السيارة مش بتدور نهائى

**lionhero16** · 14-03-2009 11:13 PM

عربيتى دايو لانوس عطلت منى قبل البيت,
كنت واقف جيت ادوّر لقيت التابلوه نوره ضعيف وصوته مخنوق والمارش مش بيدور اصلا
حاولت تانى وفتحت الكبوت في صوت تكتكة طالع من علبة الفيوزات,
ولمبة التشيك بترعش.. ارجو مساعدتى وشكرا

**samirayad** · 14-03-2009 11:22 PM

أكشف على كتاوت الأمداد الرئيسى فى علبة الفيوزات وجميع الفيوزات...........دى أول خطوه .......وممكن تكون فيها كل المطلوب أن شاء الله

**lionhero16** · 14-03-2009 11:28 PM

شكرا على الرد السريع,
بس فين كتاوت الامداد ده, وبعدين الصوت طالع من العلبة اللى في الكبوت امام الدركسيون, صوت تكتكة على اوى . بس هى كل اللى فيها شكله سليم ومفيش ريحة شياط او حاجة.

**samirayad** · 14-03-2009 11:34 PM

هو أنت ماتعرفش علبة الفيوزات عندك .......حتلاقى الكتاوت مش متصل كويس ....وهو اللى بيعمل صوت التكتكه بتاع التلقيط دى ...........وعلبة الفيوزات دى علبه بلاستيك سوداء قدامك وانت فاتح الكبوت.............وممكن تستعين بصديق أو كهربائى..............................على فكره الكتاوت ده تقريبا قدرته 80 أمبير

**lionhero16** · 14-03-2009 11:41 PM

شكرا جدا, هنزل اشوفه وربنا يسهل,متشكر جدا على اهتمامك
طب غير كده في حاجة تانى ابص عليها..

**samirayad** · 14-03-2009 11:48 PM

المشاركة الأصلية كتبت بواسطة lionhero16

شكرا جدا, هنزل اشوفه وربنا يسهل,متشكر جدا على اهتمامك
طب غير كده في حاجة تانى ابص عليها..

أنزل شوفه حالا وأنا قاعد منتظرك لأنه ممكن يبوظ قاعدته طالما فيه كهرباء رايحاله من البطاريه ومش ملمس كويس (وحتلاقى العمليه بسيطه ....مجرد التأكيد على تركيبه بأحكام فى مكانه ...لأن ممكن مع الهزة والرجرجه وأنت جاى بالعربيه هوى شويه )....وأن شاء الله خير ......بس ياريت على طول دلوقتى ...لأن أنت أكيد سايب البطاريه موصله وأنا خايق قاعدة الكتاوت ده تبوظ من الشرر وخلافه وتبقى مشكله لاقدر الله........يا أما تفصل البطاريه لو معرفتش تعمل حاجه على ماتشوف كهربائى.........

**ahmed322** · 14-03-2009 11:51 PM

يا باشا ممكن تعمل فحص للبطاريه لانها هى اكيد مش موصله كهرباء كويس علشان كده بتعمل الصوت دا ..ولو عايز تتأكد حاول تجيب اى بطريه من اى حد صحبك وجربها هتلاقى العربيه بتدور عادى خالص

**samirayad** · 14-03-2009 11:55 PM

المشاركة الأصلية كتبت بواسطة ahmed322

يا باشا ممكن تعمل فحص للبطاريه لانها هى اكيد مش موصله كهرباء كويس علشان كده بتعمل الصوت دا ..ولو عايز تتأكد حاول تجيب اى بطريه من اى حد صحبك وجربها هتلاقى العربيه بتدور عادى خالص

الراجل بيقول تكتكه ( وبالتحديد من علبة الفيوزات ).......وطبعا هو اللى شايف لا أنا ولا أنت

وفتحت الكبوت في صوت تكتكة طالع من علبة الفيوزات

وأدى الدليــــــــــــــــــــ ـــــل

**lionhero16** · 15-03-2009 12:31 AM

مفيش فايدة و كل الوصلات تمام والفيوزات في مكانها ,
السنتر بيعلق, والانوار مش شغالة و لما بأدوّر صوت التكتكة مستمر و الزنة بتاعة التشيك كمان والموتور مبينطقش