مش عارف انام ممكن تحلولى مشكلتى

**eng.octooo** · 14-03-2009 06:01 PM

بسم الله
انا عاوز رد محترم والناس الى بتقول تعليقات سخيفة مش لازم اوى ياريت تنصحونى لانى بجد خلاص

اولا انا لسة فى اولى هندسة
وتعرف على واحدة زى القمر والكلام بينا خفيف فجيت من كام يوم قلتلها اية رائيك فى الاستقرار والحياة تكون جد والخطوبة تكون على سنة تالتة او رابعة
قالتلى انا مابافكرش فى الموضوع دة خالص دلوقتى
قلتلها اى واحد او واحدة بيدور على الاستقرار
قالت بس مش عارفة انا مفكرتش خالص لافيك ولا حد غيرك (وانا باصدق كلامها) فى حاجة زى دى
قلتلها طيب موقفك اية ممكن تفكرى او تتكلمى مع حد من بنات العيلة او اصحابك واحدة بتثقى فيها وتردى عليا قالتلى خليها على الله

فدلوقتى مش عارف انا كدة عملت الى عليا ولا اتسرعت ولا اية وانا قصدى وضحتة لها وقلتلها الموضوع قسمة ونصيب وكلمة اة او لا مش هاتزعل اى حد او هاتقلل الاحترام الى بينا
فدلوقتى انا كدة اتسرعت ولا انا باتكلم بجد وموقفى صح ؟ بجد ردوااااااااا وبالذات بنات المنتدى هما الى هايفهموا الموقف بجد ردوا لانى مش هاروح الاكاديمية غير لما اعرف مين فينا الى غلطان

**A_A_ELAZIZ** · 14-03-2009 06:15 PM

متزعلش منى بس انا حاسس انك غلطان وكمان اتسرعت هو انت معلش اخت راي حد من اهلك زي والدك وولدتك و اتصرفت من دماغك وكمان انتى بتقول انك لسه في سنة اولى يعنى لسه بدري اوي على الخطوبة والكلام ده من وجهه نظر زميلتك يعنى بصراحة هيا معها حق وياريت متزعلش منى

**KHALED AYMAN** · 14-03-2009 06:21 PM

والله انا فى اولى زيك يعنى المفروض دماغنا واحده ...
بس انا حاسس انك اتسرعت شويه ...(و مش قصدى انه لسه بدرى على الخطوبه) لا انا كان قصدى انك تستنى شويه على ما يبقى بينكو كلام اكتر شويه فبالتالى انت كنت هتعرف دماغها و هتعرف هى بتفكر ازاى بدون ما تسألها ...

متزعلش منى بس ده رأيى و ممكن يكون غلط ..

**icehearted girl** · 14-03-2009 06:22 PM

طب اتكلم بصراحة

أولا موقف حضرتك مش غغلط تماما دا قمة الصح

مش عارفة مين ممكن يعترض علي واحد طالب حاجة حلال منواحدة

وراح قالها كدا ضوغري ...انت مية مية

بس تسمحلي انتقدك في بعض النقاط

أولا سيدنا محمد عليه أفضل الصلاة والسلام قال(من استطاع منكم الباءة فليتزوج) صدق رسول الله صلي الله عليه وسلم

وانت فعلا طلبت الزواج

طب هو انت تستطيع الباءه؟؟؟

هتقولي اه والدي واهلي هيساعدني في الشقة والتكاليف وكل دا

طب هو دا مفهومك عن الباءة؟؟؟

طب مين هيصرف عليك وعليها بعد كدا

مفكرتيش هي هتبصلك ازاي ؟؟

هتقلي لالالالا احنا لسه صغيرين احنا هنتخطب مثلا بعد تالته او رابعه

يعني كمان سنين

طب وهو انت بتقلها دلوقتي ليه؟؟؟

مادمت لا تستطيع الزواج الآن؟؟

ياتري كلمتها بمنطق انك تلفت نظرها ليك وتحجزها زي مبيقولوا؟؟

طب علاقتكو هتكون اي السنين اللي انت حاجزها فيها دول من دون زواج او خطوبة رسمية

أكيد هيحصل ما لا يحمد عقباه

دلوقتي كان حضرتك غرضك وكلامك سليم ميه فلميه بس حسيت انه بيشوبه بعض المشاكل اللي وضحتهالك

معلش اذا كان كلامي قاسي شوية بس اعتبرني اخت كبيرة ليك

لو البنت دي وافقت

اتمني

اتمني

انكم متتفقوش انكم تبقوا علي علاقة بعلم الاهل زي مبسمع اليومين دول ..وربنا يستر

ولو البنت رفضت

يزيد احترامك ليها لانها كانت واضحة معاك مالبداية

**eng.octooo** · 14-03-2009 06:38 PM

شكرا بس انا عندى شوية حاجات عاوز اقولها
انا اهلى موافقين وانا اتكلمت معاهم بشكل عام مش عليها هيا وقالولى الى ترتاحلها قول عليها وموضوع الشقة فالحمد لله موجودة 3 عمارات فى 6 اكتوبر الحمد لله
و2 مكتبين (عقارت وتصميمات هندسية) يعنى الحمد لله يعنى الشغل والسكن مفيهمش اى مشاكل خالص وراى الوادين ودة الاهم برضة مفيهوش مشاكل
وانا مازعلتش من اى حاجة من كلامكم بس انا عملت كدة لانى حاسس اننا تمام مع بعض انا قلت كدة علشان الموضوع يتبنى مع بعض براحتة يعنى الخطوبة هاتكون 3 او 4 والجواز بعد التخرج بسنة مثلا وانا قلتلها كدة علشان ماتفتكرش انى بالعب وباهزر معاها انى انا باتكلم جد وشكرا على الردود

**eng.octooo** · 14-03-2009 06:41 PM

انكم متتفقوش انكم تبقوا علي علاقة بعلم الاهل زي مبسمع اليومين دول ..وربنا يستر

لا لا لا لا دة انا حتى قلتلها ممكن تتكلمى مع والدتك شوية وتحكيلها الموقف و لو كدة ممكن يكون قراءة فاتحة بس مش اكتر لحد سنة ثالثة او رابعة بس هيا مش عارف دماغها اية مع انها لما بتتكلم معايا باحس انها بتدور على الاستقرار وكدة ودة الى شجعنى

**HeMa_LanCeR** · 14-03-2009 06:41 PM

كان باردو لازم تستني
انت شايف انها مظبوطه ليك
لكن تفتكر هي شايفه انك مظبوط ليها ؟

**eng.octooo** · 14-03-2009 06:52 PM

كان باردو لازم تستني
انت شايف انها مظبوطه ليك
لكن تفتكر هي شايفه انك مظبوط ليها

سؤال قعدت ادورلة على جواب لحد ما كنت باتكلم معاها وقعدت تمدح فيا بطريقة رهيبة طبعا انا وقتها قلبت الموضوع هزار وقلتلها لو انا كدة صح يبقى هاروح الجنة وشوية كلام كدة وبعدين عرفت من صاحبتها انها بتقولهم الكلام دة عليا بجد انا مش عارف انام

**نور القمر** · 14-03-2009 06:53 PM

عايزرأيي يا اكتو من غير زعل ولا حساسية
بلاش ترتبط في السن الصغير ده علشان المشاعر في السن ده مش بتكون ثابته وكل يوم هاتلاقي نفسك في حالة غير التانية وحتى لو انت متأكد من مشاعرك هتتأكد ازاي من مشاعرها
متنساش ان انتم الاتنين لسه في اواخر مرحلة المراهقه
بعد ما تتخرج ان شاء الله هتكون انضج وتفكيرك انضج وتفكير اللي هترتبط بيها انضج وهتقدروا تحددوا مشاعركم صح وتحققوا احلامكم صح وتخططوا لحياتكم صح

-

الموضوع: مش عارف انام ممكن تحلولى مشكلتى

LinkBack

أدوات الموضوع

عرض

مش عارف انام ممكن تحلولى مشكلتى - انشر الموضوع فى :

-

-

-

-

-

-

المواضيع المتشابهه

مش عارف انام

ازاي اعرف انام بسرعة ، عندي ارق مزمن ؟ ومش عارف انام

مش عارف انام ! ، ازاي اعزل الصوت ؟

مش عارف انام و بحلم بكوابيس ؟؟؟!!!

موش عارف انام

الكلمات الدلالية لهذا الموضوع

المفضلات

المفضلات

ضوابط المشاركة