الموضوع: السيارة مش بتدور نهائى

لا الدينامو مفيهوش حاجه (لأنه كان شغال معاك لحد ما بطلت )............وأنا شاكك أن الكتاوت ده ودع خلاص ولازم يتغير ......علشان أنت بتأكد أن التكتكه منه لما قولت أن الصوت بتاع التكتكه ده صادر من علبة الفيوزات..........ومش عارف ليه مش مقتنع أن العيب من البطاريه.......وبالذات لما أنت بتقول أن توصيلاتها تمام ومفيش حاجه مفكوكه.......

السنتر بيعلق, والانوار مش شغالة و لما بأدوّر صوت التكتكة مستمر و الزنة بتاعة التشيك

عارف الحته دى لو حتى البطاريه ضعيفه والأتصال مش قد كده وكابلات مهويه حتى (على الرغم من أنك بتقول الكابلات تمام )......كان السنتر حيشتغل والتغذيه اللى رايحه لوحدة التحكم كمان ومكانش حيبقى فيه زنه (الزنه دى تقريبا أنذار خاص بوحدة التحكم وبتقول الكهرباء مش واصلالى )..........وكل اللى كان حيحصل أن المارش مش حيدور العربيه.........................وأنت ممكن تطلع الكتاوت ده وتبص عليه (وممكن حتلاقى أرجله محروقه لو كان كلامى صحيح ).......هو الكتاوت بدون شك.....................

أشكرك بشدة , على العموم تصبح على خير وبكره ربنا يدبرها
بس انا اجيب أى كهربائى ولا لازم حد بتاع كورى والكتاوت ده في حدود كام .. وشكرا

البطارييييييييييييية

اعمل تشيك علي وصلات البطارية ولو تقدر تجرب بطارية تانية احسن

طيب ليه التغذيه الكهربيه فصلت عن وحدة التحكم .....والسنتر والأنوار...............أعتقد العمليه مش حتعتم كده كلها مره واحده علشان بطاريه هوت كابلاتها (على الرغم من أن أخونا بيأكد أن التوصيلات كويسه )......................ولو حتى البطاريه كانت ضعيفه كان السنتر حيشتغل وتغذية وحدة التحكم وممكن الأنوار كمان..................الا بقه لوكانت البطاريه أتحرقت وباظت نهائيا ....وواضح أن الوضع ده مش موجود......وأكيد أخونا صاحب الموضوع كان حيلاحظ موضوع زى كده..............أو البطاريه فارت مثلا..........................

المارش لانه الكترونى

ياريت تفهمنى يعنى أيه مارش الكترونى.....................

المشاركة الأصلية كتبت بواسطة lionhero16

أشكرك بشدة , على العموم تصبح على خير وبكره ربنا يدبرها
بس انا اجيب أى كهربائى ولا لازم حد بتاع كورى والكتاوت ده في حدود كام .. وشكرا

ربنا يصلح لك الحال يا أخى......ومش شرط واحد كهربائى بتاع كورى (أى كهربائى كويس ).....والكتاوت ده أعتقد بكتيره من 60 - قول 80 جنيه على الأكثر....وياريت تبقى تقولنا على الأخبار .......علشان نطمن عليك ......أما أقوم أنام أحسن خلاص زى ما أنت شايف ببربش وعلشان العمليه ما تهنجش معايا