أخوكم لسه مشتري استرا2002 دلوقتي حالا .. عايز خدمه

**hanytahia** · 14-03-2009 02:29 AM

العربية كويسه بس عندي شوية مشاكل
1- زجاج الباب اليمين امامي هو كهربا المفتاح مش شغال بس بيفتح ويقفل من عند باب السواق
2- طلوع ونزول الازاز الكهربا بمزاجه كل لما ارفع الأزاز ينزل تاني بدوخ لحد لما يثبت
3- نور التبلوه الشاشة اللي فى وسط التابلوه حاسس انه ضعيف شوية.

أخوكم لسه جديد تماما فى التعامل مع الاوبل وانتم اللي شجعتوني اني اجبها لما قريت كلمكم عنها أرجوكم لا تبخلو عليا بمعلوماتكم او اي روابط تفيدني عنها. وشكراً لكل اللي هيرد واللي مش هيرد

**KHALED AYMAN** · 14-03-2009 12:43 PM

المشاركة الأصلية كتبت بواسطة hanytahia

العربية كويسه بس عندي شوية مشاكل
1- زجاج الباب اليمين امامي هو كهربا المفتاح مش شغال بس بيفتح ويقفل من عند باب السواق
2- طلوع ونزول الازاز الكهربا بمزاجه كل لما ارفع الأزاز ينزل تاني بدوخ لحد لما يثبت
3- نور التبلوه الشاشة اللي فى وسط التابلوه حاسس انه ضعيف شوية.

أخوكم لسه جديد تماما فى التعامل مع الاوبل وانتم اللي شجعتوني اني اجبها لما قريت كلمكم عنها أرجوكم لا تبخلو عليا بمعلوماتكم او اي روابط تفيدني عنها. وشكراً لكل اللي هيرد واللي مش هيرد

100000000000 مبروك يا باشا على العربيه ...
و بعدين ايه الى خلاك تجيب اوبل بس ؟؟
دى بتسخن يا راجل و مش ثابته و قطع غيارها نار

طبعا بهظر و مفيش اى حاجه من صحيحه ...
المهم ...

انا معلوماتى عن عربيتك قليله شويه لان بتاعى مش زيها بالظبط بس هقولك الى اعرفه ...
الشاشه دى ضعيفه بس ولا بقيت نور التابلوه ضعيف ؟؟
عموما سواء كده او كده عندك بكرتين بتطلعو و ينزلو تحت زرار النور ...
واحده منهم بتاع قوه نور التابلوه ...
اعملها على اعلى حاجه و شوف ....
بالنسبه لزراير الازاز فحاول تحطلهم سبراى بس مش عارف اسمه ايه ؟؟
استنى لما حد يدخل يقولك عليه ...
انا برده عندى زرار الازاز الى ورا مش شغال ...

بس متشغلش بالك دى حاجات هايفه ....
و هتتعمل بسهوله و مش مكلفه خالص ...
و مبروك يا باشا مره تانيه على العربيه ..

**فادى محمد** · 14-03-2009 01:00 PM

مبروك ياهاني ..لوعليت نور التابلوه من البكره ولقيته لسه ضعيف يبقي فيها لمبات محروقه ودي بتتغير بسهوله -بالنسبه لزرار الزجاج اديله رشه من F-w40 او Akai في ناس تفضل ده او ده وان كان الاكاي مخصص للالكترونيكس اما F-w فهومتعدد الاغراض . لو بعد الاسبراي الزجاج اليمين ماشتغلش تروح لكهربائي يبصلك علي التوصيلات وان شاء الله سهله .

**hanytahia** · 14-03-2009 02:20 PM

اولا مبروك على العربية وعيزين لفة بيها
بص بالنزبة للزرار ممكن يكون بايظ وهو مش غالى ممكن تجيبة استيراد او تحط w40وشوف هيشتغل ولا لا طيب هو بينور ممكن ميكونش وصلة كهرباء
بص ياباشا نزول وطلوع الازاز روح لاى كهربائى قلة يظبط مجرا الازاز ديما بيدخل للازاز مية من جوة هى قلى بتخلى الازاز كدة بسيطة اوى
بالنسبة لنور الطبلوة فى بكرة على الجنب بتعلى النور لو معلاش ممكن تغير اللمض بتاعت الطبلوة لانها بتسود من كتر الاستخدام ممكن تعملها بنفسك وممكن تروح لكهربائى اوبل يعملهالك انت بس هتغير اللمض فقط لا غير وتنضفة بالمرة كل الحجات دية بسيطة اوى
اولا اهتم بسيانة المتور كل 50 الف كيلو
ثانيا راجع على العفشة كل 50 الف كيلو
غير زيت المتور فى موعيدة
اعمل الصيانة الدورية الثانية للمتور كل 20 الف
وهى تتلخص فى البوجيهات وفلتر البنزين
اما بالنسبة للتيل فغيرة فى مودة ما بين 10 15 الف كيلو
وهترتاح جدا وهتنسا العربية للابد
ونصيحة للاسترا بزات راقب الحرارة ولو عليت متسكتش عليها ومبروك مرة تنية

ألف شكر علي ردك يا غالي وربنا مايحرمنا منكم بس ممكن تقولي أعمل الصيانه دي فين وعند مين أحسن التوكيل ولا مراكز صيانه وفين هي
اليوم 01:00

**hanytahia** · 14-03-2009 02:26 PM

tamertamer

ربنا ما يحرمنا منك بس ممكن تقولي اعمل الصيانه دي فى مركز ولا توكيل ولو مركز صيانه ياريت تقولي الاماكن بتاعته فين

**hanytahia** · 14-03-2009 02:28 PM

hellboy

الله يبارك فيك وربنا ما يحرمنا من لناس اللي بتساعد بعضيها يارب

**hanytahia** · 14-03-2009 02:35 PM

والله العظيم جروب الأوبل ده طلع محترم جدا وناس بتحب تساعد بعض

وهنغيظ كل المركات التانية ويا اوبل يا بلاش

قولولي علي أماكن الصيانه الله يكرمكم

**Islam Amer** · 14-03-2009 02:35 PM

الف مبروك وربنا يكفيك شرها

انا مش هقدر اكلم طالما الاخ تامر عمل الواجب

**A.Elsheikh.01** · 14-03-2009 03:09 PM

ممكن تجرب حركه كانت بتفيد
والى هي انك تفصل كابل الموجب من العربيه وبعد كده تقوم مرجعه تانى طبعا العداد هيصفر وكده بس الحركه دى للازاز
هاتيجي تبرمج الازاز الى عندك وهو انك هترفع الازاز وتفضل دايس على الزرار لحد ما تسمع تكتين ورا بعض بثانيه وبكده يبقى اتبرمج معاك :)والحركه دى على كل الازاز الكهربا الى عندك :)