أسعار الميجان - 2008

**dragonsmith** · 05-09-2007 06:46 PM

السلام عليكم،

امبارح كنت في معرض توكيل رينو ضمن رحلة البحث عن سيارة المستمرة من أول السنة.

أنا كنت رحتلهم في مارس على ما أتذكر و كان عندهم عربيات ميجان سيدان كتير موديل 2006 بالاضافة لموديلات 2007. المرة دي مفيش غير عربيتين موديل 2007 بس. مش عارف بقى ده عشان المبيعات زادت ولا عشان الكمية المستوردة قلت ولا تخلصوا منهم عن طريق الموزعين (السبع و طارق اسماعيل لحد الأسبوع اللي فات بس كان عندهم 2006 و 2007).

موديلات 2008 زاد فيها اللون الأزرق الزهري اللي كان موجود في الهاتشباك بس و للأسف الموتور ما بقاش مغطى بالكامل زي 2007. الموتور شكله مش حلو الحقيقة و مفيش أى حاجة توحي انه موتور رينو بس المسئول هناك أكد انه نفس موتور ال 2007.

الفئات تقريبا زي ما هي مع اضافات بسيطة:

1) المانيوال ودي فيها كل حاجة...6 وسادات هوائية - 4 زجاج كهرباء تاتش - ABS + EBD - مرايات كهرباء - كاوتش 15 بوصة و طاسات - ايموبيليزر - مثبت و محدد سرعة - باور ستيرنج كهربائي - كارت رينو و سنتر لوك و ريموت - ستائر للزجاج الخلفي و الزجاج الجانبي في الخلف - كمبيوتر للأعطال والمعلومات - مصابيح ضباب - تكييف هواء عادي - CD + MP3.
السعر - 118000 جنيه

2) الأوتوماتيك بنفس مواصفات المانيوال - ستيبترونيك 4 سرعات
السعر - 127000 جنيه

3) الأوتوماتيك السابقة و بيزيد عليها...المرايات ذات الطي الكهربائي و الكاوتش ال 16 بوصة و الجنوط السبور و التكييف الأوتوماتيك و مسند في الكنبة الخلفية.
السعر - 135000 جنيه

4) الموديل ده هيزيد فيه فتحة سقف و فرش جلد في قماش أو جلد كامل (أسود أو بيج)
السعر لسه متحددش.

الضمان 3 سنوات أو 100 ألف كم.

الصيانة كل 5000 كم. الصيانات اللي على 5000، 15000، 25000....مجانية. الصيانات اللي على 10000، 20000، 30000....اللي بيتحاسب عليها.
هما بيستعملوا زيت شل و توتال حسب المتوفر و رغبة العميل و بيفتحوا مركزين صيانة جداد في أبو رواش و على الطريق الدائري بعد توكيل BMW.

حسب كلام المسئول هناك العربية مبتحتاجش تليين خالص. حد عنده فكرة الكلام ده صح و لا لأ؟
أنا خايف من حاجة واحدة بس و هي سحب العربية الأوتوماتيك. حاسس ان وزنها تقيل و العزم الأقصى عالي بس على 4200 RPM فحاسس انها هتبقى بلاعة بنزين جوا البلد عشان هحتاج أحرق كتير. حد ممكن يفيدني؟

شكرا جزيلا.

**Sharky** · 05-09-2007 08:43 PM

حسب كلام المسئول هناك العربية مبتحتاجش تليين خالص. حد عنده فكرة الكلام ده صح و لا لأ؟
أنا خايف من حاجة واحدة بس و هي سحب العربية الأوتوماتيك. حاسس ان وزنها تقيل و العزم الأقصى عالي بس على 4200 RPM فحاسس انها هتبقى بلاعة بنزين جوا البلد عشان هحتاج أحرق كتير. حد ممكن يفيدني؟

أنا فعلا قالولى كده إن الميجان مش محتاجة تليين نهائى
سحب السيارة الأتوماتيك أنا شايف إنه حلو جدا و تسارعه جبد جدا
بالنسبة للبنزين لما بكون حارق عليها بتعمل متوسط 10.5 لتر لكل 100 كم لكن لما أبقى سايق عادى بتعمل تقريبا 9.5 لتر لكل 100 كم

**M_Abdallah** · 05-09-2007 10:37 PM

الف شكر ليك يا dragonsmith ويا sharky علي المعلومات دي بس لو تكرمتوا عايز أعرف شكل الجنط 16 ل2008 للموديل السيدان اللي في الصورة رقم واحد ولا رقم اتنين

**معاذ الشرباصى** · 05-09-2007 10:47 PM

الاتوماتيك سحبه حلو جدا و استجابته جيدة

ده غير انك ممكن تحول للمانيوال اذ احتجت تسارع اعلى او تشد لمسافة معينة

**M_Abdallah** · 05-09-2007 11:09 PM

والف شكر ليك كمان يا معاذ.

_____________
محمد عبدالله

**dragonsmith** · 06-09-2007 02:32 PM

السلام عليكم،

عايز أعرف شكل الجنط 16 ل2008 للموديل السيدان اللي في الصورة رقم واحد ولا رقم اتنين

بالنسبة للفئة 3 المذكورة فوق الشكل بيكون زي اللي في الصورة رقم 1 و للفئة 4 بيكون زي اللي في الصورة رقم 2 أو كلاسيك زيادة شوية (10 بارس بدل 9).

شكرا.

**dragonsmith** · 06-09-2007 02:34 PM

أنا فعلا قالولى كده إن الميجان مش محتاجة تليين نهائى
سحب السيارة الأتوماتيك أنا شايف إنه حلو جدا و تسارعه جبد جدا
بالنسبة للبنزين لما بكون حارق عليها بتعمل متوسط 10.5 لتر لكل 100 كم لكن لما أبقى سايق عادى بتعمل تقريبا 9.5 لتر لكل 100 كم

الاتوماتيك سحبه حلو جدا و استجابته جيدة

شكرا جزيلا يا معاذ و يا Sharky.

**dragonsmith** · 18-09-2007 01:53 AM

3) الأوتوماتيك السابقة و بيزيد عليها...المرايات ذات الطي الكهربائي و الكاوتش ال 16 بوصة و الجنوط السبور و التكييف الأوتوماتيك و مسند في الكنبة الخلفية.
السعر - 135000 جنيه

السلام عليكم،

النهارده رحت المعرض اللي في العبور و اكتشفت ان الموديل ده ال CD بتاعه مبيشغلش MP3!!!
في حاجة كمان ان الباكيتات الجانبية و الاكر بنفس لون العربية و السعر 136000 مش 135000!!

شكرا.

**bahgat_325** · 04-10-2007 03:16 PM

أنا رحت معرض رينو اللي في سور نادي الزمالك واكتشفت ان في كذا فئة كالتالي:
1 - المانوال وده سعره 118 الف والعربية فاضية تماما
2 - اوتوماتيك يبدأ من 125 ألف ودي اوتوماتيم بس ومفيش ستيبترونيك
3 - أوتوماتيك وستيبترونيك وفيها كل حاجة ماعدا فتحة سقف 136 ألف
4 - أوتوماتيك وستيبترونيك وفيها كل حاجة بالإضافة إلى فتحة سقف 143 ألف
5 - أوتوماتيك وستيبترونيك وفرش جلد للعربية كلها منقط بأحمر (شكله جامد) والأكر كروم بتابلوه كروم (اسمها سبورت) 150 ألف ودي أعلى حاجة موجودة ومفيش أعلى من كده
الموديلات 3 و 4 و 5 كلهم جنوط 16 بوصة الشكل الجديد وكمان كاوتش ميشلان او كونتيينينتال - MP3 - سنسور مطر - سنسور نور - تكييف تتش. الموديل الأخير هو الوحيد اللي في مسند خلفي بالكنبة ودي اغرب حاجة لأنها كانت موجودة في 2007. بالمناسبة موديلات 2008 كلها اسمها اكستريم مش ستيت زي ما قريت في المنتدى.
أهم معلومة أم الشكل هيتغير فعلاً في أكتوبر 2009 ودي حاجة كويسة لسه فاضل سنتين.
لو حد عنده أسئلة أنا تحت أمركم