استفسار عن العفشة والمساعدين!

**MMamdouh** · 15-03-2009 01:50 PM

انا لسة مغير المساعدين الاصلية فى عربيتى و كانوا عاملين 88 الف... و كان انشف مساعد فيهم زى منفاخ الهوا بتاع العجلة

اعتقد المساعدين عندك خلاص عملوا اللى عليهم و زيادة و محتاجين تغيير... و طبيعى مع التغيير دة بتجيب طقم بطاحات و كوبايات و بالتالى حتشد العفشة شدة تمام

ممكن تحتاج كاوتش ميزان او جلب مقصات بس دى رفايع يعنى و حتبان اول ما تفك العفشة

MMamdouh

**MMamdouh** · 15-03-2009 03:08 PM

انا جبت مساعدين مونرو ب 750 جنية

البطاحات و الكوبايات عملوا 200 جنية

MMamdouh

**samirayad** · 15-03-2009 03:40 PM

بالعكس لو فيه مرونه فى اليايات زياده عن اللزوم......العلايات حتعوض الفرق فى المرونه ده بعد تجميع الركب والرباط كويس..............وأسأل مجرب .................ولسه موجودين والحمد لله على قيد الحياه

**MMamdouh** · 15-03-2009 03:56 PM

انت بتتكلم عن تعويض الرتفاع اللى فقدتة السوستة بسبب عنصر الزمن... يبقى لازم تجيب علاية نفس تخانة المسافة اللى فقدتها السوستة... و حتى لو عملت كدة حتفضل السوستة ضعيفة و غير مطابقة لمواصفات المصنع

MMamdouh

**samirayad** · 15-03-2009 04:10 PM

مش شرط أن المرونه تكون بسبب عنصر الزمن وخلافه........ما أنا اليايات عندى وأنا شارى العربيه كانت ملبن وكنت حبيع العربيه علشانها.......وعملت كده وكله تمام والحمد لله. وبقالى بيها سنتين أهو على قيد الحياه والحمد لله...........................ولو شفت العربيه مش حتعرف أن أتعمل فيها حاجه أصلا .......ولامشمره رجليها ولا بنطلونها طويل (يعنى عشره على عشره ......وكله بفضل الله )

_ وعلى فكره الثبات وخلافه ميه ميه.....

**MMamdouh** · 15-03-2009 04:15 PM

فيه فرق يا سمير انك بتعالج هبوط حصل فى ارتفاع العربية نتيجة الاجهاد او الزمن و بين انك تركب علايات و خلاص

لو انت اشتريت عربيتك و كانت واطيه زيادة عن اللزوم يبقى العلايات حترفع العربية لمستواها الطبيعى بفرض ان تخانة العلاية تساوى فرق الارتفاع بين عربيتك و اى عربية طبيعية

اما لو الارتفاع طبيعى و انت حاسس ان السوست طرية فا استخدام العلايات مش حيخللى السوست تبقى انشف لكن حيرفع مستوى العربية عن الطريق و دة زى ما شرحنا قبل كدة بياثر بالسلب على ثبات العربية و تماسكها مع الطريق

MMamdouh

**samirayad** · 15-03-2009 04:26 PM

والله يا أبو حميد......أنا غيرت الأثنين الخلفين بالأمامين بتوع الا نوس ......وكمان حطيت علايتين سمكهم حوالى 2.5 سم للواحده ( والسست الأصليه عندى فى الجراج تحت فى كرتونه )....وما أشتغلوش يمكن أسبوعين .......وكنت كل ما أعدى على مطب كان سكاكين عماله تنشر فى جتتى ......وكنت حبيع العربيه وحاسس أن أنضحك عليا...........وأساسا صعب أن ينضحك عليا (بس هى جات كده...!!!!).......ولو شفت العربيه دلوقتى ومسيرنا حنتشرف بلقائك (حينما يريد المولى ).........مش حتلاحظ أى أنقلاب للعفشه ...............وطبعا لما قعدت حللت الموضوع مع نفسى ( أتضح ليا أن كل اللى حصل هو زيادة كزازه اليايات (يعنى قوتها )....علشان الأمامين فى أى عربيه بيكونوا شايلين بلاوى عن الخلفين ( وحظى طلع أن بتوع الانوس نفسهم بتوع النوبيرا من الخلف ).....................وعامه أنا شايف الموضوع ده بيرجع لرغبة كل واحد ( أصل أنت ما تعرفش المطبات عندنا فى طنطا وبسيون عامله أزاى ) حتى لو موت العربيه على المطب وعلى الأول ولو خدت المطب برضه بحركه ثعبانيه...................................� �موما دى أعتقد أنها حرية قرار خاصه بكل واحد.................تقبل تحياتى