لو سمحتو يا جماعه انا عايز اعرف لو حبيت ابيع العربيه دى تجيب كام ؟؟
المواصفات اهه:
*ماشيه 130000 كم كتير انا عارف بس كلهم سفر .
*فابريكه بالكامل ما عد الدواير بتاع الرفارف رشتها من جوا علشان بتجيب برومه و ده عيب فى الموديل كله .
*صيانه بالتوكيل و الفواتير موجوده.
*فرش جلد
*زينون عالى وواطى و اللمض الاصليه موجوده.
*جنوط مومو 16 بكاوتش جديد (الكاوتش مبقالوش شهر) بس الحق لله الجنط فيه عوجه ..
و الكاوتش الاصلى و الجنط الاصلى موجودين.
*سى دى تشانجر 10 اسطوانات كينوود +سماعتين بيونير و السى دى الاصلى بتاعها موجود.
*مغيره طنابير اماميه (فى الصيانه)
الحاله العامه من الخارج ممتازه يكفى ان اقولكو ان فيها بالظبط 3 حكات :
1-حكه فى الاكصدام الى ادام و تطلع بالبوليش.
2-نقره فى الباب الى ادام يمين .
3-حكه فى الاكصدام الى ورا (و مش باينه نهائى)
حاله الصالون جديد ...
ده الى انا فاكره حاليا
يا ريت تقولولى سعرها كام لان سعرها محيرنى و بسمع فيها 50 الف ...
و من فتره كان فى زبون ووافق على 90 الف بس انا رفضت لانى ملقيتش حاجه اجيبها ..