح انهى شهر عقارى و دفع حوالى 775 جم مش متذكر الرقم بظبط بس كان اقل منى بحاجة بسيطة و دلؤتى محمد ممدوح ذكر رقم مختلف تماما لعربية المفروض انها اعلى فى الموديل)
بعد شهر من تسجيلك دخلت فى سنه جديده فعربيه قريبك بقت ٌدم سنه من عربيتك فبيتحسب حاجه اسمها خصم استهلاك بيقلل رسوم التسجيل
فيما يبدو إن حضرتك دفعت الرسوم على انها مستورده بالكامل ومجبتش شهاده المنشأ المحلى
يا ريت الأستاذ محمد لما يسجل العربية يقولنا دفع كام بالظبط لأني بيتهيألي أن كل شهر عقاري بيشتغل علي مزاجه
ياريت الاستاذ محمد لما يسجل يقولنا دفع كام بالظبط
انا سجلت لانوس مو 2001 في الشهر العقاري اللي في لاظوغلي من حوالي سنة ب 990 جنيه ... بس هما اعتبروها مسنوردة لان مكنش معايا شهادة من المرور تقول انها تجميع محلي وبصراحة مكنتش فاضي اضيع يوم تاني علشان اجيب الشهادة دي ... هما قالولي في الشهر العقاري انها تفرق حوالي 200 جنيه.
يمكن الموضوع بيتحسب على عمر العربية... بمعنى اللانوس ال 2001 تبقىب 740 عشان عمرها 6 سنوات اما لو كنت رخصتها من 3 سنوات كنت دفعت 1000 مثلا لانها حتبقى عمرها 3 سنوات فقط... و الله اعلم
MMamdouh
انا شاري لانوس 2001 وسجلتها الشهر اللي فات
لو معاك شهاده بيانات شهر عقاري مكتوب فيها تصنيع محلي هيبقى 739
لكن لو مش معاك هيبقى 950
تامين ورخصه 3 سنين وطفايه وفحص ونمر جديده وبقشيش 470
بالظبط
الأخوة الكرام .. كل عام وأنتم بخير ..
بالنسبة للتسجيل في الشهر العقاري
الكلام اللي قالوا الأخ m مضبوط 100%، لأني لسه مسجل أمس السيارة 2001 لانوس 740 جنيه بشهادة البيانات 950 جنيه بدون شهادة بيانات.
وكما قال الأخ MMamdouh أيضاً التسجيل بيتحسب على عمر السيارة لأني سألت في الموضوع دا فلو كان التسجيل العام الماضي هيكون المبلغ أعلى، والتسجيل في العام القادم هيكون المبلغ أقل.
ودمتم بخير .. وكل عام وأنتم جميعاً بخير ..
ممكن حد يفيدني إيه الأوراق اللازمة للتسجيل بالضبط. أنا اشتريت لانوس 2000 في شهر 4 اللي فات لكن لسه ماسجلتهاش لأن لسه فيها رخصة سنة. و معايا التوكيل طبعاً. هل فيه أي ورق تاني مطلوب؟
بالتوكيل بتروح الشهر العقارى بتاع المرور و تبيع لنفسك و تدفع رسوم نقل الملكية
اجراء بسيط..
و بعد كدة بتروح المرور بالعقد الجديد و الرخصة القديمة و عقد البيع و شهادة المخالفات و تسلم النمر القديمة و تستلم نمر و رخصة جديدة
الموضع سهل بس عايز يوم كامل و شيل 5 جنيهات كتير فى جيبك لزوم المسائل :D
شكراً جزيلاً يا شريف. لكن هل الشهر العقاري بتاع المرور ده حاجة خاصة موجودة جوه المرور والا ده موجود جوه أي شهر عقاري؟
معلش أخوك بلاطة في الحاجات دي.
لا دا جوا المرور بس مشعارف موجود فى كلة ولا لاء
انا عملت القصة دى فى مرور العجوزة الشهر العقارى جواة
شكراً مرة تانية يا شريف.
أنا ياسيدي تبع مرور فيصل و ده أوسخ مرور على وجه الأرض.
انا كمان
بس سجلت العقد فى العجوزة
هوا مؤرف فعلا بس كلة بيمشى بالفلوس
انا اعت اتحايل على الامين علشان اروح اشتر طفاية علشان انا فعلا عايزها و هوا عمل يؤلى لا بلاش همشيهالك كل دة عشان يضرب 5 جم فى جيبة :D
ابئة روحى بدرى اوى علشان تعرف تخش بالعربية جوا علشان الفحص و بعد كدة اركن برة
و خلى معاك مفك علشان تفك اللوح و تركب الجديدة
شكراً يا ريس على النصايح الحلوة دي.
ممكن تسجل في اي شهر عقاري