احذروا التعامل مع هؤلاء فى الاسكندرية

**strongxx** · 15-03-2009 01:54 PM

وانا مقولتش انه ميكانيكي ؟؟؟

حد قال انه ميكانيكي ؟؟؟؟

انا كنت بتكلم في سيره الزوايا ولما حصل معايا موضوع الصاموله إلي فوتت واتنحلت دي كان مجدي بنفسه هو إلي قرط عليها ونحلها وقالي كده خلاص والعربيه اتظبطت وكله بقه ميه ميه...ولولا أني رجعت تاني لان الطاره مكنتش معدوله رجعت تاني لعاطف الله يكرمه علشان يعدلها لي وطلعنا انا وهو علشان نجربها حد بحاجه وقالي تعالي نرجع الورشه تاني و كشفها لي كان المقص زمانه ملص مني وانا بطير علي الكورنيش لأني من النوع إلي بجري دايما وباخد المنحنيات علي العاصي

وبعدين قرد مش قرد متفرقش المهم انه صنايعي بيتقي ربنا في شغله أحسن من مجدي أبو لسان حلو إلي بيخرب الدنيا

ربنا يكرمه كمان مره بجد..انا عمري ما أنسي شكل مسمار وصاموله المقص لما طلعهم وهو بيربط العفشه وبيأكد عليها

**Maged_Samy** · 15-03-2009 02:58 PM

مجدى تاخد منه كلام حلو ومقابلة حلوه بس ، وعلى فكرة لو سألت عاطف هيقولك اسمة كدة دى شهرتة لانه شاطر وقرد فى شغله مش ذم يعنى

**جمال** · 15-03-2009 03:22 PM

فكرة الموضوع كويسة
بس بلاش ذكر اسماء لانه كده يعتبر شخصنة للموضوع وتشهير
على فكرة انا لا اعرف اى من هؤلاء المذكورين اعلاه , يعنى مليش مصلحة

**strongxx** · 16-03-2009 10:49 PM

يا مجدي باشا انا مكنتش أقصد أني منفعل من كلمه القرد

انا عارف طبعا

بس الفكره أني بقول يعني بصفه عامه قرد ولا مش قرد المهم يكون صنايعي شاطر

وبالنسبه للأخ جمال

انا متعمد أني أذكر أسماء علشان فيه أسماء فعلا أنقذتني وأسماء كانت ممكن تخليني تحت التراب دلوقتي وبيترحموا عليه

الناس دي لا بتراعي ربنا في شغلها لأ وكمان مش بتخاف علي الناس إلي أستأمنتها علي عمرها أولا وعربياتها ثانيا

ولازم لازم نفضح قلة الضمير ولا أنتوا مش معايا يا رجاله ؟؟؟

**hema_hn** · 22-03-2009 02:13 PM

موضوع زى الفل عيزين نفضح كل من يسرق فى مجال السيارات
بس بشرط التأكد من السرقة او النصب
ولكم جزيل الشكر

**hema_hn** · 22-03-2009 02:26 PM

المشاركة الأصلية كتبت بواسطة strongxx

**** كان فيه صنايعي هناك أسمه عاطف أبن حلال ربنا يبارك له خلع من عنده من كتر امور النصب إلي كان بيعملوها هناك وراح فتح ورشه في محرم بك عند الشارع إلي قبل اخر كوبري قناه السويس يمين من وانت جاي من اتجاه كارفور..تمشي اخر الشارع ده حتلاقي سوق خضار تدخل الشارع إلي قصاده حيبقي علي يمينك مجرد ما تدخل حتلاقي الورشه بتاعته واخده ناصيه..وإلي حيروح له يقوله انا جاي لك من طرف صاحب العربيه الإكسيل البيضه..هو حيعرف علطول****

دول إلي فاكرهم بصراحه دلوقتي...لما أفتكر تاني حقولكم علطول

سعادة الباشا ممكن اعرف رقم تليفون عاطف او توضح انا حمشى لحد لما اقاطع الترام او تقلى الشارع رقم كام على اليمين

**morsika** · 31-03-2009 05:31 PM

فى برضو بتاع الكاوتش اللى فى بنزينة التعاون فى سيدى جابر على البحر...مرة قالى الفردة دى مش مظبوطة و قعد يخرم فيها و حط 12 خابور و خد 50 جنيه بعد ما اتعركت معاه... و بعدها بيوميين لقييت الفرده على الارض

**abou_ruqi** · 31-03-2009 09:34 PM

المشاركة الأصلية كتبت بواسطة morsika

فى برضو بتاع الكاوتش اللى فى بنزينة التعاون فى سيدى جابر على البحر...مرة قالى الفردة دى مش مظبوطة و قعد يخرم فيها و حط 12 خابور و خد 50 جنيه بعد ما اتعركت معاه... و بعدها بيوميين لقييت الفرده على الارض

ما هي دي نفس البنزينة اللي بتسرق باقي الفلوس

**ASKAFRAWY** · 31-03-2009 10:01 PM

موضوع جامد جدا ياشباب واول ما افتكر حراميه هقولكم

الموضوع: احذروا التعامل مع هؤلاء فى الاسكندرية

LinkBack

أدوات الموضوع

عرض

-

-

-

المواضيع المتشابهه

بحب اتعامل مع هؤلاء فى الاسكندرية

اي موديل افضل في هؤلاء

من هؤلاء

من الافضل بين هؤلاء؟

الكلمات الدلالية لهذا الموضوع

المفضلات

المفضلات

ضوابط المشاركة