مشكلة في مارش الفليشيا

**mazenossama** · 15-03-2009 02:25 AM

السلام عليكم ورحمة الله وبركاتة
دلوقتي انا واقع في مشكلتين ياريت لو حد يساعدني
اول مشكلة من كام يوم لحظة ان المارش اخشن صوتة وبقي يطلع صوت خشخنة خصوصا لحظة دوران العربية (سكودا فليشيا) طبعا صهينت قلت لغاية اول الشهر ابقي ازبطة بس النهاردة لما جيت ادور المارش مدرش وصوت صوت حاجة بتلف بردة بس صوت المارش المتعارف عليه مظهرش قعدت مرة او مرتيت لحد ما المرش رجع يشتغل رحت في ساعتها للكهرائي وقلتله الحقني طبعا اشتغلني وبعد محيلة مع اني كنت جايبلة العربية بص وقالي ده صوت ترس او حاجة زي كدة طبعا بعد ماسمعته الصوت بتاع المرش الكلام ده كان الساعة 12 فقالي فوت عليه يوم الاتنين ياتري الصوت بتاع التفويت ده سببة ايه خصوصا انه مظهرش تاني وصوت الاخشونة دي ايه سببها وهل حل المارش ايه هل يمكن تصليحة واصلحة فين
ولو احتجت اجيب واحد استيراد اجيبة منين هل في حد بتاع مرشات طبعا غير الوكالة وهيتكلف كام

تاني مشكلة هي فرش العربية الاصلي ابتدي يتبهدل من القاعدة علية خصوصا ان صاحب العربية الي قبلية اخد الكسوة وطمع فيها المشكلة عندي ان الكنبة الي ورا جزئين تلت وتلتين فمش لاقي حد يركب عليه الكسوة خصوصا اني مش عايز الغي موضوع الجزئين عشان ساعات بطوي جزء واحط عليه حاجات
فهل في كسوات استندر موجود وعاملة حساب الموضوع ده بتاع الكنبة ويتركب الفرش تلبيس زي الكراسي الي قدام وبتتباع عند مين وبتتكلف كام تقريبا انا عايز حاجة معقولة مش حاجة غاليه عشان دي فليشيا مش اوكتفيا يعني وطبعا انا رحت التوفيقية وادريان و شارع المطبعة كلة وملقتش حد عنده الكنبة زي عندي ياتري ايه الحل ربنا يخليكوا

**umoussa** · 15-03-2009 02:59 AM

وعليكم السلام ورحمة الله وبركاته

شوف يا فندم
بالنسبة للفرش،

مدينة نصر

علياء
أخر مكرم عبيد، بعد نوكيا تاني شارع على اليمين

مصر الجديدة
مرجان في آخر نبيل الوقاد

دول ا حسن ناس بتوع فرش، بس روح عند علياء علشان اسعاره أحن وعنده كتالوجات وعينات قماش كتير ويقدر يفصلك الشكل الي انت عايزة بالقماش الي تختاره

بالنسبة للمارش:

انزل الحرفيين، واسأل على نزلة الريحاني، روح هناك حتلاقي محل مجدي البيومي
حتلاقي عنده المارش بتاع عربيتك

***نصيحة

متبصش جوة المحل والمخزن، حتلاقي انصاص لعربيتك ومواتير 1600 ومتخليش دماغك تودي وتجيب

لو حبيت اوصفلك أو أوصيه عليك ابعتلي بس ومالكش دعوة

**mazenossama** · 20-03-2009 01:49 PM

حمد لله طلع زي ما الكهربائي قالي ترس المرش كان مفوت فغيرتة بس للأسف ترس المارش السريع الاصلي تمنة 150 جنية

اما عن الفرش فعملتة عند واحد في شارع فيصل هو مش قد كدة بس شغال وكلفني 230