سورن الايرانية ..

**Terrible_DaRsH** · 14-03-2009 06:12 AM

(الموضوع منقول) .
---
رغم العقوبات و حرمان ايران من الاستيراد الى انها لم تستسلم و صنعت هذه السياره (سورن)

التي تحدت الغرب

مع العلم ان ايران دوله واحده فارسيه
و من غير خبراء من اليابان ولا المانيا

وهذه صور السياره

**meemo the beast** · 14-03-2009 06:32 AM

مفيش معلومات اضافية عنها يا درش و اذا كانت حتيجي مصر و لا لأ؟

**Terrible_DaRsH** · 14-03-2009 06:49 AM

لا والله معرفش هتتصدر ولا لا

بس اللى اعرفه انها نزلت السوق هناك ومحققة نجاح كبير خصوصا ان الايرانيين مقاطعين السيارات الامريكية .

وسمعت ان امريكا بتحاول تقفل المصنع ده (والله اعلم) صح ولا غلط .

وعلى فكرة الخليجيين بيحسدونا على مصنع نصر اللى اتقفل واحنا كنا بنقول يا ريته يتقفل علشان زهقنا من الشاهين وال 28 !!

ادخل على منتديات الخليج كده هتلاقى كله فرحان ان مصنع نصر اتقفل علشان البلاد العربية كلها تبقي زى بعضها ( حتى فى الخيبة ) ..

وبيتمنوا الفشل لسورن الايرانية :(

بصراحة العرب دول شيء يكسف والله :(

**أشرف فتحى** · 14-03-2009 07:37 AM

العربيه دى انا شوفتها فى بارك قريه البضائع اكتر من مره وكنت محتار دى ملتها ايه واعتقدت انها من العربيات الصينى المجهوله الهويه
هى شكلها جامد اوى بس مش زى ماهى باينه فى الصور يمكن تبان اصغر شويه فى الواقع

**crazylambada** · 14-03-2009 09:56 AM

العربية نزلت مصر باسم سمند
و موجودة في مصر ب78 الف جنيه
و فيها موتور البيجو 307 على فكرة

**karmoty** · 14-03-2009 12:12 PM

شكرا عالموضوع اللي يغيظ ده يا اخ درش بس والله بالرغم ان مصنع النصر كان بيطلع عربيات مش قد كده بس اهي كانت صناعة وخلاص، ثم ان مين قال ان ال128 والشاهين وحشين على مصر، بس بجد ايران دي تجنن واللي بيتعمل دلوقتي في ايران على ايد احمدي نجاد بيفكرني باللي قريته وسمعته عن الريس عبد الناصر الله يرحمه
بس بجد العربية شكلها جااااااااامد بس اعتقد الشعار ده كان نازل عالعربية البيجو الايراني صح ولا انا غلطان؟
انا برضه شفتها قبل كده وكنت فاكرها صيني بس و الله الايرانيين دول عفاريت زينا برضه"احنا كنا سابقين "للاسف(كنا)
سلامو عليكو