الموضوع: تقرير مصور عاجل عن العروسة الجديدة (أوبترا 2009lsخليجى)

أخيرا وبعد الحيرة الشديدة واللف والدوران ،،،،وبعد التردد لأكثر من ثلاثة أشهر .... وبعد استخارة رب العزة سبحانه وتعالى،،،،،، تم يوم الخميس الماضى زفاف العروسةالجديدة إلى بيتى ،، والعروسة هى شيفروليه أوبترا موديل 2009LS
طبعا مواصفات خليجية وسوف أحكى لكم القصة بالتفصيل الممل واستحملونى شوية (خليكوا مكانى ):
1- المرحلى الأولى الاختيار :
ليس من السهل اختيار عروسة أو سيارة هذة الأيام ،،، وهذا ما عانيت منه خلال الأشهر الثلاثة الماضية،،،،، فقد نويت على شراء سيارة جديدة (بعد غربة قاربت على العشر سنوات)وبدأت البحث عن سيارة تناسبنى فى مصر ويكون سعرها مناسب وفى نفس الوقت تكون سيارة فخمة وبها كل الامكانات التى احتاجها،،،،،علما بأننى خلال السنوات الماضية قد امتلكت نوعيات مختلفة من السيارات (طبعا مستعملة) لأن أسعار السيارات المستعملة مناسبة جدا فى معظم دول العالم (ما عدا مصر) وآخر سيارة إمتلكتها وما زالت معى حتى الآن: مرسيدس 300 موديل 1991( زلموكة) فتحة سقف وجنوط وطبعا أتوماتيك ومكيفة ،سوداء اللون،،والمرسيدس لا يحتاج شهادة منى ولا من غيرى سيارات ما شاء الله لا يعلى عليها.
وأكيد قيادتك لسيارة مرسيدس لمدة ثلاث سنوات سيكون له تأثير كبير على اختيارك لأى سيارة تنوى شرائها.
-أول ما بدأت البحث سألت عن الهيونداى ورحت التوكيلات وركبت الأكسنت واعجبتنى بس كانت صغيرة وسعرها (full options)تقريبا 42000 ريال سعودى،، وبعدها نصحونى الناس بالإلنترا وكان سعرهافى شهر 11 اللى فات تقريبا 52000 ريال سعودى (أنا كل كلامى عن الفل) صرفت نظر.
- وفى مرة من المرات وانا ماشى لقيت قدامى توكيل نيسان دخلت ولقيت عندهم النيسان صنى شكلين كورى ويابانى وعجبتنى الكورى جدا ولما سالت لقيتها مش موجودة فى مصر
وبصراحة اليابانى لا عجبنى شكلها ولا إمكاناتها الداخلية،، لما اتفرجت عليها لقيتها ذات امكانات فقيرة جدا.
-واحد من زملائى أعطانى رقم تليفون واحد مندوب مبيعات مصرى فى وكالة تويوتا فى الرياض ولما رحتله قاللى اية رايك فى التريوس بصراحة كانت أول مرة أشوفها عن قرب أول ما شفتها لقيتها زى السيارة اللعبة وتقفيلها من الداخل أى كلام بالمرة(مافيش حد يزعل وجهة نظرى وأنا حر فيها لو سمحتم)،، بعد الفحص والبحث طلعتها من دماغى.
-قالولى خلاص خش على الكورولا،،،ما فيش بعدها سيارة وا وا.......إلخ وخصوصا ان فية اثنين من زملائى اشتروها ومعجبين بيها جدا،،، شفت السيارة فى الوكالة ولقيت انها سيارة جميلة(وليست خرافة كما يقولون)ولقيت سعرها مبالغ فيه جدا جدا جدا،، 63000 ريال سعودى،، قلت لا سلامات ،،،لية يعنى حاملة طائرات.
-أثناء بحثى لم يكن لى علاقة بشركة شيفرولية إلا عن طريق الأفيو علشان هى سيارة منتشرة أكثر من النمل فى الشوارع وخصوصا فى مكاتب الـتأجير،،، ولما بحثت عنها لقيت مواصفاتها كويسة بالنسبة لسعرها،،،كل هذا وأنا لا أعرف الأوبترا إلا بالاسم فقط،،،،
(كل ما أحكية لكم هنا بدأ من شهر 11 اللى فات حتى يوم السبت الماضى)
- وفى مرة من المرات كنت أتحدث تليفونيا إلى أحد مندوبي البيع فى شركة الجميح بالرياض (وكيل شيفرولية) فقال لى وليه ما تاخد الأوبترا،،،، بدأ الاسم يلفت انتباهى وبحثت عن السيارة على النت ولكن الصور لم تكن كافية واستفدت كثيرا من موضوعات الأعضاء فى هذا المنتدى ولكن الصور لم تعطينى (انطباع جيدعن السيارة)ولكني بدأت أجمع معلوما من هنا وهناك وأحسست بأنى مشدود للسيارة،،،
-وفجأة ،،، اتصل بى أحد زملائى وأخبرنى ان زميل لنا ثالث اشترى سيارة كورورلا من يومين ،،،فاتصلت بهذا الزميل وباركتله ودعوت له،،، وبصراحه الموضوع سخن فى دماغى وقلت أنا لازم أتشجع وآخد القرار،،،، وفعلا يوم الأحد الماضى قررت الذهاب إلى كل من توكيل شيفرولية وتوكيل هيونداى وذلك لرؤية وتجربة الأوبترا والإلنترا على الطبيعة،،،المهم رحت وعندما رأيت الأوبترا 2009 على الطبيعة كنت هاتجنن ،،سيارة ما شاء الله فى كل شىء،،،المهم قلت خلينى هادى ولازم أقارن بينها وبين الإلنترا وفعلا رحت وشفت الألنترا وجلست بداخلها وفحصتها من الألف للياء ولكنها لم تنجح فى إمالة قلبى إليها كما فعلت الأوبترا،،،،،،

-المرحلة الثانية : الشراء:
ذهبت يوم الاثنين الماضى إلى التوكيل ومعى شيك بقيمة السيارة وذهبت لاختبار اللون على الطبيعة من بين مئات السيارات الأوبترا والوانها اللى تجنن،،، وأخيرا اخترت اللون اللى هاتشوفوه دلوقى :
(اضغط على الصور لرؤيتها بحجمها الطبيعى)
0
ودى صور للسيارة من الخلف

- صورة من الأمام

- صورة لداخل السيارة

-وهذة صور هدية لمن يقولون أن استهلاك السيارة للبنزين عالى،،، شوفو عداد الكيلوات ماشى كام وشوفو موشر البنزين شكله ازاى علما بأن الصور لأول مشوار لى من الوكالة للبيت(300 كيلو تقريبا)وطبعا الوكالة بتحط بنزين يمشيك لأقرب محطة بنزين


وللحديث بقية إن شاء الله،،، لازم انام عندى شغل الصبح
مع وعد بمزيد من الصور
ولا تنسو الدعاء لى،،
وقولوا ما شاء الله لا قوة إلا بالله