كورولا الياباني فول اوبشن ولا الجيتا الالماني الفاضيه؟\\\\\\\\\\\\\\\\\\\\\\\\
\\\\\\\\\\\\\\\\\\
عرض للطباعة
كورولا الياباني فول اوبشن ولا الجيتا الالماني الفاضيه؟\\\\\\\\\\\\\\\\\\\\\\\\
\\\\\\\\\\\\\\\\\\
هو صراحة فى ناس كتير اشتكو من الكورولا الجديدة وانت لو جبت الجيتا المعروف ان الجيتا
عربية تحفة طبعا وكفاية انها المانى دى تسوى عندى كتير وعند ناس كتير بردة
بس نصيحتى خليك فى الجيتا وحاول تجبها فول اوبشن خد قرض من البنك ولا اى حاجة واتصرف
جيتا اكيد عربيه قويه و محترمه جدا
الجيتا افضل
جيتا افضل فى الاتى :
1-المانى
2-صاج اقوى من الكورولا بكتير
3-ثبات اعلى من الكورولا بكتير
4-افخم من الكورولا (وجهه نظر)
5-سمعه افضل (من الكورولا الجديده علشان المشاكل الى البعض اشتكى منها و لو انها مش فى اليابانى)....
6-الشكل احلى من الكورولا(وجهه نظر)...
عيوب الجيتا :
1-وكيل اسمع انه مش كويس و زحمه موووووووت
2-واطيه
3-ناشفه (مقارنة بالكورولا)
4-تكييف حلو (مش زى الكورولا)
5-سحب تقيل ..
الكورولا افضل فى الاتى:
1-سحب
2-تكييف
3-عفشه انعم
عيوب الكورولا:
1-ثبات ضعيف (مقارنة بالجيتا)
2-صاج ضعيف مقارنة باى عربيه المانى
3-تابلوه فقير مقارنة بالجيتا(وجهه نظر)
4-شكل سىء (مقارنة بالجيتا او بأى منافس و دى اذواق)
5-ليييه تركب عربيه بتكنولوجيا موتور و فتيس قديمه ؟؟
رأى شخصى هات جيتا ...
و متزنقش نفسك فى اقساط علشان شويه اوبشنز ....
والله ياباشا معلش انا شايف كلام غير منطقى كتير فى كلامك
يعنى ايه الجيتا من مميزاتها انها المانى
المقارنه سياره بسياره وليست بلد ببلد
تانى حاجه عرفت منين ان صاجها اقوى بكتير .....عموما الكورولا واخده خمس نجوم فى ايرو ان اس ايه بى والجيتا مش موجوده فى التقييم اصلا لانها برازليه وليست اوربيه
ثالت حاجه عرفت منين حكاية انها اثبت بكتير
بالعكس بصراحه انا شخصيا ما حستش بالثبات اللى فعلا يتقال عليه ثبات فعلا الا فى البى ام دبليو 116i ونيسان لومينا ss ومينى كوبر ودى العربيات اللى جربتها بنفسى وكونت انطباع كبير نسبيا على المعنى الحقيقى للثبات
انما الجيتا ....الاوكتاقيا ......السيفيك مثلا اثبت بكتير من الكورولا بجد كلام مديخلش عقلى لان كل العربيات دى ثباتها متقارب ولو فيه فروق ده مش معناه الجيتا بتاخد ملف 160 وتمام انما الكورولا بتتقللب على 100 بجد نفسى نكون حياديين فى الحكم بعد التجربه وليس مجرد السمع
حكايه شكل سىء دى مش عارف حاسس انها كلمه كبيره قوى (يعنى ايه شكل سىء )التصميم عصرى وجديد يمكن تكون انها ليست الاكثر جمالا فى فئتها وفى الاحلى منها ولكن كلمة سىء دى حاسس انها مش لايقه عليها
اخيرا بجد احل اقول انى بجد مش بدافع عن الكورولا لانها معايا انا اساسا والله جبتها صدفه مكنتش هشتريها اصلا بس فكرت فى شويه حاجات قبل ما اجيبها ولقتها تتوافر فيها الشروط دى فجبتها (وده كان مؤقتا لانى بجد كرهت اللانسر 2007 اللى كانت معايا وكان نفسى اخلص منها وخلاص) لكن ان شاء الله قريب جدا هغيرها ولكن ده ما يمنعش انها افضل سياره فى الفئه السعريه بالنسبالى
وتحياتى
انا قصدى من ان ميزتها انها المانى ان معروف ان الالمانى عمره الافتراضى طويل جدا فى كل شىء .....
و العربيات الالمانى القديمه تثبت ذلك بكل جداره ...
نيجى بقى لموضوع الصاج ...
اظن مفيش اسهل من انك تخبط على صاج دى و صاج دى ....
هتعرف ساعتها الفرق ...
معلومه :
الجيتا تقفيل مكسيكى و ليست برازيلى ...
الثبات :
اه يا باشا الجيتا تاخد ملفات على 160 و 190 كمان ...
لسبب بسيط و هو ان اختها الاوكتافيا (نفس الشاسيه و انظمه الثبات) باخد بيها ملفات على 190 على طريق دفره كفر الزيات ...
و الكورولا معتقدش انها تاخد ملفات على السرعه دى ....
و بعدين ازاى بس نقارن جيتا ب شيفروليه لومينا (مش نيسان)...
دى فئه و دى فئه تانيه خاااالص ...
و بعدين لاحظ حاجه يا باشا ان عربيتك جنوب افريقى و دى على حد علمى فيها انظمه ثابت اعلى من اليابانى الى انا بتكلم عليها ...
الشكل :
انا قلت ازواق و بالنسبالى شكل الكورولا سىء و لكن انا مقلتش انه قديم ولا مش عصرى ...
فى النهايه احب اقولك انى من بدافع عن الجيتا حبا فيها ولا حاجه بالعكس انا شايف ان اقوى منافسين ليها فى مصر هما الاوكتافيا و الفيكترا و انا فى ترتيبى الشخصى الجيتا تأتى اخر واحده فيهم (و ارجو ان محدش يتناقش فى موضوع الجيتا و الاوكتافيا و الفيكترا هنا علشان متحصلش مشاكل )....
تقبل احترامى و تقديرى
خالد ايمن
انا معرفش ايه طريق دفره كفرالزيات ده ولكن انا لجرى بيها على طريق السويس كل يوم وثباتها ممتاز جدا وباخد بيها غرز على اى سرعات والله العظيم وكان واحد معاه اوكتافيا a5 خلانى اضحك عمال ياخد غرز مش موجوده اصلا علشان يبيلى ان عربيته ثابته الكلام ده كان على 160 ضربت كيك داون لما كنت وراه وعديت من يمينه ورحت لاقصى الشمال قدامه :44:
بصراحه انا معلش على المعلومات الغلط بجد حقك عليا مش عارف انا بكتب الحاجات دى ازاى يعنى كتبت الجيتا برازيلى والباراتى هى اللى برازيلى
وما عرفش ايه اللى جاب النيسان فى الموضوع
معلش اصلى شكلى عاوز انام وتصبح على خير يا باشا:eee:
معلش هو انت قصدك ان ال A5 مكانتش عارفه تاخد الغرز الى انت خدتها بالكورولا ؟؟
لو كده يبقى مفيش غير حاجه من اتنين:
1-الراجل مش عارف يسوق
2-العربيه مش سليمه خااااااااااااااااالص
و بالنسبه للكيك داون فأنا عارف ان الكورولا يحبها احلى من الاوكتافيا و لا اعتراض على ذلك ..
بالنسبه للاخطاء فميهمكش يا باشا ...
كل ابن آدم خطاء ...
و تصبح على خير يا جميل :Ob_mak1[1]:
جيتا ثم جيتا ثم جيتا
جيتااااااااااااااااا
لان مافيش اساسا وجه مقارنه
بس طبعا قطع غيار ناااااااااااااااار للأسف وانا طبعا ماعرفش اساسا اسعار قطع غيار الكورولا اخبارها ايه