ركود سوق السيارات الجمعه 13/3/2009 لاول مره

سمعت الاخبار امبارح على المصريه
وكانو مستضيفين موظفين الشهر العقارى الخاص بسوق سيارات مدينة نصر
وكانت المفاجئه
الموظفه صرحت ان الجمعه اللى فاتت اول جمعه فى تاريخ سوق السيارات مايتباعش فيها ولا سياره واحده
ونقلا عن قولها لم يتم توثيق اى عقد بيع
ولا حتى توكيل
بالرغم من ان البائعين كانو موجودين من الساعه 5 صباحا امام السوق علشان يلاقو مكان يركنو فيه سياراتهم
يعنى موظفين الشهر العقارى ماعملوش ولا جنيه يوم الجمعه اللى فاتت
وياريت لو حد من الاخوه الاعضاء كان فى السوق يوم الجمعه اللى فاتت يأكد لنا الكلام ده

عشرة على عشرة لو فعلا الخبر أكيد:S_thum1[1]::44:

نفس الأخبار دي علي قناة العربية مع تصوير لحالة الركود الهائلة

اقتباس:

---

المشاركة الأصلية كتبت بواسطة ahmadems

عشرة على عشرة لو فعلا الخبر أكيد:S_thum1[1]::44:

---

اكيد الخبر اكيد طبعا و لكن للاسف لسه في ناس عايشه في الوهم و فاكرة انها ممكن تبيع بالاسعار اللي هيا عايزاها ميعرفوش ان تقريبا مفيش حد بيشتري

بكل أسف الخبر دا حقيقى
أنا كنت موجود هناك وفعلا كان يوم راكد تماماً للبيع والشراء
وبكل أسف سيزداد هذا الوضع مع نزول أسعار السيارات الجديدة وقيام مصانع السيارات والوكلاء بتقديم حوافز يمكن أن تصل لدرجات لم نراها مطلقا فى صناعة السيارات
أسف للإطالة

يا نهار أبيض واضح إنها خربت يا شباب ربنا يسترها

انا كنت هناك الجمعة واشتريت انا وصاحبي بس سجلنا برة وحواليا اتباعت ييجي 10 عربيات كمان

المشكلة اللي بتخلي السوق واقف ان الكل بيستنى لأخر النهار بعد ما البايع بييأس وبيكون الشهر العقاري قفل ده من ناحية الناحية التانية فيه ناس بتطلب اسعار رهيبة بضمير في العربيات

عربية 128 موديل 77 صاحبها طالب 16 من غير كلام

وواحد تانى معاه 128 موديل 83 مغيرة نص امامي ماسك في 15 متنزلش شلن

اقتباس:

---

يا نهار أبيض واضح إنها خربت يا شباب ربنا يسترها

---

خربت ؟؟؟؟ خربت ازى ؟؟

دى مش حاجه وحشه والله .. دى حاجه تدل على ان مصر هتنظف ان شاء الله !! طبعا هيه العمليه اكيد هتبقى وحشه للى عاوز يبيع عربيه ال بقالها 20 سنه ماشيه بنفس سعرها من 20 سنه .. اهى دى الناس اللى هتبقى العمليه ضربت معاها !!

يارب يصلح حال البلد دى .. وينتقم من كل تاجر جشع نصاب او اى حد يساعد ف بوظان البلد

إخواني الكلام ده مش صحيح انا من كفر الدوار وكنت في السوق وبعت عربيتي لواحد من القاهرة ودا كان حوالي الساعة 3 ونصف وذهبنا للشهر العقاري الموجود بالسوق وجدنا عنده زحمة رهيبة منعتنا من اجراء العملية واتفقنا على يوم السبت في مكان آخر

ممكن اعرف السوق دا فين ؟؟
فى اسكندريه
ولا فين
ولو فى اسكندريه هوا اللى ف سيدى بشر ؟
لان يصراحه عاوز ابيع عربية بتمن معقول