-
RPM
اخوانى الاعزاء السلام عليكم
هذه اول مشاركة لى معكم نظرا لما لمسته من تعاونكم .
الحمد لله اشتريت سيارة لانوس موديل 99 و لكن عدم وجود عداد RPM مضايقنى جدا و ده لانى باسافر كتير شرم و الغردقة و على طول بامشى على سرعات عاليه فوق ال 140 و احيانا 160 بس دة مخوفنى انى اكون محمل جدا على الموتور يعنى اكون ماشى على عدد لفات اكتر من 5000 لفة فيتعب الموتور بسرعه فهل ممكن اركب عداد RPM و لا مش حينفع .
انا باشوف ناس مركبه عدادات كتير على القايم بتاع العربيه جنب السواق ايه العدادات دى.
عداد البنزين عندى مش مظبوط لما بكون مفول مبيوصلش لى ال f ابدا و لما بيكون العداد فاضى بيكون فيها حوالى 20 لتر ممكن اصلحة فين.
دايما فى صوت صفافير جامد جوا الكابينه و ابا ماشى.
و شكرا لتعاونكم
اخوكم عماد محمد
-
أنا برده لسه جايب عربية لانوس .. بس بصراحة مش هقدر أفيدك .. وإن شاء الله يرد عليك مشرفنا القدير MMamdouh على استفسارك. وياريت بالمرة أعرف إيه فايدة العداد RPM.
-
اولا الRPM هو عداد بيقيس عدد لفات المحرك و هو مفيد للقيادة الاقتصادية و الرياضية على حد سواء
تركيب RPM فى اللانوس ممكن و انا ركبتة فى عربية والدى
http://www.daewootech.com/forum/viewtopic.php?t=8636
اللانوس فيها تعقيد شوية فى موضوع الRPM و فى لعبة بتتعمل عشان يشتغل صح... اللعبة دى سر من اسرار المهنة بس انا مقدرش اخبى عليكوا... الشرح بتاع التركيب فى الموضوع دة
http://www.daewootech.com/forum/viewtopic.php?t=7469
العدادات الكتير بتبقى راكبة فى حامل فبر و انت ممكن تختار العدادات اللى تعجبك عشان تركبها... ممكن تركب
ضغط زيت
حرارة زيت
حرارة مياه
فاكيوم/بوست
خليط هواء/وقود
بالنسبة لعداد البنزين انت محتاج تفك طلمبة البنزين و حتلاقى وحدة ارسال العداد فى جنب الطلمبة... نضف مكن اتصال العوامة بالبوردة و حتلاقى العداد بقى مضبوط
بالنسبة للصفافير غالبا الحلية البلاستيك اللى على قوايم الابواب مش راكبة كويس و بتقاوم الهواء... راجع مسامير التركيب و اتاكد ان الكلبسات مش مكسورة
MMamdouh
-
شكرا استاذ ممدوح على ردك السريع
واضح من خلال المقال ان التركيب لعدادRPM سهل مش صعب بس انا مش باحب العب فى دوائر الكهرباء فهل تعرف حد كويس ممكن اركب عندة العداد اسهل بدل ما ابوظ الدنيا انا عارف نفسى :D
بالنسبه لموضوع السرعات العاليه مئولتليش ايه تاثيرها على الموتور لانى بصراحة مبعرفش اقاوم انى اجرى بسرعة
و شكرا لك استاذ ممدوح
-
الكهربائى اللى رحتلة طلع @#$%^ (اسم حيوان بينهق) و كان العداد بيقرا نص قرايه فا ركبتة انا بنفسى
MMamdouh
-
أ / emadno1
بص يا سيدي
انا عربيتي لانوسII مو2002
التاني علي سرعة 40كم/س بيكون 3000RPM
التالت علي سرعة 60كم/س بيكون 3000RPM
الرابع علي سرعة 80كم/س بيكون 3000RPM
الخامس علي سرعة 100كم/س بيكون 3000RPM
الخامس علي سرعة 150كم/س بيكون 4300RPM
الخامس علي سرعة 160كم/س بيكون 4700RPM
الخامس علي سرعة 170كم/س بيكون 5000RPM
علي فكرة كل السرعات اللي فاتت مع التكييف
بس ما تسالش علي استهلاك البنزين
و ممكن تراجع الموضوع ده
http://www.nilemotors.net/Forum/viewtopic.php?t=5770
ارجو انك تستفيد من اللي انا كتبته و نصيحة كفاية لغاية 140
Sameh Aziz
-
-
شكرا لكل الاخوه الذين ساهمو فى الرد على سوالى و بخاصة الاسستاذ سامح عزيز لردة المفصل
بس ليه سوال اخير عندك ليه بتفضل سرعة 140 بس انا بحس انها ثابته جدا لغايه 150 لما بوصل لى 170 بحس انها طياره ورق علشان كدة مش باحب دلوقت امشى اكتر من 150 و على فكرة انا تقريبا ما بقفلش التكييف علشان هنا فى الغردقة و شرم دايما الحر حر و البرد برد غير الهوا
و شكرا ليكو كلكو
-
140 is more controlable due to Poor Brake system
Sameh Aziz
Content Relevant URLs by
vBSEO 3.6.0 PL2