المشاركة الأصلية كتبت بواسطة just_poss
للأسف نسبه كبيره من الناس الي قالت رأيها بالايجاب عن التيدا هما هما بيدخلوا اي موضوع على التيدا عشان يدافعوا عن عربيتهم وعن اختيارهم.. والي هياخد بالكلام المجرد من غير ما يشوف العربيه ويجربها هيرسملها صوره اسطوريه في دماغه ويتهيأله ان العربيه ديه فرصة العمر وتستاهل اكتر من سعرها ويا يلحق يشتريها دلوقتي يا ميلحقش.. في حين ان الواقع انها عربيه كويسه بحكم فئتها السعريه بس مش مميزه خالص ومش بتلبي كل الازواق.. الحاجه بجد الي تزعل ان الناس المنحازه لعربيتها هما دول الي المفروض ناخد منهم المعلومه الصح وناخد منهم الكويس والوحش عن العربيه بحكم تجربتهم وده الغرض الاساسي للمنتدى.. مش انا واحد معاه قرشين محتار يشتري ايه يدخل المنتدى ويستلمه مجموعه من ملاك التيدا او الكورولا او الميجان او او ويلعبو في دماغه وفي دماغ ناس تانيه اكتر بتدخل تدور على جوجل ويطلعلها نايل موتورز والكلام الي مكتوب على نايل موتورز الي ساعتها بيكون قلته احسن
عموما خلاصة الكلام عن التيدا.. العيوب بس عشان كفايه الاشعار الي اتقالت عن مميزاتها:
1- الثبات بعد ال 120 سئ جدا.. مش بعد 150 ولا 160 زي ما الساده ملاك التيدا ما بيقولو.. بعد ال 120 يا باشا مش هتقدر تحافظ على الحاره بتاعتك بسهوله.. بعد ال 120 لو فيه نسمة هوا هتطوح فيك يمين وشمال.. المشكله ان العربيه ديه قريبه جدا من الامبريزا واللانسر الشارك والفوكس والكورولا لو زودت شويه وكل دول احسن منها بمراحل
2- الناس الي بتقول ان العربيه من جوا الفخامه والشياكه والحمار والحلاوه.. ده شيء طبيعي جدا.. كل الي في سعرها وسعات اقل منها بس اشيك من جوا.. وتقريبا كل الموديلات الي قلتها في النقطه الي فاتت اشيك منها.. بس في الاخر ده موضوع اذواق
2- لو سواقتك عنيفه شويه.. اوعدك انك هتفكر الف مره قبل ما تعمل غرزه ضيقه على الدائري.. انا دورت على وزن التيدا بالظبط لقيته فوق ال 1200.. يعني العربيه مش خفيفه قوي.. مش عارف ليه الشعور البغيض ده ان العربيه خفيفه بزياده.. سواء كنت سايق او قاعد على اليمين.. يعني الخلاصه لو سواقتك عنيفه التيدا مش هتنفعك
3- مش هتشوف الكبوت وهتاخد فتره عشان تتعود على ابعادها.. ديه ممكن تكون مشكله في الاول بس
انا مش معايه تيدا ولا عندي مشاكل مع حد معاه تيدا.. هنا في الخليج التيدا فيه منها كتير.. والاسباب كالتالي:
1- عربيه صالون تعتبر رخيصه جدا.. في الخليج.
2- توكيل نيسان في قطر من اقوى التوكيلات تقريبا بعد تويوتا.
3- الهوس بالياباني بصفه عامه.
4- السبب الاكبر.. ان اكتر من 75% من التيدا الي في الشوارع متأجره ومكاتب التأجير بتفضل العربيه ديه عشان رخيصه وصيانتها تعتبر رخيصه جدا مقارنتا بالكورولا وباي حاجه في الهوندا الله يحرقهم
5- توكيلات الموديلات الالماني والكوري واي حاجه عدا الياباني مش عارف ليه نايمين على روحهم كده.. لا عارفين يسوقوا لعربياتهم ولا الناس عارفه عربياتهم اصلا.. باستثناء البي ام والمرسيدس.. ود كله بيصب لصالح الياباني
ده الي عندي والله اعلم