الاخوه الافاضل عاوز اروح لكارفور سيتى سنتر المعادى اللى على الدائرى اروح ازاى اذا كنت جاى من طريق مصر اسكندريه الزراعى و داخل على الدائرى ادخل اتجاه 6 اكتوبر و لا اتجاه المطار و اذا كنت على الكورنيش عند ماسبيرو اروح من هناك ازاى :?: :?:
عرض للطباعة
الاخوه الافاضل عاوز اروح لكارفور سيتى سنتر المعادى اللى على الدائرى اروح ازاى اذا كنت جاى من طريق مصر اسكندريه الزراعى و داخل على الدائرى ادخل اتجاه 6 اكتوبر و لا اتجاه المطار و اذا كنت على الكورنيش عند ماسبيرو اروح من هناك ازاى :?: :?:
من الطريق الزراعي تاخد اتجاه المطار يا باشا يعني شمال وتستمر وتستمر وتعدى المطار وتكمل ومتزهقش لغاية لما تلاقي كارفور على الشمال
أما بأه من عند الكورنيش عند ماسبيرو اعتقد الافضل تستمر دوغري يعني في اتجاه المعادي وحلوان يعني مبنى الاذاعة والتلفزيون على شمالك والنيل على يمينك واستمر دوغري لغاية ما تعدي من تحت الدائري فتطلع على الدائري شمال في اتجاه كارفور
الف الف شكر يا باشمهندس طارق على اهتمامك :) بس ممكن اطمع فى كرمك كمان فى شرح تفصيلى شويه بالنسبه لطريق المطار يعنى اكمل على الدائرى لغايه المطار و ادخل يمين و لا اكمل على طول :?: و انا شاكر افضال حضرتك :)
هو بعد المطار هتستمر في الدائري علطول مش هتسيبه هتلاقي فندق JW Marriot هييجي على شمالك وبعدين تلاقي القاهرة الجديدة والتجمعات بتمر من جنبك كل ده وانت مستمر في نفس الطريق الدائري لغاية لما تلاقي توكيل BMW على شمالك تعرف انك قربت خالص
بعد التوكيل بشوية صغيرين هتلاقي مول CITY CENTER اللي جواه كارفور
وهيكون على الشمال برضه
انما تروح له ازاي شمال انا مش عارف لأني دايما باروح له من الجهه التانية
يعني هو فيه نفق للخروج منه والوصول لاتجاهك - لكن هل فيه نفق للدخول له ممكن باقي الأعضاء يفيدونا بأه انما انا كده وصلتك لغاية قدامه
اقتباس:
يعني هو فيه نفق للخروج منه والوصول لاتجاهك - لكن هل فيه نفق للدخول له ممكن باقي الأعضاء يفيدونا بأه انما انا كده وصلتك لغاية قدامه
بص يا سيدي الفاضل بعد ما تدخل شمال من الدائري إفضل ماشي على طول لغاية متلاقي طريق السويس تحت الدائري برضة كمل على طول
من بعد ما تعدي على طريق السويس امشي على طول هتعدي تحت نفقين بالضبط
و بعد كدة هتلاقي برج كلة زجاج كبير على ايدك اليمين ( برج سمى)
بعدية هتلاقي نادي الصيد الجديد برضة على يمينك
اول متلاقي برج سما أو نادي الصيد ابدأ هدي شوية و خد يمينك
و إنت ماشي ع اليمين بالراحة بص على شمالك هتلاقي توكيل بي إم دبليو و دة برضة قبل كارفور بشوية
هتمشي لغاية متلاقي علامة كادبوري كبيرة بعديها مباشرة هتلاقي الدائري بقى كبري
متتطلغش الكوبري و إنزل يمين و خليك برضة يمين هتطلع على كوبري تاني و يلف بيك لغاية ما ينزلك على الدائري تاني بس في الاتجاة العكسي(عكس اللي انت كنت ماشي فية)
افضل ماشي لغاية بعد اقل من 1 دقيقة هتلاقي نزلة كارفور على ايدك اليمين
انزلها هتلاقي موقف سيارات كارفور على ايديك اليمين
و حمد الله ع السلامة
كل الى شرحوه الاخوة الافاضل مظبوط
ماعدا انك لما تصل كارفور وتجده على ايدك الشمال هتهدى خالص و وهتلاقى نفق صغير على ايدك اليمين هتدخل فيه هيلف بيك تحت الطريق الدائى وهتلاقى نفسك فى كارفور
الف الف شكر للاخوه الافاضل و جزاكم الله كل خير :)