أرجو المساعدة من أهل الخبرة

**meemo the beast** · 13-03-2009 09:49 PM

أمتلك سيارة بيجو 305 و قد اشتريت لها موتور استيراد و الحقيقة فقد تغيرت السيارة تمام و اصبحت أنعم و سحبها ما يقلش عن اي سيارة جديدة في فئتها المشكلة التي تقابلني أن هذا الموتور يسخن مع العلم أني فتحت التاكيهات و غيرت طقم الكهرباء و استبعدت الثرموستات و الرادياتور جديد و نظيف و كان يعمل بكفاءة مع الموتور القديم
فهل من علاج آخر
مع الشكر

**tmedhat** · 13-03-2009 10:01 PM

شوف الشكمان ليكون مكتوم

**samirayad** · 14-03-2009 07:14 PM

_ برضه شوف أحتمال وجود هواء فى دورة تبريد المحرك..............

_ برضه التأكد من عدو وجود سدد أو خلل فى خط الفايز بتاع المكنه breather line

**meemo the beast** · 15-03-2009 10:49 PM

عزيزي الباشمهندس سمير أشكرك كثيرا للرد
و معلش أطمع في كرم سيادتكم أن توضح لي أكثر ما هو خط الفايظ و لكم جزيل الشكر

**samirayad** · 15-03-2009 11:10 PM

خط الفايز ده بيكون الهدف منه التنفيس عن باطن المحرك (الكرتير ).....بسبب كثرة الضغط والحراره الناتجه عن زيت التزييت داخل الكرتير وشغل الزيت فى الدوره..........وهو عباره عن ثقب عمودى فى البلوك متخلل جوان ورأس السلندر.......وفى النهايه بيكون الخرج عباره عن خرطوم كاوتش خارج من عند رأس السلندر ورايح محمل بالغازات والأبخره الى مانيفول الهواء....وأعتقد عندك حيكون رايح لفلتر الهواء تقريبا (لكى يتقابل مع الهواء الداخل من الفلتر للمحرك )...........ولو مسدود بيحجز الغازات وبيسخن جسم المحرك كله ........يعنى بيخلى المحرك زى مايكون فيه حاجه طابقه على نفسه .......وعلشان كده بيسمى خط التنفيس أو الفايز

**samirayad** · 15-03-2009 11:30 PM

وطبعا أنت حتطمن فقط على أن الخرطوم اللى رايح للعمه مش مكتوم فقط....................ولو مكتوم حتستعين بميكانيكى لعمل اللازم (حيسلك الخرطوم بس )

**meemo the beast** · 16-03-2009 02:34 PM

أشكرك كثيرا يا باشمهندس

**samirayad** · 16-03-2009 03:37 PM

معلش أنا بأعتذر.....علشان أخطأت فى جزء صغير ......وهو أن خط التنفيس لا يصل الى رأس السلندر.....ولكن فعلا بيتخلل بلوك المحرك ويوجد ماسوره على أقصى أرتفاع فى البلوك مركبه بفلانشه معين لأستلام الأبخره وخلافه من الداخل من خلال ممر داخل البلوك........وعلى هذه الماسوره مركب خلاطوم الكاوتش الذاهب الى مجمع الهواء ( بس طبعا الهدف هو هو ....أى التخلص من زياده الضغط والحراره فى باطن المحرك (الكرتير )........).وده أنا راجعته النهارده فى كتالوج الدايو (بس لازم أقول على الصح ).........................................زى مابيقولوا كده بالبلدى ........بتهوى على مراوحه لا يتخنق ويسخن طبعا...........معلش فاتتنى بقه