تجربة تشغيل التكييف بدون الفلتر

**doctor_msg** · 13-03-2009 09:44 PM

امتلك سياره لانسر 1600 اتوماتيك مصري موديل 2007
1- عندما قمت بفك فلتر التكييف وقمت بتشغيل التكييف بدون الفلتر تحسن اداء التكييف جداااااااا
وأريد أن أعرف هل يؤثر ذلك علي التكييف او السيارة بأي شكل.
2- أريد أن أعرف هل سيارتي بها فرامل ABS أم لا ... فلقد قام الأخ الفاضل المهندس/ طارق زويل بعرض صورتين لتوضيح ذلك لكن روابط الصور لا تعمل ولم استطع مشاهدتها نهائيا.
شكرا جزيلا لكم

**nobody** · 13-03-2009 11:22 PM

1-كده يبقى الفلتر عندك محتاج تنضيف نضفه كويس وركبه عشان التراب ما يخشش للتلاجة و يسدها

2- لما يكون فى العربية Abs و تدوس فرامل جامد و الأرض مزحلقة شوية بتحس الدواسة تحت رجلك زى ماتكون بتنبض او بتزق رجلك فى حركة متتالية و تسمع صوت زي حاجة بتتكسر

**lovelorn** · 14-03-2009 01:12 AM

أريد أن أعرف هل سيارتي بها فرامل ABS أم لا

لما تفتح الكبوت بص جوه على الشمال حتلاقى جهاز فضى مربع وطالع منه مواسير رفيعة ماشية ناهية اليمين .. لو لقيتوا يبقى عندك abs

وكمان فى العدادات فى لمبة لل abs لو مش يتنور لما تشغل العربية يبقى معندكش abs

**doctor_msg** · 14-03-2009 01:30 AM

انا اعتقد ان الفلتر ده بيحجز الغبار علشان ما يدخلش صالون السيارة ويضايقنا فقط
بمعني آخر اظن انه في نهاية مراحل التبريد يعني بعد التكييف مش قبله
أرجو الافادة
شكرا جزيلا لاهتمامكم

**fahd_628** · 14-03-2009 01:31 AM

بص يا باشا لو عاوز تعرف العربية فيها Abs ولا لأ اسهل حاجة النور الى موجود فى التابلوة اول ما تشغل الكونتكت لو نور يبقى العربية فيها Abs لو منورش يبقى مفيش

**nobody** · 14-03-2009 03:45 PM

المشاركة الأصلية كتبت بواسطة doctor_msg

انا اعتقد ان الفلتر ده بيحجز الغبار علشان ما يدخلش صالون السيارة ويضايقنا فقط
بمعني آخر اظن انه في نهاية مراحل التبريد يعني بعد التكييف مش قبله
أرجو الافادة
شكرا جزيلا لاهتمامكم

لو حضرتك عارف كيفية عمل التكييف حتعرف ان الهواء ده بيخش بعد كده على التلاجة (عبارة عن سربنتينة صغيرة داخل الصالون اسمها coil ) و دي بتكون باردة و يعدي عليها الهوا اللي جاي من الفلتر عشان يبرد
معنى كده ان لو مفيش فلتر حيدخل الهواء + التراب و ممكن بعد فترة الكويل تتسد من كتر التراب
انظر شرح تفصيلى مبسط لكيفية عمل تكييف السيارة واجزائه المختلفة

**ahmedel_rayies** · 17-03-2009 11:21 AM

المشاركة الأصلية كتبت بواسطة doctor_msg

امتلك سياره لانسر 1600 اتوماتيك مصري موديل 2007
1- عندما قمت بفك فلتر التكييف وقمت بتشغيل التكييف بدون الفلتر تحسن اداء التكييف جداااااااا
وأريد أن أعرف هل يؤثر ذلك علي التكييف او السيارة بأي شكل.
2- أريد أن أعرف هل سيارتي بها فرامل ABS أم لا ... فلقد قام الأخ الفاضل المهندس/ طارق زويل بعرض صورتين لتوضيح ذلك لكن روابط الصور لا تعمل ولم استطع مشاهدتها نهائيا.
شكرا جزيلا لكم

بالنسبة للفلتر داه داه بيشغل عشان ينقى الهوا اللى داخل من الأتربة وطبعا كل الطرق عندنا كلها تراب+ إنة بينقى الهواه من أى ريحة مش كويسة.

إفتح كبوت العربية هتلاقى على شمالك جهاز شكلة مربع طالع منة حوالى 8 مواسير الجهاز داه جوة على الشمال، هوا داه ال ABS
أو لما تيجي تودر العربية هتلاقة لمبة فى التابلوة إسمها ABS أول ما العربية تدور بتطفى.

كدا تعرف فى ABS ولا لأ