الموضوع: سؤال عن الكيا بيكانتو أرجو الافادة

السلام عليكم و رحمة الله و بركاته
أنا يا جماعة اشتريت كيا بيكانتو 2008 من شهر 5 اللي فات من معرض عربيات اللي في المهندسين , الحقيقة اني بعد ما كنت استلمتها بوقت قليل جدا(قبل الترخيص) بدأت اسمع صوت عالي جدا من عند العجلة الشمال اللي ورا الصوت ده كان بالظبط بعد يوم واحد من شراء العربية و كنت بسمعه و أنا بفرمل المهم وديت العربية لمعرض عربيات قالوا ده أكيد حاجة مش مربوطة و انهم هيودوها التوكيل و رفضوا انهم يبدلوا العربية بواحدة تانية ,المهم أخدت منهم العربية تاني بعد يومين و بردو سمعت الصوت تاني!!!!!
طبعا رحت تاني و عملت خناقة هناك كبيرة و بما اني بنت كانوا مستهبلين على الأخر لحد ما أعدت أزعق و قلتلهم اني مش عايزة العربية أنا مش جايبة عربية زيرو عشان أصلح فيها قبل حتى ما أرخصها , المهم بعد مشاكل كثيرة و بردو رفضوا اني أستبدلها ( و كان السبب ان العربية مشيت كتير!!!) في حين النهم هما اللي مشيوا بيها لحد التوكيل و رجعوا بيها!!!
المهم الموضوع وصلته لصاحب المعرض و هو الحقيقة شخص محترم جدا و قال أسيب العربية و هما هيتصرفوا و بعد يومين كلموني و قالوا ان السيارة جاهزة و انهم ودوها تاني للتوكيل و المشكلة اتحلت خالص و كمان لقيتهم ركبولي CD player هدية من المعرض عشان عربيتي مكنش فيها ز
المهم خلصت المشكلة فعلا و العربية كانت ماشية تمام والحقيقة ان سواقتي لها قليلة جدا و استهلاكي قليل جدا ومن شهر كده سمعت الصوت تاني!!!! و المشكلة اني أصلا مش عارفة ده صوت ايه لأن أنا مبفهمش في العربيات ,الصوت بيروح و يجي و كتير مش بسمعه
حد يعرف ده ممكن يكون صوت ايه؟؟؟ و المفروض أعمل ايه؟؟؟
أنا لسه موصلتش لل 5000 كيلو ,أنا بقول أستنى لحد ميعاد الصيانة و أشوف بس ياريت حد يفهمني ده ممكن يكون ايه عشان ميضحكش عليا
أنا عارفة اني طولت عليكوا بس عندي سؤال تاني ,حد يعرف سعر تركيب الانذار و السنتر لوك و الزجاج الكهربائي في التوكيل ؟؟؟؟؟ و هل فعلا لو ركبت الحاجات دي بره التوكيل العربية بتخرج من الضمان؟؟؟؟؟؟ و لو مش بتخرج من الضمان حد يعرف أحسن الأماكن لتركيبها بالأسعار؟؟؟

شكلرا على الوصفة asaadte لأني فعلا مكنتش عارفة المكان بالظبط فين
maro333 الصوت تقريبا هو اللي انتي قصدك عليه لأني في الأول كنت فاكرة انها حاجة بتخبط في الشنطة و بردو افتكرت انها حاجة معلقة في العجلة بس طلع مش ده السبب بس أنا سمعت الصوت بعد ما جبت العربية بيومين بس:(
و عيب بقه الصوت ده انه بيروح و بيجي فعلا و ساعات بيختفي و ساعات يعلى أوي ,أنا كمان أول ما الصوت ده طلع و وديت العربية لشركة عربيات ,المدير بتاعهم جرب يسوقها و أنا معاه و الصوت مطلعش و كان شكلي كأني مجنونه أو بيتهيألي لولا اصراري ان في صوت فعلا و اصراري انهم يجربوها تاني مكنش حد صدقني و فعلا سمعوا الصوت بعد كام لفة مع انه مكنش بيبطل و أنا سايقة لوحدي بيكون صوت تكتكة عالية مع الفرامل
ان شاء الله هوديها التوكيل و يارب بس متعملهاش معايا و الصوت يروح ساعتها و أول ما هعرف ده صوت ايه هقوللك عشان تعرفي لو هو نفس الصوت تتصرفي ازاي