الموضوع: RPM

**emadno1** · 06-09-2007 02:43 AM

اخوانى الاعزاء السلام عليكم
هذه اول مشاركة لى معكم نظرا لما لمسته من تعاونكم .
الحمد لله اشتريت سيارة لانوس موديل 99 و لكن عدم وجود عداد RPM مضايقنى جدا و ده لانى باسافر كتير شرم و الغردقة و على طول بامشى على سرعات عاليه فوق ال 140 و احيانا 160 بس دة مخوفنى انى اكون محمل جدا على الموتور يعنى اكون ماشى على عدد لفات اكتر من 5000 لفة فيتعب الموتور بسرعه فهل ممكن اركب عداد RPM و لا مش حينفع .
انا باشوف ناس مركبه عدادات كتير على القايم بتاع العربيه جنب السواق ايه العدادات دى.

عداد البنزين عندى مش مظبوط لما بكون مفول مبيوصلش لى ال f ابدا و لما بيكون العداد فاضى بيكون فيها حوالى 20 لتر ممكن اصلحة فين.

دايما فى صوت صفافير جامد جوا الكابينه و ابا ماشى.

و شكرا لتعاونكم
اخوكم عماد محمد

**Mohamed A S** · 06-09-2007 10:06 AM

أنا برده لسه جايب عربية لانوس .. بس بصراحة مش هقدر أفيدك .. وإن شاء الله يرد عليك مشرفنا القدير MMamdouh على استفسارك. وياريت بالمرة أعرف إيه فايدة العداد RPM.

**MMamdouh** · 06-09-2007 10:43 AM

اولا الRPM هو عداد بيقيس عدد لفات المحرك و هو مفيد للقيادة الاقتصادية و الرياضية على حد سواء

تركيب RPM فى اللانوس ممكن و انا ركبتة فى عربية والدى
http://www.daewootech.com/forum/viewtopic.php?t=8636

اللانوس فيها تعقيد شوية فى موضوع الRPM و فى لعبة بتتعمل عشان يشتغل صح... اللعبة دى سر من اسرار المهنة بس انا مقدرش اخبى عليكوا... الشرح بتاع التركيب فى الموضوع دة
http://www.daewootech.com/forum/viewtopic.php?t=7469

العدادات الكتير بتبقى راكبة فى حامل فبر و انت ممكن تختار العدادات اللى تعجبك عشان تركبها... ممكن تركب
ضغط زيت
حرارة زيت
حرارة مياه
فاكيوم/بوست
خليط هواء/وقود

بالنسبة لعداد البنزين انت محتاج تفك طلمبة البنزين و حتلاقى وحدة ارسال العداد فى جنب الطلمبة... نضف مكن اتصال العوامة بالبوردة و حتلاقى العداد بقى مضبوط

بالنسبة للصفافير غالبا الحلية البلاستيك اللى على قوايم الابواب مش راكبة كويس و بتقاوم الهواء... راجع مسامير التركيب و اتاكد ان الكلبسات مش مكسورة

MMamdouh

**MMamdouh** · 06-09-2007 05:15 PM

الكهربائى اللى رحتلة طلع @#$%^ (اسم حيوان بينهق) و كان العداد بيقرا نص قرايه فا ركبتة انا بنفسى

MMamdouh

**Sameh Aziz** · 11-09-2007 12:18 PM

علي فكرة ممكن تشوف الصور و هي اقوي و ادق

http://www.i22i.net/uploads/bd6ee321f0.jpg

http://www.i22i.net/uploads/03227fa535.jpg

http://www.i22i.net/uploads/a7ee4d2560.jpg

Sameh Aziz

**emadno1** · 15-09-2007 11:20 AM

شكرا لكل الاخوه الذين ساهمو فى الرد على سوالى و بخاصة الاسستاذ سامح عزيز لردة المفصل

بس ليه سوال اخير عندك ليه بتفضل سرعة 140 بس انا بحس انها ثابته جدا لغايه 150 لما بوصل لى 170 بحس انها طياره ورق علشان كدة مش باحب دلوقت امشى اكتر من 150 و على فكرة انا تقريبا ما بقفلش التكييف علشان هنا فى الغردقة و شرم دايما الحر حر و البرد برد غير الهوا

و شكرا ليكو كلكو