حمله لإعفاء Abs و Ebd من الجمارك

**marsguy** · 14-03-2009 10:55 PM

السلام عليكم ورحمة الله وبركاته،،،

طبعاً كلنا عارفين إن مصر بقت من الدول اللي معدل الوفيات الناتجه عن حوادث السيارات فيها بقى من أعلى المعدلات في العالم.

ما بقاش في شارع يخلو من ضحايا حوادث الطرق والموضوع بقى شبيه بضحايا الحرب فعلاً.

الحكومه بدأت تتنبه للموضوع ده وبتحاول تقلل معدل الحوادث ده سواء بقانون المرور الجديد أو بمنع المقطورات أو بخلافه ....

بس أنا بصراحه الأيام دية باتسائل إزاي الحكومه بتحاول إنها تبذل مجهودات لتقليل معدل الحوادث وفي تفس الوقت لسه معتبره مستلزمات الأمان زي الـ Abs والـ Ebd من الكماليات والرفاهات وبتفرض عليهم جمارك وبتضطر مستوردي السيارات إنهم يطلبوا من المصنعين إنهم يشيلوها عشان يقدروا يبيعوا السيارات بسعر كويس!!!

الموضوع مش منطقي إطلاقاً

أصلاً على حد علمي المتواضع في بلاد بتمنع أي عربيه مافهاش المستلزمات دية إنها تنزل السوق أصلاً.

عشان كده أنا فكرت إن إحنا ممكن نعمل حمله لإعفاء المستلزمات دية من الجمارك.

وبدأت المحاوله بإني بعت إيميل للأستاذ صلاح منتصر من شويه وأديني باكتب الموضوع ده ليكم دلوقت.

يا ريت يا جماعه تقولولي رأيكم، وهل الموضوع أصلاً يستاهل ولا لأ؟

ولو حد عنده أفكار لإنجاح الفكره دية يا ريت ما يبخلش علينا بإقتراحه.

شكراً

**mab** · 14-03-2009 10:58 PM

فكرة رائعة اهنيك عليها

**M.Osman** · 14-03-2009 11:35 PM

بصراحة انا شايف ان سبب الحوادث و الوفيات هو غبااااااااااااااء السائق اللي فاكر ان الشارع اصبع خلاص حلبة السباق بتاعت عربيته الجديدة ... اللي لسة فرحان بيها ... و في حالات السرعات العالية و الغرز ... مفيش Abs ولا Ebd بينفعوا ... بكل بساطة لأن ظروف الطرق في مصر زي البطيخة كدا ... انت و حظك!

**ahmed_gman** · 14-03-2009 11:38 PM

السلام عليكم ورحمة الله وبركاته
فعلا موضوع مهم جدآآآآآآآآ ويجب تفعيله ويجب على المسؤلين عن الامن والمتانة ان يطالبوا بهذا الطلب وان يكون من الاساسيات فى السيارة و طبعآ وبلا شك ان ال ABS ,EBD اهم شئى فى عوامل الامان اهم من حزام الامان وووووووووحاجات تانية كتير من ما يشددون عليه0000000000000 والله المستعان على ما يصفون ولكم جزيل الشكر
و السلام عليكم ورحمة الله وبركاته