جنط للماروتى

**m7nsh** · 14-03-2009 08:01 PM

كنت عاوز استفسر من حضراتكم مقاس الجنط المناسب للماروتى علما بانها بتنزل بجنط 12 و كاوتشات مقاس 145/70 R12

و بما انها زيرو و ممشيتش الا حوالى 5 شهور ,, فلو حبيت اغير الكاوتشات لكاوتشات اعرض و اكبر و اركب جنوط اكبر (13 او 14 ) و ابيع اللى عندى ,, حسبه كل حاجه لوحدها تدخل فى كام ؟؟

و شكراااا

**m7nsh** · 15-03-2009 05:30 PM

من فضلكم يا جماعه لو حد عنده اى معلومه ياريت ميبخلش بيها

و شكرا

**maruti19623** · 17-03-2009 04:27 AM

بص ياسيدى انا معيا ماروتى وبصراحه مبهدلها انا مجنون جرى وبشد مع ناس كتير هى لسه 2008 وانا من اسماعيليه المهم الجنوط لازم تكون محسوبه بالملى علشان العفشه بتاعه العربيه والمعروف ان الماروتى ضعيفه وثباتها قليل بس الجنط بيزود الثبات المفروض اخرنا جنط 13 والعرض يكون مش كبير لان العربيه صغيره وبعدين لازم تحسب مقاس الكاوتش علشان مكانه صغير وممكن ياثر فى العربيه نفسها بس انا الكاوتشات اللى نازله معاها زباله نوع مش حلو good year مش كويس انت رايك من راى انا ولا ايه؟

**mrghost** · 17-03-2009 02:17 PM

بص ياسيدى فى واحد بشوفه عن الكليه بتاعتى راكن عربيته ماروتى مجنطها وعامل فيها شغل كتير ان شاء الله هاشوف مقاس الكاوتش عنده كام واقولك

**m7nsh** · 17-03-2009 07:38 PM

المشاركة الأصلية كتبت بواسطة maruti19623

بص ياسيدى انا معيا ماروتى وبصراحه مبهدلها انا مجنون جرى وبشد مع ناس كتير هى لسه 2008 وانا من اسماعيليه المهم الجنوط لازم تكون محسوبه بالملى علشان العفشه بتاعه العربيه والمعروف ان الماروتى ضعيفه وثباتها قليل بس الجنط بيزود الثبات المفروض اخرنا جنط 13 والعرض يكون مش كبير لان العربيه صغيره وبعدين لازم تحسب مقاس الكاوتش علشان مكانه صغير وممكن ياثر فى العربيه نفسها بس انا الكاوتشات اللى نازله معاها زباله نوع مش حلو good year مش كويس انت رايك من راى انا ولا ايه؟

كلامك سليم اوى يا باشا و فعلا عشان كده انا قلت اسال الأول ,, و بتهيالى لو ركبلها 13 مع كاوتشات اعرض شويه هتبقى ميه ميه ,, بس قولى انت مركب جنط او حاجه ولا لسه زى حالاتى ؟

المشاركة الأصلية كتبت بواسطة mrghost

بص ياسيدى فى واحد بشوفه عن الكليه بتاعتى راكن عربيته ماروتى مجنطها وعامل فيها شغل كتير ان شاء الله هاشوف مقاس الكاوتش عنده كام واقولك

ياريت بجد يا جوست بجد تبقى خدمتنا ,, و ياسلام بقى لو قلتلنا هو مظبط ايه تانى فيها تبقى عملت معانا الصح

و الف شكر مقدما يا رجاله