عايز اعمل شوية اكسسوارات وعايز اراء الاعضاء معايا

السلام عليكم ورحمة اللة وبركاتة
انا يا جماعة دى اول مشاركة ليا فى المنتدى الجامد دة وبصراحة انا اول مرة ادخل منتدى خصوصا للسيارات واشوف الروح الجميلة الى بين الاعضاء :10D5C8~1107:
المهم ندخل فى الموضوع انا ياجماعة لسة جايب عربية نوبيرا 1 (معوقين)بس احنا مفيش حد عندنا معوق وطبعا طلعت عينا لحد ما اترخصت ودى اول عربية ليا وكنت عايز اعمل شوية تظبيت كدة اول حاجة كنت عايز اغير شوية اضاءة زى نور الصالون بليدات ثلجى وبردو الاشارات عايز اغيرها بثلجى او فلاش وعايز اركب ار بى ام الى بيركب فى القايم واغير اضادءة العربية لثلجى فوانيس وفوجات وكنت عايز اعرف ممكن اغير الجلدة بتاعت الفتيس بحاجة شكلها اسبوروكنت عايز اعرف من حضرتكم تكلفة الفيلم دة كلة يدخلة فى كام تقريبا عشان ميضحكش عاليا ولو حد عندة فكرة كويسة فى الاكسسوار يقولى معلش انا طولت اوى بس دة من عشمى واللةوشكرا ليكم مقدما

1- نور الصالون 20 جنيه
لمبتين اشارات تلجي 15 جنيه (الكبيره)
عداد ار بي ام ب 150 ممكن يزيد وممكن يقل حسب الحجم والشكل
لمبات الفوانيس والفوجات علي حسب بس هتبداء من 50 اقل حاجه
جلده الفتيس في حاجات اسبور من 50 وانت طالع

واعمل كمان ديل نيكل للشكمان هيبقي جامد عليها 50 جنيه

الاسعار دي ممكن تزيد او تقل حاجات بسيطه
والله اعلم,,,

لو اقدر اقول لحضرتك رايي في حاجه ... بس ده رايي ... الإشارات دي بقيت بستبيقها وبتخنق لما بشوفها .. ويارب تلاقي كل اللي انت عايزه وابقى ارفعلنا صور بعد متعملها

ولو إنت من القاهرة يبقا عليك وعلى شارع دمشق أو شارع التوفقية
وعلى فكرة المنتدى بتاعنا بيعمل خصومات حلوة أوى :S_thum1[1]:فى محلات كبيرة خاصة بالإكسسورات
إدخل هنا وشوف http://www.nilemotors.net/Nile/showthread.php?t=52679
وأهلآ بيك معانا :smartass::smartass:

بقولك يا boody8882 عايز اسالك على حاجه كدا ممكن؟

انت لما أشتريت البروتون الجين 2 ال 2009 كانت زى الصور الى كانت نازللها على الانترنت ولا زى الموديليين الى قبل كدا الى هما ال2007 وال 2008 ولو هيه زى الصور الى كانت نازللها على النت يا ريت تقولى جايبها مانيوال ولا اتوماتيك وبكام بعد أذنك ؟

اصلى انا كانت عاجبانى جدا وكنت هاجيبها بس النصيب بقى :original:

ودى من الصور الى انا قصدى عليها كانت نازله للعربيه على النت
http://www.postimage.org/Pq1FxNTJ.jpg

http://www.postimage.org/Pq1FxST0.jpg

http://www.postimage.org/Pq1Fx_mr.jpg

http://www.postimage.org/Pq1Fy4lJ.jpg

http://www.postimage.org/Pq1FybQ9.jpg

http://www.postimage.org/Pq1Fyeki.jpg

اقتباس:

---

المشاركة الأصلية كتبت بواسطة elshrpeny

بقولك يا boody8882 عايز اسالك على حاجه كدا ممكن؟

انت لما أشتريت البروتون الجين 2 ال 2009 كانت زى الصور الى كانت نازللها على الانترنت ولا زى الموديليين الى قبل كدا الى هما ال2007 وال 2008 ولو هيه زى الصور الى كانت نازللها على النت يا ريت تقولى جايبها مانيوال ولا اتوماتيك وبكام بعد أذنك ؟

اصلى انا كانت عاجبانى جدا وكنت هاجيبها بس النصيب بقى :original:

ودى من الصور الى انا قصدى عليها كانت نازله للعربيه على النت
[/]

---

بص يا باشا العربية الجين 2 ال 2009 لا هى اللى فى الصور بالضبط ولا هى نفس العربية ال 2007 , 2008
الجين 2 ال 2009 هى هى نفس اللى فى الصور اللى حضرتك جايبها دى بس من ناحية الشكل بس
لإن اللى فى الصور دى الجين 2 اللى بماتور ال CPS ودى مش بتنزل مصر خالص لإنها محتاجة مواصفات خاصة زى بنزين 95 وحاجات كده
الجين 2 اللى بتنزل مصر ( زى اللى معايا بالضبط ) دى بماتور IFAM
وعلى فكرة كلهم مواتير CAMPRO بس الإختلاف فى الفلتر الجديد اللى زاد فى ال 2009 وده علشان يعالج الفجوة اللى كانت موجودة فى الموديلات اللى قبل كده
( الفجوة دى كانت بتتمثل فى سحب العربية على السرعات المنخفضة )
وعربيتى أتوماتيك أسود جيبها من عز العرب وتمنها 89000
يارب أكون قدرت أوضحلك حاجة
تحياتى وتقديرى لحضرتك
:smartass::smartass::smartass:

الصراحة انا من الاسكندرية ونزلت انبارح لمحل اسمة tuning zoneهو حاسس انة غالى شوية بس عندة شوية حاجات تحفة واتفقت معاة اروحلة يوم الثلاثاء عشان اشترى الحاجات ويركبها بس مش عارف اخلية يركبها ولا اروح لكهرائى عشان ميغليش عاليا وشكرا على الرد

اقتباس:

---

المشاركة الأصلية كتبت بواسطة conan

الصراحة انا من الاسكندرية ونزلت انبارح لمحل اسمة tuning zoneهو حاسس انة غالى شوية بس عندة شوية حاجات تحفة واتفقت معاة اروحلة يوم الثلاثاء عشان اشترى الحاجات ويركبها بس مش عارف اخلية يركبها ولا اروح لكهرائى عشان ميغليش عاليا وشكرا على الرد

---

وعنوانة فين tuning zone ؟

اقتباس:

---

المشاركة الأصلية كتبت بواسطة Boody8882

بص يا باشا العربية الجين 2 ال 2009 لا هى اللى فى الصور بالضبط ولا هى نفس العربية ال 2007 , 2008
الجين 2 ال 2009 هى هى نفس اللى فى الصور اللى حضرتك جايبها دى بس من ناحية الشكل بس
لإن اللى فى الصور دى الجين 2 اللى بماتور ال CPS ودى مش بتنزل مصر خالص لإنها محتاجة مواصفات خاصة زى بنزين 95 وحاجات كده
الجين 2 اللى بتنزل مصر ( زى اللى معايا بالضبط ) دى بماتور IFAM
وعلى فكرة كلهم مواتير CAMPRO بس الإختلاف فى الفلتر الجديد اللى زاد فى ال 2009 وده علشان يعالج الفجوة اللى كانت موجودة فى الموديلات اللى قبل كده
( الفجوة دى كانت بتتمثل فى سحب العربية على السرعات المنخفضة )
وعربيتى أتوماتيك أسود جيبها من عز العرب وتمنها 89000
يارب أكون قدرت أوضحلك حاجة
تحياتى وتقديرى لحضرتك
:smartass::smartass::smartass:

---

لاء دا أنت وضحت كل حاجه بسم الله ما شاء الله

و ألف شكر ليك جدا على المعلومات دى يا boody8882 .

وعلى فكره انا كنت بخش الاول على منتدى البروتون وكنت بتابع كل المناقشات الدائره حول البروتون ودا كان من شهر 10 الى فات تقريبا بس بصراحه مكنتش بشارك مع الاعضاء هناك .

وفعلا انت فكرتنى بالمعلومات دى لانى كنت نسيتها دا حتى على ما أفتكر ان كان التوكيل بتاعها الى فى مصر أسكندريه الصحراوى على ما أفتكر الى هو ( عز العرب ) كانت ناس بتتصل بيه وكان بيقلهم تقريبا الى انت قولتهولى دا بالظبط .

كان بيقول انها زى الصور الى على النت بالظبط بس نفس الماتور الى فات وزودوا عليه فلتر عشان فعلا المشكله الى انت قولت عليها دى كانت بتقابل أعضاء المنتدى اياميها فهو قال ان الشركه عالجتها دا غير ان جوه نفس الفرش القديم يعنى من غير الفرش الجلد يعنى فعلا الى اتعدل فيها الشكل الخارجى والماتور فقط لا غير .

والف مبروك عليك العربيه وربنا يباركلك فيها ويرزقك بخيرها ويكفيك شرها :original:

سؤال أخير وانا عارف انى طولت عليك

متعرفش نوع انذار من غير سنتر لان انا عندى سنتر يكون ممتاز تقولى على نوعه لان انا دايخ على انذار ؟
بس يكون طبعا غير الى كان مطروح هنا فى منتدى الكماليات .

وجزاك الله كل خير

بص يا مودى تيونيننج زون دة جنب مدينة جاردينيا الجديدة الى على طريق الساعة وانت طالع على الملاحة هتلاقى كدة ارض فاضية هتتعمل مول وجنبيها معرض سيارات هو جنب معرض السيارات على طول وعلى فكرة عندة شوية جنوط اسبور استعمال بالكاوتش يعقدة دة غير الجديد ولو معرفتش الوصفة قولى اسهلهالك بس اعتقد انها سهلة

اقتباس:

---

المشاركة الأصلية كتبت بواسطة elshrpeny

لاء دا أنت وضحت كل حاجه بسم الله ما شاء الله

و ألف شكر ليك جدا على المعلومات دى يا boody8882 .

وعلى فكره انا كنت بخش الاول على منتدى البروتون وكنت بتابع كل المناقشات الدائره حول البروتون ودا كان من شهر 10 الى فات تقريبا بس بصراحه مكنتش بشارك مع الاعضاء هناك .

وفعلا انت فكرتنى بالمعلومات دى لانى كنت نسيتها دا حتى على ما أفتكر ان كان التوكيل بتاعها الى فى مصر أسكندريه الصحراوى على ما أفتكر الى هو ( عز العرب ) كانت ناس بتتصل بيه وكان بيقلهم تقريبا الى انت قولتهولى دا بالظبط .

كان بيقول انها زى الصور الى على النت بالظبط بس نفس الماتور الى فات وزودوا عليه فلتر عشان فعلا المشكله الى انت قولت عليها دى كانت بتقابل أعضاء المنتدى اياميها فهو قال ان الشركه عالجتها دا غير ان جوه نفس الفرش القديم يعنى من غير الفرش الجلد يعنى فعلا الى اتعدل فيها الشكل الخارجى والماتور فقط لا غير .

والف مبروك عليك العربيه وربنا يباركلك فيها ويرزقك بخيرها ويكفيك شرها :original:

سؤال أخير وانا عارف انى طولت عليك

متعرفش نوع انذار من غير سنتر لان انا عندى سنتر يكون ممتاز تقولى على نوعه لان انا دايخ على انذار ؟
بس يكون طبعا غير الى كان مطروح هنا فى منتدى الكماليات .

وجزاك الله كل خير

---

أهو موضوع السنتر والإنذار ده بقى معرفش عنه حاجه ومقدرش أفيدك فيه بأمانة
أنا عربيتى نزلة بسنتر وإنذار فيمكن علشان كده مهتمتش شويه بالموضوع ده