رايح السويس بكره إن شاء الله

**أشرف فتحى** · 14-03-2009 07:56 AM

ممكن حد يدلنى على طبيعه الطريق والكماين والرادار ظروفها ايه؟؟
انا عارف الطريق بس بقالى فتره ممشتش فيه ومحتاج رأى اخوانى امشى ازاى؟؟؟

**kliken** · 14-03-2009 03:46 PM

بص يا باشا الطريق كويس الى حد كبير مفيش نقر كبيره او حاجه ممكن اقولهالك تخلى بالك منها مفيش حاجه كبيره اوى
الرادار بيعملوه يا اما بعد الشروق على طول يا اما قبل البنزينه اللى على ايدك الياليمين فى الطريق يعنى حضرتك هدى من عند الشروق لغايه البنزينه مسافه 10 كم تقريبا لان المنطقه فيها شجر فى الجزيره اللى فى نصف الطريق و بيحطوا فيها الرادار
و مره شفت الرادار محطوط قبل كمين ال 109 اللى قبل السويس على طول بحوالى 22 كم
و ساعات بعد الكمين بيحطوا رادار برضه عند معسكر للجيش هناك يعنى يفضل تمشى بعد الكمين 10 كم من غير سرعه
و تيجى بالسلامه يا باشا و تنور السويس
و لو عوزت اى حاجه تحت امرك